02-Jun-2025

ମାଲକାନଗିରି: ଆଜି ସକାଳ ୭ଟା ସମୟରେ ମାଲକାନଗିରି ସ୍ଥିତ ବିଜାଘାଟି ନିକଟରେ ଶ୍ରୀବାଲାଜୀ ବସର ବ୍ରେକ୍ ବେଲ୍ ହେବା ଯୋଗୁ ବସ୍ ଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ୩୫ରୁ ଅଧିକ ଯାତ୍ରୀ ଆହାତ ହୋଇଥିବା ଜଣାପଡିଛି। ନିକଟସ୍ଥ ଗାଁ ଲୋକମାନେ ଆସି ଆହାତ ଯାତ୍ରୀମାନଙ୍କୁ ଉଦ୍ଧାର କରିଥିଲେ। ଆହାତ ଯାତ୍ରୀମାନଙ୍କୁ ପାଣ୍ଡ୍ରିପାଣି ହସପାଟାଲକୁ

୧୫ ଜଣଙ୍କୁ ପଠାଯାଇଥିବା ବେଳେ ୨୦ ଜଣ ଆହାତ ଯାତ୍ରୀ ମାନଙ୍କୁ ମାଲକାନଗିରି ଜିଲ୍ଲା ହସପିଟାଲରେ ଚିକିତ୍ସା ଲାଗି ଭର୍ତ୍ତି କରାଯାଇଛି।
ସୂଚନାଯୋଗ୍ୟ ଯେ ଶ୍ରୀବାଲାଜୀ ବସଟି ହାଇଦ୍ରାବାଦରୁ ପ୍ରାୟ ୮୦ ଯାତ୍ରୀ ଙ୍କୁ ନେଇ କଣ୍ଟାବାଞ୍ଜି ଯାଉଥିବା ବେଳେ ଆଜି ସକାଳ ୭ଟା ସମୟରେ ମାଲକାନଗିରି ନିକଟସ୍ଥ ବିଜାଘାଟି ଉପରକୁ ବସଟି ଚଢୁଥିଲା । କିନ୍ତୁ ଘାଟି ଚଢିବା ସମୟରେ ବସ୍

ର ବ୍ରେକ୍ ଫେଲ୍ ହେବା ଫଳରେ ବସଟି ୧୦୦ ମିଟର ପଛକୁ ଗଡିଯାଇ ଏକ ଗଛରେ ଧକ୍କା ଦେଇ ଓଲଟି ପଡ଼ିଥିଲା। ଫଳରେ ବସରେ ବସିଥିବା ୩୫ ଜଣ ଯାତ୍ରୀ ଆହାତ ହୋଇ ଥିଲେ । ନିକଟସ୍ଥ ଗାଁ ଲୋକମାନେ ବସରୁ ଯାତ୍ରୀ ମାନଂକୁ ଉଦ୍ଧାର  କରିଥିଲା ବେଳେ ଖବର ପାଇ ମାଲକାନଗିରି ପୋଲିସ ଏବଂ ଆରଟିଓ ପହଞ୍ଚି ଆହତ ମାନଙ୍କ ଚିକିତ୍ସା ପାଇଁ ପାଣ୍ଡ୍ରିପାଣି ଓ ମାଲକାନଗିରି ହସ୍ପିଟାଲକୁ ପଠାଇଥିଲେ।  କଣ୍ଟାବାଞ୍ଜିରୁ ଏହି ଲୋକମାନେ ସପରିବାରେ ହାଇଦ୍ରାବାଦର ଇଟା ଫେକ୍ଟ୍ରିରେ କାମ କରିବାକୁ ଯାଇଥିଲେ । ଶ୍ରୀ ବାଲାଜୀ ବସରେ ଓଭର ଲୋଡ୍ ହୋଇ ଇଟା ଶ୍ରମିକ ଯାତ୍ରୀମାନେ ପିଲାଛିଆମାନଙ୍କୁ ନେଇ ବସରେ ଫେରୁଥିବା ବେଳେ ଆଜି ସକାଳେ ଏହି ଦୁର୍ଘଟଣା ଘଟିଥିଲା । ବର୍ତ୍ତମାନ କୌଣସି ଯାତ୍ରୀଙ୍କର ମୃତ୍ୟୁ ଘଟି ନ ଥିବା ବେଳେ ୭ ଜଣ ଯାତ୍ରୀଙ୍କୁ ଅଧିକା ଆଘାତ ଲାଗିଛି । ଏଥି ପ୍ରତି ମାଲକାନଗିରି ଜିଲା ପ୍ରଶାସନ ସହଯୋଗରହାତ ବଢ଼ାଇଛି।