30-May-2025

ଅମ୍ବାଭୋନା  (ପ୍ରକାଶ ଚନ୍ଦ୍ର ରଥ )ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ବାଞ୍ଜିପାଲି ଗ୍ରାମପଞ୍ଚାୟତ ଅଧିନସ୍ଥ ଅର୍ଜୁଣ୍ଡା ଗ୍ରାମର ସୁରେଖା ଭୁଏ (୪୯) ଙ୍କୁ ଭେଟିଲେ ଅଟଳ ଚାରିଟେବୁଲ ଟ୍ରଷ୍ଟ ର ସଭାପତି ଶିବାଜୀ ପଟେଲ ଓ ସହଯୋଗୀ।ଦୀର୍ଘଦିନ ରେ ଏକ ଅଜଣା ରୋଗ ରେ ପୀଡ଼ିତ ଅଛନ୍ତି ଅର୍ଜୁଣ୍ଡା ଗ୍ରାମ ର ସୁରେଖା ଭୁଏ। ତାଙ୍କର ଡାହାଣ ଗୋଡ଼ ଛିଣ୍ଡିବା ଅବସ୍ଥା ରେ ରହିଥିବାରୁ ଖବର ପାଇ ଅଟଳ ଚାରିଟେବୁଲ ଟ୍ରଷ୍ଟ ର ସଭାପତି ଶ୍ରୀମାନ ଶିବାଜୀ ପଟେଲ ଟ୍ରଷ୍ଟ ର ସଦସ୍ୟ ପ୍ରଫୁଲ୍ଲ ପଧାନ,ଯୁଧିଷ୍ଠିର, ନୃପ, ଆଲୋକ ଓ ନିତ୍ୟାନନ୍ଦ ବେହେରା ଙ୍କ ସହିତ ସୁରେଖା ଭଉଣୀ ଙ୍କ ଘର କୁ ଯାଇ ଭେଟିଥିଲେ। ଗରିବ ସୀମାରେଖା ରେ ଜୀବନ ଯାପନ କରୁଥିବାରୁ ଚିକିତ୍ସା ରେ ତାଙ୍କ ପାଇଁ ଅର୍ଥ ବାଧକ ସାଜିଥିଲା। ଭଉଣୀ ଙ୍କ ର ଆଗାମୀ ଚିକିତ୍ସା କିପରି ଭଲ ଭାବରେ ହୋଇପାରିବ ସେଥି ନିମନ୍ତେ ଓ ତାଙ୍କର ସୁସ୍ଥ ଜୀବନ ପାଇଁ ଅଟଳ ପରିବାର ତାଙ୍କୁ ଭରସା ଦେଇଥିଲେ।ସକ୍ଷମ ଅନୁସାରେ ସହାୟତା ଓ ଗରିବ ଙ୍କୁ ସାହାଯ୍ୟ ର ହାତ ବଢ଼ାଇଥିବା ସ୍ବେଛାସେବୀ ସଂଗଠନ ଅଟଳ ଚାରିଟେବୁଲ ଟ୍ରଷ୍ଟ ର ଏହି ମହାନ ସେବା ତଥା ଅସହାୟ ଙ୍କୁ ସଦସ୍ୟ ଙ୍କ ସହାୟତା ରେ ସମବେଦନା ଜଣାଇ ସମାଜ ପାଇଁ ଏକ ଉଦାହରଣ ସୃଷ୍ଟି କରିଚାଲିଛନ୍ତି। ଅଟଳ ପରିବାର ର ଏଭଳି ନିସ୍ଵାର୍ଥପର ସେବା ମନୋବୃତ୍ତି କୁ ଅଞ୍ଚଳ ରେ ଭୁରି ଭୁରି ପ୍ରଶଂସା କରାଯାଉଥିବା ଦୃଶ୍ୟ ମାନ ହେଉଛି।