30-May-2025

କଣ୍ଟାବାଞ୍ଜି (କୈଳାସ ସଗ୍ରିଆ) ବଲାଙ୍ଗିର ଜିଲ୍ଲା କଣ୍ଟାବାଞ୍ଜି  ରେଲୱେ ଷ୍ଟେସନ ରେ ରେଳବାଇ ପକ୍ଷରୁ ରେଳବାଇ ଷ୍ଟେସନ ବିକାଶ ପାଇଁ ଜମି ଆବଶ୍ୟକତା ପଡ଼ିବାରୁ ରେଳବାଇ ଜମି ରେ ୫୦ ବର୍ଷ ରୁ ଦୋକାନ କରିଥିବା  ଦୋକାନୀ ମାନଙ୍କୁ ଦୋକାନ ଗୁଡିକ ଉଛେଦ କରିବାକୁ ନୋଟିସ ଦିଆଯାଇଥିବା  ବେଳେ ୪୦ ରୁ ୫୦ ଦୋକାନୀ ନିଜ ଦୋକାନ ଗୁଡିକ ରେଳବାଇ ଷ୍ଟେସନ ବିକାଶ କରିବା ପାଇଁ ରେଳବାଇ ପକ୍ଷରୁ ଦେଇଥିବା  ନୋଟିସ ପାଳନ କରି ନିଜ ଦୋକାନ ଗୁଡିକ ତା - ୨୩-୧୨--୨୦୨୪ ଉଛେଦ କରିଦେଇଛନ୍ତି ବୋଲି କଣ୍ଟାବାଞ୍ଜି ରେଲୱେ ମାର୍ଚ୍ଚାଣ୍ଟ ଆସୋସିଏସନ ପକ୍ଷରୁ କୁହାଯାଇଥିବା ଜଣାପଡିଛି। ସୂଚନାଯୋଗ୍ୟ ଯେ,କଣ୍ଟାବାଞ୍ଜି ରେଲୱେ ମାର୍ଚ୍ଚାଣ୍ଟ ଆସୋସିଏସନ  ସୁଚନା ଅନୁଯାୟୀ ୩୦ ରୁ ୪୦ ଦୋକାନୀ ମାନଙ୍କର ପରିବାରର ଓ ତାଙ୍କର ସନ୍ତାନ ପାଠ ପଢା ଏହି ଦୋକାନ ଗୁଡିକ ବ୍ୟବସାୟ ରୋଜଗାର ଉପରେ ନିର୍ଭରଶୀଳ ରହିଥିବା ଜଣାଯାଏ। ବର୍ତ୍ତମାନ ପ୍ରାୟ ୫ ମାସ ହେବ ଏହି ଦୋକାନୀ ମାନଙ୍କର ଅର୍ଥିକ ଅବସ୍ଥା ଅଭାବ ଶୋଚନୀୟ ହୋଇ ପଡିଛି । ଦୋକାନୀ ମାନେ ଅଭିଯୋଗ କରିଛନ୍ତି ଯେ, ସେମାନଙ୍କର ପରିବାର ଚଳାଇବା ଓ ସ୍କୁଲ ,କଲେଜ ତାଙ୍କର ସନ୍ତାନ ମାନଙ୍କୁ ପାଠ ପଢ଼ାଇବା ପାଇଁ ଅନେକ ସମସ୍ୟା ର ସମୁଖୀନ ହେବା କୁ ପଡ଼ୁଛି। କଣ୍ଟାବାଞ୍ଜି ରେଲୱେ ମାର୍ଚ୍ଚାଣ୍ଟ ଆସୋସିଏସନ ପକ୍ଷରୁ ରେଳବାଇ ଜମି ଉଛେଦ ଦୋକାନୀ ମାନଙ୍କର ଥାଇଥାନ ଓ କ୍ଷତି ପୂରଣ ପ୍ରଦାନ ନେଇ ଭାରତ ସରକାର ରେଳବାଇ ମନ୍ତ୍ରୀ, ବଲାଙ୍ଗୀର ସାଂସଦ ଶ୍ରୀମତି ସଙ୍ଗିତା କୁମାରୀ ସିଂହଦିଓ ବଲାଙ୍ଗୀର ଜିଲ୍ଲାପାଳ, ଜିଏମ, ଭୁବନେଶ୍ୱର,ଡିଆରମ, ସମ୍ବଲପୁର, ପୂର୍ବତନ ବିଧାୟକ ତଥା ଓଡ଼ିଶା କଂଗ୍ରେସ କମିଟି ଉପାଧ୍ୟକ୍ଷ ସନ୍ତାଷ ସିଂ ସାଲୁଜା ଙ୍କୁ ଚିଠି ମାଧ୍ୟମ ରେ ଜଣାଇଥିବା ଜଣାପଡିଛି। ଏହା ବ୍ୟତିତ କଣ୍ଟାବାଞ୍ଜି ରେଲୱେ ମାର୍ଚ୍ଚାଣ୍ଟ ଆସୋସିଏସନ ମାନବ ଅଧିକାର କମିଶନ, ଭୁବନେଶ୍ୱର ଙ୍କୁ ମଧ୍ୟ  ଥାଇଥାନ ଓ କ୍ଷତି ପୂରଣ ଆଇନଗତ କାର୍ଯ୍ୟାନୁଷ୍ଠାନ ଗହଣ କରିବା ପାଇଁ ଚିଠି ଲେଖିଛନ୍ତି। ଏନେଇ କ୍ଷତି ପୂରଣ ଓ ଥାଇଥାନ ଯଥା ଶୀଘ୍ର କେନ୍ଦ୍ର ସରକାର ଓ ରାଜ୍ୟ ସରକାର ପ୍ରଦାନ କରିବାକୁ କଣ୍ଟାବାଞ୍ଜି ରେଲୱେ  ମାର୍ଚ୍ଚାଣ୍ଟ ଆସୋସିଏସନ ଦାଵୀ କରୁଛନ୍ତି।