26-May-2025

ବିନିକା(ହିମାଂଶୁ ଶେଖର ପୁଟେଲ) ବଲାଙ୍ଗିର ଜିଲ୍ଲାର ଜଣେ କର୍ତ୍ତବ୍ୟରତ ସାମ୍ବାଦିକ ବିଜୟ ପ୍ରଧାନ ପୁଇନ୍ତଲା କୁଲଥିପାଲି ଗାଁକୁ ଯାଇ ଦୁର୍ନୀତି ଖବର ସଂଗ୍ରହ କରୁଥିବା ବେଳେ ଦୁର୍ନୀତିଗ୍ରସ୍ତ ଠିକାଦାର ସହ ତାଙ୍କର ସାଥି ମାନେ ସାମ୍ବାଦିକ ବିଜୟ ପ୍ରଧାନଙ୍କୁ ହାତ ଗୋଡ ବାନ୍ଧି ମାଡ଼ ମାରିଥିଲେ । ଏହା ସହିତ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହିତ ଜୀବନରେ ମାରି ଦେବାକୁ ଧମକ ଦେଇଥିଲେ  ।ଘଟଣା ଘଟିବାର ୩ଦିନ ପୂର୍ବରୁ ଏନେଇ ଥାନାରେ ଲିଖିତ ଅଭିଯୋଗ ହେବା ପରେ ଥାନାରେ ମାମଲା ରୁଜୁ ହୋଇଥିଲା ହେଲେ ପୋଲିସ କାହାକୁ ବି ଗିରଫ କରିନଥିଲା ।ଦିନକୁ ଦିନ ଘଟଣା ଜଟିଳ ହେବାପରେ ଏବଂ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ପୋଲିସ ବାଧ୍ୟ ହୋଇ ଏହି ଘଟଣାରେ ସଂଶ୍ଲିଷ୍ଟ ୪ଜଣଙ୍କୁ ଆଜି ଗିରଫ କରିଛି।ହେଲେ ମୁଖ୍ୟ ଅଭିଯୁକ୍ତ ଅଦ୍ୟାବଧି ଗିରଫ ହୋଇନାହିଁ।ତୁରନ୍ତ ମୁଖ୍ୟ ଅଭିଯୁକ୍ତକୁ ଗିରଫ କରିବା ସହିତ ତାର ଉପରେ ଦୃଢରୁ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିନିକା ସାମ୍ବାଦିକ ସଂଘର କର୍ମକର୍ତ୍ତା ମାନେ ଆଜି ମଧ୍ୟାହ୍ନରେ ବିନିକା ଥାନାକୁ ଆସି ଥାନା ଅଧିକାରୀ ସାରଙ୍ଗଧର ପାଣିଗ୍ରାହୀଙ୍କ ଜରିଆରେ ରାଜ୍ୟ ପୋଲିସ ମହାନିର୍ଦ୍ଦେଶକଙ୍କ ନିକଟକୁ ଏକ ଦାବିପତ୍ର ପ୍ରଦାନ କରିଛନ୍ତି।ଦାବିପତ୍ରରେ ସେମାନେ ଉଲ୍ଲେଖ କରିଛନ୍ତି ଯେ ଗଣତନ୍ତ୍ରର ଚତୁର୍ଥ ସ୍ତମ୍ଭ ସାମ୍ବାଦିକ ମାନେ ସତ୍ୟ ଘଟଣା ଉନ୍ମୋଚନ କଲେ କିଛି ଦୁର୍ନୀତି ଗ୍ରସ୍ତ ବ୍ୟକ୍ତି ବିଶେଷଙ୍କୁ ବାଧୁଛି ।ଯାହା ଫଳରେ କି ସେହି ବ୍ୟକ୍ତି ମାନେ ହିଂସ୍ର ରୂପ ଧାରଣା କରି ସାମ୍ବାଦିକଙ୍କ ଉପରେ ମରଣାତ୍ମକ ଆକ୍ରମଣ କରୁଛନ୍ତି ।ତେଣୁ ସାମ୍ବାଦିକଙ୍କୁ ମାଡ଼ ମାରିଥିବା ବ୍ୟକ୍ତି ମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ ଗଣତନ୍ତ୍ରର ଚତୁର୍ଥ ସ୍ତମ୍ଭ ସାମ୍ବାଦିକ ମାନଙ୍କ ସୁରକ୍ଷା ପାଇଁ ଉଭୟ ରାଜ୍ୟ ଓ କେନ୍ଦ୍ର ସରକାର ତୁରନ୍ତ ସାମ୍ବାଦିକ ସୁରକ୍ଷା ଆଇନ କୁ କାର୍ଯ୍ୟକାରୀ କରିବା ଦିଗରେ ପଦକ୍ଷେପ ନେବାକୁ ସଂଘର  କର୍ମକର୍ତ୍ତା ମାନେ ଦାବୀ କରିଛନ୍ତି। ଦାବିପତ୍ର ପ୍ରଦାନ ବେଳେ ସଂଘର ସଭାପତି ସୃଜନ କୁମାର ପଣ୍ଡା,ଉପ ସଭାପତି ଅଶୋକ କୁମାର ପଣ୍ଡା,ଶାନ୍ତନୁ ପଣ୍ଡା,ଦଧିବାମନ ନାୟକ,ମିଥୁନ ବାରିକ,ରାମ ଗୋପାଳ ବାଘ,ପ୍ରତାପ କର୍ଣ୍ଣ,ମାଗିରାମ ଭୋଇ,ଜିତେନ୍ଦ୍ର ଥାଟି ପ୍ରମୁଖ ଉପସ୍ଥିତ ଥିଲେ।