16-May-2025

ଅଦିନିଆ ବର୍ଷା ଯୋଗୁ ନୂଆପଡ଼ା ଜିଲ୍ଲା ସିନାପାଲି ବ୍ଲକ ସଦର ଗ୍ରାମର କୁମୁଦ ସା ଙ୍କ ଘର ଉପରେ ଗଛ ପଡି ଥିବାବେଳେ ଅଲ୍ପକେ ପରିବାର ଲୋକେ ବର୍ତ୍ତି ଯାଇଛନ୍ତି। ପ୍ରକାଶ ଯେ ଆଜି ମଧ୍ୟାହ୍ନ ୧ ଘଣ୍ଟା ସମୟ ବେଲେ ଅଦିନିଆ ବର୍ଷା ପବନର କାଳ ବୈଶାଖୀ ତାଣ୍ତବ ରଚିଥିଲା। ତାର ପ୍ରଭାବ ରେ ଘର ସମ୍ମୁଖ ରେ ଥିବା ଏକ ବମୁର ଗଛ ଘର ଉପରେ ପଡିଥିଲା। ସେଠୁ ଘର ଭାଙ୍ଗି ପଡିଥିବା ବେଳେ ଘରରେ ଥିବା ଆବଶ୍ଯକ ବିଭିନ୍ନ ସାମଗ୍ରୀ ର କ୍ଷୟକ୍ଷତି ହୋଇଥିଲା। ଘରର ଜଣେ ବିଧବା ମହିଲା ନିଲେନ୍ଦ୍ରି ମେହେର ଙ୍କୁ ଅଲ୍ପ ଆଘାତ ଲାଗିଥିଲା।  ଖବର ପାଇଁ ସିନାପାଲି ବିଡିଓ କାର୍ମି ଓରାମ, ତହସିଲଦାର ଉପାଞ୍ଜଲି ମାଝି, ପିଇଓ ସୁଶାନ୍ତ ବେହେରା ଘରକୁ ପହଞ୍ଚି ତଦନ୍ତ କରିଥିଲେ। ଶ୍ରୀମତି ମେହେର ଙ୍କୁ ଚିକିତ୍ସା ପାଇଁ ସିନାପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନେଇଥିବା ବେଳେ ସେ ବର୍ତ୍ତମାନ ଠିକ ଥିବା ଜଣାପଡିଛି।ଏନେଇ ସିନାପାଲି ଦମକଲ ଅଧିକାରୀ ଖବର ଯାଣିଲାପରେ ତୁରନ୍ତ ଏକ ଦମକଲ ଟିମ ପହଞ୍ଚି ଗଛ କାଟି  ସ୍ଥିତି ସୁଧାରି ଥିଲେ। ତାଙ୍କ ଏଭଳି କାମ ଦେଖି ଲୋକେ ପ୍ରସଂଶା ମଧ୍ଯ କରିଥିଲେ। 
ପ୍ରାପ୍ତ ଖବର ଅନୁସାରେ ସିନାପାଲି ବାସିନ୍ଦା ଟେକ ମେହେର (୭୦) କିଛି ବର୍ଷ ହେଲା ତାଙ୍କ ସ୍ତ୍ରୀ, ପୁଅର ମ୍ରୁତ୍ୟୁ ପରେ ବୋହୂ ଓ ନାତି ଙ୍କୁ ନେଇ ଭଡା ଘରେ ବସବାସ କରୁଛନ୍ତି। ତାଙ୍କ ଘର ଖଣ୍ତିଏ ଏଯାଏଁ ନାହିଁ। ହେଲେ ଆଜି କାଳ ବୈଶାଖୀ ପ୍ରଭାବ ରେ ରହୁଥିବା ଭଟା ଘରେ ଗଛପଡି ଘର ଭାଙ୍ଗି ଯାଇଛି। ବର୍ତ୍ତମାନ ସେମାନଙ୍କ ରହିବା ପାଇଁ ସ୍ଥାୟୀ ବ୍ୟବସ୍ଥା ନଥିବା ବେଳେ ପରିବାର ଲୋକେ ସରକାରୀ ସହାୟତା ପାଇଁ ନିବେଦନ କରୁଛନ୍ତି। ସିନାପାଲି ବିଡିଓ ତଦନ୍ତ ରେ ଯାଇଥିବା ବେଳେ ଆବଶ୍ଯକ କାଗଜପତ୍ର ପ୍ରଦାନ କଲେ ପକ୍କାଘର ପ୍ରଦାନ କରାଯିବ ବୋଲି ପ୍ରତିସ୍ରୁତି ଦେଇଛନ୍ତି। ଏନେଇ ବ୍ଲକ ତଥା ଜିଲ୍ଲା ପ୍ରଶାସନ ତୁରନ୍ତ ଦୁଷ୍ଟିଦେଇ ଉଚିତ୍ ପଦକ୍ଷେପ ଗ୍ରହଣ କରିବାକୁ ସାଧାରଣ ରେ ଦାବୀ ହେଉଛି।

[ନୂଆପଡା ଜିଲ୍ଲାରୁ ପରମେଶ୍ୱର ମେହେର ରିପୋର୍ଟ]