16-May-2025

ସିନାପାଲି (ଚିନ୍ତାମଣି ନେତାମ)
ନୂଆପଡା ଜିଲ୍ଲା  ସିନାପାଲି ପଞ୍ଚାୟତ ସମିତି ଆନୁକୂଲ୍ୟରେ ଅପରେଶନ ସିନ୍ଦୁର ପରାକ୍ରମ ଶୋଭାଯାତ୍ରା ହୋଇଥିଲା। ଏହି ଶୋଭାଯାତ୍ରା ସିନାପାଲି ବ୍ଲକ ସ୍ତରୀୟ ବିଭିନ୍ନ ବିଭାଗର  ସରକାରୀ ଅଧିକାରୀ,କର୍ମଚାରୀ,ରାଜନେତା, ଜନ ପ୍ରତିନିଧି, ସଚେତନ ନାଗରିକ,ବୁଦ୍ଧିଜୀବୀ, ଜନତା ସାମିଲ ହୋଇ ବ୍ଲକ କାର୍ଯ୍ୟାଳୟ ପରିସରରେ ଏକତ୍ରୀତ ହୋଇଥିଲେ। ସେଠୁ ତ୍ରିରଙ୍ଗା ମୋଟରସାଇକେଲ ରେ ବାହାରି ଯୁଗେନପଦର ଛକ ଦେଇ  ସିନାପାଲି ସହର ପରିକ୍ରମା କରିଥିଲେ। ଏହି କାର୍ଯକ୍ରମ ରେ ଦେଶର ମାନ ସ୍ୱାଭିମାନ ସମ୍ମାନ ଆମ ସୈନ୍ଯ ବାହିନି ବୋଲି ଆହ୍ୱାନ କରିଥିବା ବେଳେ ଜନତା ଙ୍କ ସମର୍ଥନ ତାଙ୍କ ସହ ରହିଅଛି ବୋଲି ସୈନ୍ଯ ବାହିନି ଙ୍କୁ ସମ୍ମାନ ଓ ସମର୍ଥନ ଜଣାଇ ତାଙ୍କ କାର୍ଯ୍ୟକଳାପ କୁ ଉଚ୍ଚ ପ୍ରସଂଶା କରି ଶୋଭାଯାତ୍ରା ମାଧ୍ୟମରେ ଜଣାଇଥିଲେ। କାର୍ଯ୍ୟକ୍ରମ ରେ ସିନାପାଲି ବ୍ଲକ ଏଇଇ ପ୍ରଦ୍ୟୁସ କୁମାର, ସିନାପାଲି ବ୍ଲକ ଖାଦ୍ୟ ଯୋଗାଣ ଅଧିକାରୀ  ଦେବେନ୍ଦ୍ର କୁମାର ସେଠିଆ ,ବ୍ଲକ ଅଧ୍ଯକ୍ଷା ମାଧୁରୀ ମାଝି, ଡବ୍ଲୁଇଓ ସୁନିଲ ସାମଲ, ଓଏଲଏମ ମିଥୁନ ତାଣ୍ତି, ବିଏସଏସଓ, ଜିପିଓ ସଂଜୟ ମହାନନ୍ଦ,  ବନାଞ୍ଚଳ ଅଧିକାରୀ, ପ୍ରାଣି ଚିକିତ୍ସାଳୟ ଅଧିକାରୀ, ତହସିଲଦାର ଉପାଞ୍ଜଲି ମାଝି,ବିପିସି ରାଜେଶ ସାହୁ,ଘନଶ୍ୟାମ ମେହେର,ବିପିସି ହିତେଶ ଚଲାନ, ପୂର୍ବତନ ଜିଲ୍ଲାପରିଷଦ ସଦସ୍ଯ ପ୍ରିୟ ରଞ୍ଜନ ମେହେର, ଶିବ ମୁଣ୍ତ, ଅଙ୍ଗନୱାଡି କର୍ମୀ,ସିଆରସିସି, ଶିକ୍ଷକ,ଏମବିକେ, ସିଆରପି, ଭଦ୍ରବ୍ୟକ୍ତି, ସଚେତନ ନାଗରିକ, ସିନାପାଲି ବ୍ଲକ ସ୍ତରୀୟ ବିଭିନ୍ନ ବିଭାଗର ଅଧିକାରୀ କର୍ମଚାରୀ ଓ ଜନସାଧାରଣ ସାମିଲ ଥିଲେ।