06-May-2025

ଭବାନୀପାଟଣା(ଜଗନ୍ନାଥ ନାଏକ) :ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦିକା ଦାଇତ୍ୱ ରେ ଥିବା କଳାହାଣ୍ଡି ଜିଲ୍ଲା ଭବାନୀପାଟଣା ସହର ର ମନ୍ଦାକିନୀ ବାଣୁଆଁ (ସୋନୀ ) ଙ୍କୁ ବଲାଙ୍ଗୀର ଜିଲ୍ଲା ଯୁବ କଂଗ୍ରେସ ର ପ୍ରଭାରୀ ଭାବେ ନିଯୁକ୍ତ କରାଯାଇଛି l ରାଜ୍ୟ ଯୁବ କଂଗ୍ରେସ ସଭାପତି ରଞ୍ଜିତ ପାତ୍ରଙ୍କ ଅନୁମୋଦନ କ୍ରମେ ତାଙ୍କୁ ଏହି ଦାଇତ୍ୱ ମିଳିଛି l ମନ୍ଦାକିନୀ କଳାହାଣ୍ଡି ଜିଲ୍ଲା କଂଗ୍ରେସରେ ଜଣେ ସକ୍ରିୟ ନାରୀ ନେତ୍ରୀ ରହି ଥିବା ବେଳେ ବିଭିନ୍ନ ସାମାଜିକ କାର୍ଯ୍ୟ କରିବା ସହ ଗରିବଙ୍କ ନ୍ୟାୟ ପାଇଁ ସବୁବେଳେ ଲଢେଇ କରିଥାନ୍ତି l ସେ ପ୍ରଥମେ ଜିଲ୍ଲା ଯୁବ କଂଗ୍ରେସ ଉପସଭାନେତ୍ରୀ ଥିଲେ, ବର୍ତ୍ତମାନ ରାଜୀବ ଗାନ୍ଧୀ ପଞ୍ଚାୟତ ରାଜ ( RGPRS)ର ସେ ଭବାନୀପାଟଣା ମ୍ୟୁନିସିପାଲିଟି ଆବାହକ ଦାଇତ୍ୱ ରେ ମଧ୍ୟ ରହିଛନ୍ତି। ଦଳରେ ଯୁବ କର୍ମକର୍ତ୍ତାଙ୍କୁ ସଂଗଠିତ କରିବାରେ ତାଙ୍କର ପ୍ରମୁଖ ଭୂମିକା ରହିଛି ଏତେ କମ ବୟସରେ ସେ ରାଜନୀତି ରେ ବହୁତ ଆଗକୁ ଯାଇଛନ୍ତି ଏଥିପାଇଁ ସେ ତାଙ୍କର ନେତା ଭକ୍ତ ଚରଣ ଦାସ ଓ ସାଗର ଚରଣ ଦାସ ଙ୍କୁ ଶ୍ରେୟ ଦେଇଛନ୍ତି l ବଲାଙ୍ଗୀର ଜିଲ୍ଲା ଯୁବ କଂଗ୍ରେସ ପ୍ରଭାରୀ ଭାବେ ଦାଇତ୍ୱ ମିଳିବା ପରେ ସେ ଆଗାମୀ ଦିନରେ ଓଡିଶା ର ଯୁବକ ଯୁବତୀ ଙ୍କର ହକ ଅଧିକାର, ନ୍ୟାର୍ଯ୍ୟ ଦାବି ପାଇଁ ଲଢେଇ ଜୋରଦାର ଜାରି ରଖିବା ସହ ଯୁବକମାନଙ୍କୁ କଂଗ୍ରେସ ପ୍ରତି ଆକୃଷ୍ଟ କରାଇ ତୃଣମୂଳ ସ୍ତର ରେ ଦଳକୁ ମଜବୁତ କରିବେ ବୋଲି ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି ।(