04-May-2025

ବରୀ(ରଞ୍ଜିତ ମହାନ୍ତି):  ଯାଜପୁର ଜିଲ୍ଲାର ବରୀ ବ୍ଲକ ଅନ୍ତର୍ଗତ ଅଭିମନ୍ୟୁ ବାଲିଆ ସ୍ଥିତ ମା ଜାଗୁଳାଇଙ୍କ ପୀଠରେ କ୍ରାନ୍ତିବୀର ରାମକୃଷ୍ଣ ସାମନ୍ତସିଂହାରଙ୍କ ପ୍ରତିମୂର୍ତ୍ତି ପ୍ରତିଷ୍ଠା ସମାରୋହ ଶନିବାର ଉଦଯାପିତ ହୋଇଛି। ବିପ୍ଳବୀ ରାମକୃଷ୍ଣ ସାମନ୍ତସିଂହାର ସ୍ମୃତି ସଂସଦ ସଭାପତି ବସନ୍ତ କୁମାର ଜେନାଙ୍କ ସଭାପତିତ୍ବରେ ଅନୁଷ୍ଠିତ ଉତ୍ସବରେ ମୁଖ୍ୟଅତିଥି ଭାବେ ଆଳି ରାଜା ତଥା ବିଧାୟକ ପ୍ରତାପ କେଶରୀ ଦେବ ଯୋଗଦେଇ ଓଡ଼ିଶାର ସଂଗ୍ରାମୀ ଇତିହାସ ସମ୍ପର୍କରେ ଆଲୋଚନା କରି କହିଲେ ଯେ ଇତିହାସକୁ ଆଇନା କରି ନିଜକୁ ପରଖୁଲେ ଆମେ ଅତିଥ୍ କଥା ଅତ୍ୟନ୍ତ ସ୍ବଚ୍ଛ ଭାବେ ଦେଖୂପାରିବା  ଏ ମାଟି ଦେଶଦ୍ରୋହୀଙ୍କ ବିରୋଧରେସଂଗ୍ରାମ ପ୍ରତିଟି କରିଥିଲା ଯାହା ଏ ଅଞ୍ଚଳର ମଣିଷର ରକ୍ତବିନ୍ଦୁରେ ଅଛି। ସମ୍ମାନିତ ଅତିଥିଭାବେ ବରୀ ବିଧାୟକ ବିଶ୍ବରଂଜନ ମଲ୍ଲିକ ଯୋଗଦେଇ ବରୀ ଭଳି ସଂଗ୍ରାମୀ ମାଟିର ଦାୟାଦ ହିସାବରେ ମୁଁ ଗର୍ବିତ । ଏ ମାଟିର ବିକାଶ ପାଇଁ ମୋତେ ଯେତେବେଳେ ଯେଉଁଠି ବି ସହଯୋଗ ଆବଶ୍ୟକ ପଡିବ ସେଠାରେ ପ୍ରଥମେ ମୁଁ ରହିବି ବୋଲି କହିଥିଲେ । ମୁଖ୍ୟବକ୍ତା ଐତିହାସିକ ଅମୀୟ କୁମାର ମହାନ୍ତି ଭାରତ ଇତିହାସ ସହ ବରୀର ସଂଗ୍ରାମୀ ଇତିହାସକୁ ଆଲୋଚନା କରିଥିଲେ । ସମ୍ମାନିତ ବକ୍ତା ଡଃ ରବିନ୍ଦ୍ର ବିହାରୀ ବକ୍ତବ୍ୟ ରଖୁଥିଲେ । ଅନ୍ୟତମ ଅତିଥିଭାବେ ବରୀ ପଞ୍ଚାୟତ ସମିତି ଅଧ୍ଯକ୍ଷ ଅଶୋକ କୁମାର ଗେଡି,
ହାର ଉପାଧ୍ଯକ୍ଷା ଅର୍ଜନା ମଲିକ, ଜିଲ୍ଲାର ପରିଷଦ ସଭ ସଭ୍ୟ ଦିଲୀପ ମହାନ୍ତି, ଅଶୋକ କୁମାର ସାମଲ, ସୁମିତ୍ରା ଯାଦବ, ଅଭିମନ୍ୟୁ ସା ସାମନ୍ତସିଂହା ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ଦେବପ୍ରସାଦ ସାମଲ, ବାଲିଆ ସରପଞ୍ଚ ରେବତା ଜେନା ପ୍ରମୁଖ ଯୋଗ ଦେଇଥିଲେ। ସ୍ବାଗତ ଅଭିଭାଷଣ ଅତିପରିଚୟ ଶରତ କୁମାର ଜେନା ପ୍ରଦାନ କରିଥିବାବେଳେ ମନ୍ମଥ ରାୟ ଧନ୍ୟବାଦ ଅର୍ପଣ କରିଥିଲେ । ପ୍ରାରମ୍ଭରେ ଓଡ଼ିଶୀ ନୃତ୍ୟ ସୋମ୍ୟା ତ୍ରିପାଠୀ ନୃତ୍ୟ ପରିବେଷଣ କରିଥିବାବେଳେ ଅନୁଷ୍ଠାନ ପକ୍ଷରୁ ଅତିଥିମାନଙ୍କୁ ବିପ୍ଳବୀ ରାମକୃଷ୍ଣଙ୍କ ତୈଳଚିତ୍ର ସହ ଉପଢୌକନ ଓ ପୁଷ୍ପଗୁଚ୍ଛ ପ୍ରଦାନ କରାଯାଇଥିଲା ।