02-May-2025

ଅମ୍ବାଭୋନା (ପ୍ରକାଶ ଚନ୍ଦ୍ର ରଥ)ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ କୁମ୍ଭୋ ପଞ୍ଚାୟତ ର କୁମ୍ଭୋ ଗ୍ରାମ ନିକଟରୁ ମୁଣ୍ଡା ଡୁଙ୍ଗର ଜଙ୍ଗଲ ରେ ଏକ ମଣିଷ କଙ୍କାଳ ଅମ୍ବାଭୋନା ପୋଲିସ ଉଦ୍ଧାର କରିଛି। ଅମ୍ବାଭୋନା ପୋଲିସ ର ସୂଚନା ଅନୁସାରେ ଉକ୍ତ ମୃତ ବ୍ୟକ୍ତି ଙ୍କ ନାମ ରୁପଧର ନାୟକ (୬୨)ଏବଂ ସେ ସାନ ଜାମପାଲି ଗ୍ରାମ ର ବୋଲି ଜଣା ପଡିଛି। ଗତ ମାର୍ଚ୍ଚ ମାସ ୩୦ ତାରିଖ ରେ ରାତି ୧୦ ଟା ରୁ ରୂପଧର ନାୟକ ନିଖୋଜ ଥିଲେ। ଏ ନେଇ ଘର ସମ୍ପର୍କୀୟ ଲୋକ ଥାନାରେ ଏକ ଅଭିଯୋଗ କରିଥିଲେ। ଅନେକ ଖୋଜା ଖୋଜି କରିବା ପରେ କୁମ୍ଭୋ ଗ୍ରାମ ର ନିକଟରେ ଥିବା ମୁଣ୍ଡା ଡୁଙ୍ଗର ଜଙ୍ଗଲ ରେ ମଣିଷ କଙ୍କାଳ ପଡ଼ିଥିବା ଦେଖିଥିଲେ କିଛି ଦୁରରେ ଲୁଙ୍ଗି, ଗାମୁଛା ଓ ଚପଲ ପଡ଼ିଥିବା ଦେଖି ପରିବାର ଲୋକେ ଚିନ୍ହି ପାରିଥିଲେ। ଏ ନେଇ ଅମ୍ବାଭୋନା ପୋଲିସ କୁ ୨୯ ତାରିଖ ମଣିଷ କଙ୍କାଳ ପଡ଼ି ଥିବାର ସୂଚନା ଦେଇଥିଲେ। ଅମ୍ବାଭୋନା ଥାନା ଅଧିକାରୀ ବିପିନ ବାଗ ମୃତ ବ୍ୟକ୍ତି ଙ୍କ ପୁଅ ବଳରାମ ନାୟକ ଙ୍କ ଅଭିଯୋଗ କୁ ଆଧାର କରି ଘଟଣା ସ୍ଥଳ କୁ ପହଞ୍ଚି କେସ ନଂ ୬/୨୫ ରେ ମାମଲା ରୁଜୁ କରି ତଦନ୍ତ ଚଳାଇଥିଲେ। ଉକ୍ତ କଙ୍କାଳ କୁ ପଞ୍ଚନାମା କରି ପରିଚୟ ସକାଶେ ଏଫ ଏମ ଟି ଡିପାର୍ଟମେଣ୍ଟ ବୁର୍ଲା କୁ  ପରୀକ୍ଷା ପାଇଁ ପଠାଇଛନ୍ତି। ଘଟଣା ସ୍ଥଳ ରେ ସାଇଣ୍ଟିଫିକ ଟିମ, ଅମ୍ବାଭୋନା ତହସିଲଦାର,ସ୍ଥାନୀୟ ସରପଂଚ ଓ ଅମ୍ବାଭୋନା ପୋଲିସ ଉପସ୍ଥିତ ଥିଲେ।