02-May-2025

ବଲାଙ୍ଗୀର, ତା.୦୨/୦୪ (ପ୍ରେରଣା ଖବର) : ବଲାଙ୍ଗୀର ଜିଲ୍ଲା ସଇଁତଳା ବ୍ଲକ ଅନ୍ତର୍ଗତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ , ଡେଙ୍ଗର ଆଦର୍ଶ ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ର ଦୀର୍ଘ ୩୪ ବର୍ଷ ଧରି ଶିକ୍ଷା କ୍ଷେତ୍ରରେ ମହତ୍ ସେବା ପ୍ରଦାନ କରି ସେବା ନିବୃତ ହୋଇଛନ୍ତି।ଏହି ଅବସରରେ ଏକ ଅବସରକାଳୀନ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଅଛି। ଶିକ୍ଷୟିତ୍ରୀ ରେଣୁକା ସାହୁଙ୍କ ସଭାପତିତ୍ବରେ  ଏକ ସଭା ଅନୁଷ୍ଠିତ ହୋଇଥିଲା। ସଭାରେ ଶିକ୍ଷକ ଶିକ୍ଷୟିତ୍ରୀ, ଛାତ୍ରଛାତ୍ରୀଙ୍କ ସହ ବିଦ୍ୟାଳୟ ପରିଚାଳନା କମିଟିର ସଭାପତି  ମହେନ୍ଦ୍ର ରଣା, ଗଣେଶ ରଣା, ରତନ ରଣା, ବିଘ୍ନରାଜ ରଣା, ହୁସେନ ସାଗର ଆଦି ଗ୍ରାମବାସୀବୃନ୍ଦ ଯୋଗଦେଇଥିଲେ।  ଶିକ୍ଷକ ସୁଦର୍ଶନ ଦାଶ ସଭା ପରିଚାଳନା କରିଥିଲା ବେଳେ ଶିକ୍ଷକ ଲିଙ୍ଗରାଜ ନନ୍ଦ ମାନପତ୍ର ପାଠନ କରିଥିଲେ। ଇତ୍ୟବସରରେ ଶ୍ରୀଯୁକ୍ତ ମିଶ୍ରଙ୍କୁ ପୁଷ୍ପମାଲ୍ୟ ସହ ପୁଷ୍ପଗୁଚ୍ଛ ଓ ଉପଢ଼ୌକନ ଦ୍ଵାରା ସମ୍ବର୍ଦ୍ଧିତ କରାଯାଇଥିଲା। ପୁରାତନ ଛାତ୍ରଛାତ୍ରୀଗଣ ଉପସ୍ଥିତ ହୋଇ ଆଶୀର୍ବାଦ ଲାଭ କରିଥିଲେ। ଉପସ୍ଥିତ ସମସ୍ତେ ଶିକ୍ଷକଙ୍କ ଆଦର୍ଶର ଗୁଣଗାନ ସହ ଅବସରକାଳୀନ ପରବର୍ତ୍ତୀ ଜୀବନ ସୁଖମୟ ହେବାର କାମନା କରିଥିଲେ। ସଭା ଶେଷରେ ଶ୍ରୀଯୁକ୍ତ ମିଶ୍ର ଛାତ୍ରଛାତ୍ରୀମାନଙ୍କ ଜୀବନକୁ ଅନୁଶାସନଯୁକ୍ତ କରିବା ପାଇଁ ଉପଦେଶ ଦେବା ସହ ସାଥି ସହକର୍ମୀଙ୍କୁ ଉତ୍ସାହିତ ହୋଇ କାମ କରିବା ପାଇଁ ପରାମର୍ଶ ଦେଇଥିଲେ । ଏହାପରେ ଗ୍ରାମବାସୀମାନେ ଏକ ବିଶାଳ ଶୋଭାଯାତ୍ରାରେ ଶିକ୍ଷକଙ୍କୁ ନେଇ ଗ୍ରାମ ପରିକ୍ରମା କରାଇ ସମ୍ବର୍ଦ୍ଧିତ କରିଥିଲେ। ଶିକ୍ଷକଙ୍କ ଅବସରରେ ସମ୍ପୂର୍ଣ୍ଣ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ଶିକ୍ଷକ ରାମ ନାରାୟଣ ଦାଶ, କୃପାସିନ୍ଧୁ ମିଶ୍ର, ଦୀପକ ସେନ ଧରୁଆ, ସମୀର ସେଠି, ହିମାଂଶୁ ବିଶ୍ଵାଳ, ଅବିନାଶ ଭୋଇ,ଦେବେଶ ହୋତା , ଶିକ୍ଷୟିତ୍ରୀ ଗାୟତ୍ରୀ ବାରିକ, ଦ୍ରୌପଦୀ ଭୋଇ, ତପସ୍ଵିନୀ ପଟେଲ, କାନ୍ତି ଭୋଇ, ଶିବାନୀ ମଲ୍ଲିକ ପ୍ରମୁଖ ସକ୍ରିୟ ଭାବେ ସହଯୋଗ କରିଥିଲେ। ସଭା ଶେଷରେ ଶିକ୍ଷକ ମନରଞ୍ଜନ ପରିଡ଼ା ଧନ୍ୟବାଦ ଅର୍ପଣ କରିଥିଲେ।