26-Apr-2025

ମୁରାସୁର ବଦ୍ଧ କାର୍ଯ୍ୟକ୍ରମ ଉଦଘାଟିତ  

ଅତାବିରା(ଆକାଶ ମିଶ୍ର) ଅତାବିରା ବ୍ଲକ ଗୋଡଭଗାକ୍ୟାମ୍ପ ଜଗନ୍ନାଥ ମନ୍ଦିର ଉପଲକ୍ଷେ ମୁରାସୁର ବଦ୍ଧ ସାଂସ୍କୃତିକ କାର୍ଯ୍ୟକ୍ରମ ଉଦଘାଟିତ ହୋଇଯାଇଛି । ଶ୍ରୀ ଜଗନ୍ନାଥ ମନ୍ଦିର ପରିଚାଳନା କମିଟୀର ସଭାପତି ସୁନୀଲ ମିଶ୍ରଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ କଳାମାଟୀ ସରପଂଚ ସୁଷମା ସାହୁ,ପୂର୍ବତନ ଜିଲ୍ଲାପରିଷଦ ସଭ୍ୟା ସଂଯୁକ୍ତା ପ୍ରଧାନ,ଗୋଡଭଗା ସରପଂଚ ମଞ୍ଜୁଲତା ସେଟ,ଲହଣ୍ଡା ସରପଂଚ ଅର୍ଜୁନ ନାଏକ,ଦୁଲମପୁର ସରପଂଚ ଭି.ଭେଙ୍କେନା ବାବୁ,କଳାମାଟୀ ସମିତି ସଭ୍ୟା ରୀନା ତରିଆ,ଗୋଡଭଗା ସମିତି ସଭ୍ୟା ପଙ୍କଜିନି ବାଗ ପ୍ରମୁଖଙ୍କୁ ଉପଢୌକନ ଦେଇ ସମ୍ମାନୀତ କରାଯାଇଥିଲା । ଏହାପରେ  ଉପସ୍ଥିତ ଅତିଥିମାନଙ୍କ ଦ୍ୱାରା  ପ୍ରଦୀପ ପ୍ରଜ୍ୱଳନ ଓ ନଡିଆ ବାଡେଇ

କାର୍ଯ୍ୟକ୍ରମକୁ ଶୁଭ ଉଦଘାଟିତ କରାଯାଇଥିଲା । ଆଜି ଅନୁଷ୍ଟିତ ମୁରାସୁର ଦରବାର କାର୍ଯ୍ୟକ୍ରମରେ ରାଜା କର୍ଣ୍ଣାଟକେଶ୍ୱରଙ୍କ ନଗର ପରିକ୍ରମା ଓ ମୁରାସୁରଙ୍କ ନଗର ପରିକ୍ରମା ଅନୁଷ୍ଠିତ ହୋଇଥିଲା । ନଗର ପରିକ୍ରମା ଶ୍ରୀ ଜଗନ୍ନାଥ ମନ୍ଦିରରୁ ବାହାରି ସମଲେଶ୍ୱରୀ ମନ୍ଦିର ପର୍ଯ୍ୟନ୍ତ ଯାଇ ଗୋଡଭଗା କଲେଜ ପଡିଆସ୍ଥିତ ଦରବାରକୁ ପ୍ରତ୍ୟାବର୍ତନ କରିଥିଲା । ଦରବାରରେ ରାଜା କର୍ଣ୍ଣାଟକେଶ୍ୱରଙ୍କୁ ମୁରାସୁର ଗାଦିଚ୍ୟୁତ କରି ରାଜ୍ୟ ଅଧିକାର କାର୍ଯ୍ୟକ୍ରମ ପରିବେଷଣ କରାଯାଇଥିଲା ।