25-Apr-2025

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବର୍ତ୍ତମାନ ସାରା ଭାରତବର୍ଷ ରେ ଶୋକରେ ଛାୟା ଖେଳିଯାଇଥିବାବେଳେ ପ୍ରତିଶୋଧ ର ନିଆଁ ମଧ୍ୟ ଜଳୁଛି। କାହିଁକି ନାଁ ଗତ ୨୨.୪.୨୫ ଦିନ ଘଟିଥିଲା ଏକ ବର୍ବର କାହାଣୀ ସେଦିନ ଥିଲା ଜାମ୍ମୁ (ପହଲଗ୍ରାମ) ରେ ଭାରତୀୟ ପର୍ଯ୍ୟଟକଙ୍କ ପାଇଁ କାଳ ଦିବସ। ସେଥିରେ ଓଡ଼ିଶା ର ମଧ୍ୟ ଦୁଇ ଜଣ ଶିକାର ହୋଇ ମୃତ୍ୟୁ ବରଣ କରିଛନ୍ତି।ପାକିସ୍ତାନୀ ଆତଙ୍କବାଦୀ ମାନେ ପର୍ଯ୍ୟଟକ ଙ୍କୁ ଧର୍ମ ପଚାରିଲେ ଯିଏ ହିନ୍ଦୁ ଧର୍ମର ହୋଇଥିଲେ ତାଙ୍କୁ ଗୁଳି କରି ହତ୍ୟା କରାଯାଇଛି। ସେଥିପାଇଁ ସାରା ଭାରତର ହିନ୍ଦୁମାନଙ୍କ ମଧ୍ୟରେ ଦୁଃଖ ପ୍ରକାଶ ପାଇଛି। ଏଥିପାଇଁ ଭାରତବର୍ଷର ବିଭିନ୍ନ ସ୍ଥାନରେ ସହିଦ୍ ହୋଇଥିବା ଭାରତୀୟ ନାଗରିକ ଙ୍କ ପାଇଁ ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଉଥିବା ବେଳେ ଆଜି ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକ ଗଙ୍ଗା ସାଗରରେ ଶ୍ରୀଯୁକ୍ତ ତପନ କୁମାର ତାଣ୍ଡି (ଅବସରପ୍ରାପ୍ତ ସୈନିକ ଅଧିକାରୀ)ଙ୍କ ନେତୃତ୍ବରେ ଗାଁ ର ଯୁବପିଢୀ ଏବଂ ଛାତ୍ରଛାତ୍ରୀ ମାନେ କ୍ୟାଣ୍ଡେଲ ଧରି ଗାଁ ପରିକ୍ରମା କରି ପ୍ରହରୀ ମଣ୍ଡପ ଠାରେ ନିରବ ପ୍ରାର୍ଥନା କରିବା ସହ ତାଙ୍କ ଆତ୍ମାର ସଦ୍ ଗତି କାମନା କରିଥିଲେ। ଏହି କାର୍ଯ୍ୟକ୍ରମରେ ପୋଲିସ ଅଧିକାରୀ ଶ୍ରୀଯୁକ୍ତ  ଶିବଲାଲ ତାଣ୍ଡି, ସରପଞ୍ଚ ଇନ୍ଦ୍ରମଣି ହରପାଲ ଙ୍କ ସହ ଗ୍ରାମବାସୀ ଉପସ୍ଥିତ ଥିଲେ। ପରିଶେଷରେ ଶିବଲାଲ ତାଣ୍ଡି ଧନ୍ୟବାଦ ଅର୍ପଣ କରି ସଭାସ୍ବାଙ୍ଗ କରିଥିଲେ।