24-Apr-2025

କଣ୍ଟାମାଳ(ଜୟ କୁମାର ମହାରଣା): ଜାତୀୟ ପଞ୍ଚାୟତିରାଜ ଦିବସ ଅବସରରେ ବୌଦ୍ଧ ଜିଲ୍ଲା ପ୍ରଶାସନ ପକ୍ଷରୁ ମୂରଶୁଣ୍ଢୀ ପଡିଆ ଠାରେ ଜିଲ୍ଲାସ୍ତରୀୟ ଜାତୀୟ ପଞ୍ଚାୟତିରାଜ ଦିବସ ପାଳିତ ହୋଇଯାଇଛି  l  ଉତ୍ସବରେ ବୌଦ୍ଧ ବିଧାୟକ ତଥା ସରକାରୀ ମୁଖ୍ୟ ସଚେତକ ସରୋଜ ପ୍ରଧାନ ମୁଖ୍ୟଅତିଥି ଓ ସମ୍ମାନୀତ ଅତିଥି ଭାବେ ଜିଲ୍ଲାପାଳ ବୌଦ୍ଧ ସୁବ୍ରତ କୁମାର

ପଣ୍ଡା,ଅତିରିକ୍ତ ଜିଲ୍ଲାପାଳ ଅଜୟ ପ୍ରଧାନ,ପିଡି ବୌଦ୍ଧ ପ୍ରଭାସ ଚନ୍ଦ୍ର ଦଣ୍ଡସେନା, ଉପଜିଲ୍ଲାପାଳ ପ୍ରବୀଣ ଦଣ୍ଡୁଆ, ବୌଦ୍ଧ ବ୍ଲକ ଅଧ୍ୟକ୍ଷ ପ୍ରିୟଦର୍ଶୀ ପ୍ରତ୍ୟୁଷ ରଥ, ଜିଲ୍ଲାପରିଷଦ ସଭ୍ୟ ରାକେଶ କୁମାର ତ୍ରିପାଠୀ, ବୌଦ୍ଧ ବିଡ଼ିଓ ଯୁଧିଷ୍ଠିର ମେହେର ପ୍ରମୁଖ ଯୋଗଦେଇଥିଲେ  l  ଏହି ଅବସରରେ ପଂଚାୟତ ରେ ସରକାରୀ ଯୋଜନାର ସଠିକ ବିନିଯୋଗ ଏବଂ ଉନ୍ନୟନ ମୂଳକ କାର୍ଯ୍ୟରେ ଉଲ୍ଲେଖନୀୟ ସଫଳତା ପାଇଁ  ବୌଦ୍ଧ

ଜିଲାରୁ ଏକମାତ୍ର ପଂଚାୟତ ଭାବେ କଣ୍ଟାମାଳ ବ୍ଲକ ର ଖଲିଆପାଲି ଗ୍ରାମପଞ୍ଚାୟତ କୁ ଶ୍ରେଷ୍ଠ ପଂଚାୟତ ଭାବେ ପୁରସ୍କୃତ କରାଯାଇଛି  l   ଏନେଇ ସରକାରୀ ଦଳ ମୁଖ୍ୟ ସଚେତକ ମୁଖ୍ୟଅତିଥି ଶ୍ରୀଯୁକ୍ତ ସରୋଜ ପ୍ରଧାନ ଖଲିଆପାଲି ପଂଚାୟତ ସରପଞ୍ଚ ଶ୍ରୀମତୀ ରେଣୁକା ନାୟକ ଙ୍କୁ ୭ଲକ୍ଷ ୭୨ହଜାର ୯୪୬ଟଙ୍କାର ପ୍ରୀତ୍ସାହନ ରାଶି ସ୍ୱରୂପ ଚେକ ପ୍ରଦାନ କରିଥିଲେ l  ସମଗ୍ର ଜିଲ୍ଲାର ଏକ ମାତ୍ର ପଞ୍ଚାୟତ ଭାବେ ଖଲିଆପାଲି ପଞ୍ଚାୟତ କୁ ପୁରସ୍କୃତ କରାଯାଇଥିବାରୁ ବିଭିନ୍ନ ମହଲରୁ ଶୁଭେଛାର ସୁଅ ଛୁଟିଥିବା ପ୍ରକାଶ  l