23-Apr-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲାର ତୁଷୁରା-ଅର୍ଜୁନପୁର ରାସ୍ତାରେ ତୁଷୁରା ଅବକାରୀ ବିଭାଗ ଚଢ଼ଉ କରି ଏକ ଧଳା ରଙ୍ଗର ଦାମୀ କାର ସହ ଏକ କ୍ବିଣ୍ଟାଲରୁ ଉର୍ଦ୍ଧ୍ବ ଗଞ୍ଜେଇ ଜବତ କରିଛି। ଏଥିସହ ୩ଳଣ ଆନ୍ତଃରାଜ୍ୟ ବେପାରୀକୁ ବିଭାଗ ଟିରଫ କରିଛି। ଗିରଫ ଅଭିଯୁକ୍ତମାନେ ହେଲେ ଛତିଶଗଡ଼ ରାଜ୍ୟ ବିଲାଶପୁର ଜିଲ୍ଲା ଜୋହରପଦା ଗାଁର ସୁଜିତ କଶ୍ୟପ, ସରଗୁଜା ଜିଲ୍ଲା କେରାକଚ୍ଛର ଗାଁର ଦରିୟାର ପ୍ରସାଦ ରାଜ ବାଡ଼େ ଓ ରାମ ଖାଲି । ପ୍ରକାଶ ଯେ,ଅବକାରୀ ବିଭାଗ ବିଶେଷ ସୁତ୍ରରୁ ଖବର ପାଇ ଉକ୍ତ ରାସ୍ତାରେ ପହଁରା ମାରିବା ସହ ଗଞ୍ଜେଇ ଚାଲାଣକାରୀ ଉପରେ ତିକ୍ଷଣ ନଜର ରଖିଥିଲେ। ଏକ ଧଳା ଦାମୀ କାର(ନଂ.ସିଜି୦୪ କ୍ୟୁସ ୭୦୭୯)କୁ ମକୁନ୍ଦପୁର ଛକରେ ଅଟକାଇ ଯାଞ୍ଚ କରିଥିଲେ । ଯାଞ୍ଚ ବେଳେ କାରରେ ୫ଟି ଧଳା ଜରି ପ୍ୟାକେଟରେ ଗଞ୍ଜେଇ ଥିବା ସ୍ପଷ୍ଟ ହୋଇଥିଲା । ସେଠାରେ ଅବକାରୀ ଅଧିକାରୀ ଗଞ୍ଜେଇ ସହ କାରକୁ ଜବତ କରିବା ସହ ୩ ଜଣ ଆନ୍ତଃରାଜ୍ୟ ବେପାରୀଙ୍କୁ ଗିରଫ କରିଥିଲେ ।  ଜବତ ଗଞ୍ଜେଇ ଓଜନ କରିବା ଏକ କୁଣ୍ଟାଳ ୧୦ କେଜି ହୋଇଥିଲା। ଏନେଇ ଅବକାରୀ ବିଭାଗ ଏକ ମାମଲା ରୁଜୁକରି ସମସ୍ତ ଅଭିଯୁକ୍ତଙ୍କୁ ବଲାଙ୍ଗିର କୋର୍ଟଚାଲାଣ କରାଯାଇଥିବା ତୁଷୁରା ଅବକାରୀ ଅଧିକାରୀ ଶ୍ରୀକାନ୍ତ ପାଣିଗ୍ରାହୀ ସୂଚନା ଦେଇଛନ୍ତି। ଉକ୍ତ ଚଡ଼ଉରେ ଏଏସଆଇ ପୃଥ୍ୱୀରାଜ କୁଅଁର, କନଷ୍ଟେବଳ ବିଭୂତି ଭୂଷଣ ଭୋଇ, ଭୋଜରାଜ ବଢ଼େଇ, ସୁନେଲି ପ୍ରଧାନ ପ୍ରମୁଖ ସାମିଲ ଥିଲେ ।