22-Apr-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଳକ ବାବୁପାଲି ପଞ୍ଚାୟତର  ରେଙ୍ଗାଲଭଦ୍ରି ପଡ଼ାରେ ଥିବା ସୋଲାର ପାନୀୟ ଜଳ ପ୍ରକଳ୍ପ ଟି ବହୁ ଦିନ ହେଲା ଅଚଳ ହୋଇପଡ଼ିଛି। ଫଳରେ ପଡ଼ାରେ ବସବାସ କରୁଥିବା ହାରାହାରି ପଚାଶରୁ ଉର୍ଦ୍ଧ୍ବ ପରିବାର ପାଣି ଟିକକ ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହେଉଛି।ପାଣି ପାଇଁ ପଡ଼ାରେ ଏକ ପ୍ରକାର ହାହାକାର ପରିସ୍ଥିତି ସୃଷ୍ଟି କଲାଣି ।ବର୍ତ୍ତମାନ @୪୫ ଡିଗ୍ରୀ ତାପମାତ୍ରାରେ ପାନୀୟ ଜଳ ସମସ୍ୟା ପଡ଼ା ବାସିନ୍ଦାଙ୍କ ପାଇଁ ସରକାରଙ୍କ ଏହି ମହତ ଯୋଜନା ସତରେ କଣ ଅଭିଶାପ ପାଲଟିଛି କି ବୋଲି ସାଧାରଣରେ ଚର୍ଚା ହେଉଛି ।ଅନ୍ୟ ପକ୍ଷରେ ଏହି ପଡ଼ାରେ ଥିବା ଏକମାତ୍ର ନଳକୂପରୁ ଆବଶ୍ୟକ ମୁତାବକ ପାଣି ବାହାରି ପାରୁ ନ ଥିବାରୁ ପାଣି ଟୋପାଏ ପାଇଁ ମହିଳା ମାନଙ୍କୁ ବହୁ ଦୁରକୁ ଯିବା ପାଇଁ ପଡୁଥିବା ବେଳେ ଲୋକେ କେନାଲ,ପୋଖରୀ ତଥା ଗାଡ଼ିଆରୁ ଦୁଷିତ ପାଣି ବ୍ୟବହାର କରୁଥିବାରୁ ବିଭିନ୍ନ ମାରାତ୍ମକ ରୋଗ ବ୍ୟାପିବାର ଆଶଂକା ରହିଛି। ପ୍ରକଳ୍ପ ଟି ଦୀର୍ଘ ଦିନରୁ ଅଚଳ ହୋଇପଡିଥିବା ବେଳେ ଏହାର ମରାମତି ପାଇଁ ପଡ଼ା ବାସିନ୍ଦା ସ୍ଥାନୀୟ ପଞ୍ଚାୟତ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି ।ହେଲେ ମରାମତି ହୋଇପାରିନାହିଁ । ପାଣି ସମସ୍ୟା ନେଇ ବିଭାଗୀୟ କନିଷ୍ଠ ଯନ୍ତ୍ରୀ ବିଶ୍ଵନାଥ ହାଁସଦାଙ୍କୁ ଯୋଗାଯୋଗ କରାଯିବାରୁ ମୁଁ ମରାମତି ପାଇଁ କର୍ମଚାରୀ ମାନଙ୍କୁ ପଠାଇବି ବୋଲି କହିଛନ୍ତି।ହେଲେ ଅଦ୍ୟାବଧି ତାହା ମରାମତି ହୋଇପାରିନାହିଁ ।ସରକାର ବିଶୁଦ୍ଧ ପାନୀୟ ଜଳ ବ୍ୟବସ୍ଥାକୁ ଗୁରୁତ୍ତ୍ଵ ଦେଇଥିବା ବେଳେ ଏଠାରେ ଲୋକଙ୍କ ପାଇଁ ପ୍ରହସନ ପାଲଟିଛି ।ତେଣୁ ପ୍ରଶାସନ ତୁରନ୍ତ ଦୃଷ୍ଟି ଦେଇ ଅଚଳ ସୋଲାର ପ୍ରକଳ୍ପର ମରାମତି କରିବାକୁ ଜନସାଧାରଣରେ ଦାବି ହେଉଛି।