20-Apr-2025

ଅମ୍ବାଭୋନା(ପ୍ରକାଶ ଚନ୍ଦ୍ର ରଥ)ଶନିବାର ଦିନ ଅମ୍ବାଭୋନା ବ୍ଳକ୍ ଅନ୍ତର୍ଗତ ପଞ୍ଚାୟତ ବାଳିକା ଉଚ୍ଚ ବିଦ୍ୟାଳୟରେ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ଶ୍ରୀମତୀ ପୁଷ୍ପାଞ୍ଜଳି ସାହୁଙ୍କ ଅଧ୍ୟକ୍ଷତାରେ ପ୍ରଥମ ପି ଟି ଏମ୍ ଅନୁଷ୍ଠିତ ହୋଇଥିଲା । ଉକ୍ତ ସଭା ରେ ବିଦ୍ୟାଳୟ ପରିଚାଳନା କମିଟି ଚେୟାରମେନ, ସଭ୍ୟ ସଭ୍ୟା,ଓ ଅଭିଭାବକ ଅଭିଭାବିକା ଯୋଗଦାନ କରିଥିଲେ । ସହକାରୀ ଶିକ୍ଷକ ଗୋଳେଖ ପ୍ରଧାନ ସଭାର ଉଦ୍ଦେଶ୍ୟ ପ୍ରଦାନ କରିଥିଲେ । ପ୍ରଧାନ ଶିକ୍ଷୟିତ୍ରୀ ମୁଖ୍ୟ ମନ୍ତ୍ରୀ ପୋଷଣ ଯୋଜନା,ଗ୍ରୀଷ୍ମ ଅବକାଶ ପାଇଁ ଗୃହକାର୍ଯ୍ୟ, ଅଂଶୁଘାତ ପ୍ରତି ସାବଧାନତା ଅବଲମ୍ବନ  ଡ୍ରପ୍ ଆଉଟ୍ ରୋକିବା ବିଷୟରେ  ବୁଝାଇ ଥିଲେ । ପଞ୍ଚାୟତ ବାଳିକା ଉଚ୍ଚ ବ୍ବିଦ୍ୟାଳୟର ସଂସ୍ଥାପକ ତଥା ପୂର୍ବତନ ସଭାପତି ସ୍ବର୍ଗତ ଫକୀର ମୋହନ ପଟେଲ ଙ୍କ ପୁତ୍ର ଶ୍ରୀଯୁକ୍ତ ଶିବାଜୀ ପଟେଲ ବିଦ୍ୟାଳୟ ର ସମସ୍ତ ବଂଚିତ ଛାତ୍ରୀ ମାନଙ୍କୁ ମାଗଣା ପାଠ୍ୟ ପୁସ୍ତକ ପ୍ରଦାନ କରିବା ପାଇଁ ଘୋଷଣା କରିଥିଲେ ।  ସମାଜ ସେବୀ ଶିବାଜୀ ପଟେଲ ଙ୍କ ଏଭଳି  ଘୋଷଣା ଓ ସେବା ମନୋବୃତ୍ତି କୁ ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଅଭିଭାବକ ଅଭିଭାବିକା ଭୂୟସୀ ପ୍ରଶଂସା କରିଥିଲେ । ଶେଷରେ ସହକାରୀ ଶିକ୍ଷକ ଗୋଳେଖ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।