18-Apr-2025

(ଡୋଲେଶ୍ୱର ବାଗ )
 ମା ମାଣିକେଶ୍ଵରୀ ବିଶ୍ଵବିଦ୍ୟାଳୟ ପ୍ରାକ୍ତନ କୁଳପତି ପ୍ରଫେସର ସଞ୍ଜୟ ଶତପଥୀଙ୍କ ସ୍ମୃତିରେ ପ୍ରଥମ ପ୍ରେରଣାଦାୟୀ ବକୃତା ମାଳା ଲୋକାର୍ପିତ ହୋଇଯାଇଅଛି। ମାଁ ମାଣିକେଶ୍ଵରୀ କୁଳପତି ଡଃ ନିବେଦିତା ନାଥ ଙ୍କ ସଭାପତିତ୍ବରେ ଆୟୋଜିତ ହୋଇଯାଇଛି । ପ୍ରଥମେ ମା ମାଣିକେଶ୍ଵରୀ ଓ ସଞ୍ଜୟ ଶତପଥୀଙ୍କ ଫଟୋ କୃତିରେ ଦୀପ ଧୂପ ପ୍ରଜ୍ବଳନ ପରେ ପ୍ରାରମ୍ଭିକ ସଙ୍ଗୀତ ଗାନ କରାଯାଇଥିଲା । ସହ କୁଳସଚିବ ମେଜର ଡଃ ଜୟଦେବ ସାହୁ ପ୍ରାରମ୍ଭିକ ସୂଚନା ଦେଇଥିବା ବେଳେ ବିତ୍ତ ଅଧିକାରୀ  ସୁରେଶ ପଡ଼ିଶିକା ଓ କୁଳପତି ସ୍ମୁତି ଚାରଣ କରିଥିଲେ । ମୁଖ୍ୟ ବକ୍ତା ଭାବେ ମେଜର ଡଃ ରାମ ଚନ୍ଦ୍ର ମିଶ୍ର ଯୋଗଦେଇ ଅବିଭକ୍ତ କଳାହାଣ୍ଡି ଜିଲ୍ଲାର ଲୋକ ଦେବ ଦେବୀ ଓ ଲୋକ ବିଶ୍ୱାସ ଉପରେ ପ୍ରଥମ ପ୍ରେରଣାଦାୟୀ ବକ୍ତବ୍ୟ ରଖିଥିଲେ । ସଞ୍ଜୟଙ୍କ ଜୀବନୀ ଏବଂ ଉଚ୍ଚ ଶିକ୍ଷା କ୍ଷେତ୍ରରେ ବିଶ୍ୱବିଦ୍ୟାଳୟ ପାଇଁ ତାଙ୍କ ଅବଦାନ ଅତୁଲନିୟ ବୋଲି ଅତିଥି ମାନେ ମତବ୍ୟକ୍ତ କରିଥିଲେ। ତାଙ୍କ ସ୍ମୃତିରେ ସମଗ୍ର କ୍ଷେତ୍ରରେ ସଫଳତା ପାଇଁ ଛାତ୍ରୀଙ୍କୁ ସମ୍ମାନିତ କରାଯାଇଥିଲା । ଶେଷରେ ରାଜନୀତି ବିଭାଗ ମୁଖ୍ୟ ଡଃ କୈଳାସ ଚନ୍ଦ୍ର ଦାସ ଧନ୍ୟବାଦ ଅର୍ପଣ କରିଥିଲେ ।