18-Apr-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )
 ସୋନପୁର ସହର ର ଜନଗହଳି ପୂର୍ଣ୍ଣ ମୁଖ୍ୟ ରାସ୍ତା ବିଜୁ ପଟ୍ଟନାୟକ ଛକ ଠାରୁ ବଡ଼ବଜାର ର ଦୁର୍ଗା ମଣ୍ଡପ ଛକ ରେ ମ୍ୟୁନିସିପାଲଟି ତରଫରୁ ମୁଖ୍ୟ ନଳା ଉପରେ ନୂଆ କଲଭର୍ଟ କାମ ଓ ବଡ଼ବଜାର ରୁ ସର୍କିଟ ହାଉସ ରାସ୍ତା ଉପରେ କଲଭର୍ଟ ପାଇଁ ଟେଣ୍ଡର ହୋଇଥଲା। ସଂପୃକ୍ତ ଠିକାଦାର ଦୀର୍ଘ ୨ ମାସ ହେଲା ମୁଖ୍ୟ ରାସ୍ତା ଖୋଳି ପକେଇଲେ କିନ୍ତୁ କାମ ଶୀଘ୍ର କରି ନ ପାରିବାରୁ ବ୍ୟାପକ ଜନ ଅସନ୍ତୋଷ ବୃଦ୍ଧି ପାଇଛି। ସହରର ବ୍ୟସ୍ତ ବହୁଳ ତଥା ବ୍ୟବସାୟୀ ପ୍ରତିଷ୍ଠାନ ଥିବା ଜନଗହଳି ପୂର୍ଣ୍ଣ ପୁରୁଣା ବସ୍ତି ରାସ୍ତାରେ ସେପଟେ ଯାହା ଜଣାପଡୁଛି ବିନା ପ୍ଲାନିଙ୍ଗରେ ଚାଲିଛି ସହରର ମୁଖ୍ୟ ରାସ୍ତା କଡ ନାଳ ଏବଂ ଡ୍ରେନ ତଥା କଲଭର୍ଟ କାମ। କାରଣ ଯଦି ବିଭାଗ ପକ୍ଷରୁ କଲଭର୍ଟ ଟିକୁ ପୁରା ନ ଭାଙ୍ଗି ଅଧା ଭଙ୍ଗା ଯାଇ କାମ ସରିଲା ପରେ ପୁଣି ଅଧା ଭାଙ୍ଗି କାମ କରା ଯାଇ ଥାଆନ୍ତା ତା ହେଲେ ସାଧାରଣ ଲୋକ, ବ୍ୟବସାୟୀ, ବରିଷ୍ଠ ନାଗରିକ ତଥା ସ୍କୁଲ ଛାତ୍ର ଛାତ୍ରୀ, ଦିବ୍ୟାଙ୍ଗ ମାନଙ୍କୁ ଏତେ ହଇରାଣ ହରକତ ହେବାକୁ ପଡି ନ ଥାଆନ୍ତା। ଆଉ ଯଦି ପୂରା ଭାଙ୍ଗି କାମ କରିବା ଥିଲା ତା ହେଲେ ଆବଶ୍ୟକ ସାମଗ୍ରୀ ସଂପୃକ୍ତ ଠିକାଦାର  ଷ୍ଟକ ରଖିବା ପରେ କାମ ଶୀଘ୍ର ସାରିବାର ଥିଲା । ଜିଲ୍ଲା ପ୍ରଶାସନ ଉକ୍ତ କାମରେ ତୁରନ୍ତ ହସ୍ତକ୍ଷେପ କରି କାମ ଶୀଘ୍ର କରିବା ସହ ସଂପୃକ୍ତ ବିଭାଗୀୟ ଯନ୍ତ୍ରୀଙ୍କୁ କାରଣ ଦର୍ଶାଅ ନୋଟିସ ଦେବା ସହ ଜିଲ୍ଲା ପ୍ରଶାସନ ତୁରନ୍ତ ପଦକ୍ଷେପ ନେବା ପାଇଁ ସ୍ଥାନୀୟ ଜନସାଧାରଣ, ବ୍ୟବସାୟୀ ତଥା ବୁଦ୍ଧିଜିବୀ ମହଲରେ ଦାବୀ ହେଉଛି । କେବଳ ଏଇ ଛୋଟ ପ୍ରକଳ୍ପ ନୁହେଁ ଆମ ଜିଲ୍ଲା ରେ ରିଙ୍ଗ ରୋଡ, ନୂଆଁ ବସ ଷ୍ଟାଣ୍ଡ,  ଭଳି ଅନେକ ମେଗା ପ୍ରକଳ୍ପ କାମକୁ ରାଜନୀତି ଭିତରେ ପଲିଟିକ୍ସ ଓ କୁଟ ନୀତି ପୁରାଇ ଜାଣି ଶୁଣି ଦୀର୍ଘ ବର୍ଷ ଧରି ଅଟକାଇ ରଖିଛନ୍ତି ଅପାରଗ ନେତା ମାନେ l ଦୀର୍ଘ ୨୦/୨୫ ବର୍ଷ ରୁ ଅଙ୍ଗ କେନାଲ ସମ୍ପ୍ରସାରଣ ହୋଇ ପାଣି ଖଲ ଖଲ ଆସୁଛି କିନ୍ତୁ ପହଞ୍ଚି ପାରୁନି ଆମ ସୋନପୁର ବ୍ଲକ ଯାଏ l କୃଷି ବିଶ୍ବ ବିଦ୍ୟାଳୟ ଓ ମେଡ଼ିକାଲ କଲେଜ ଭଳି ଅନେକ ମେଗା ପ୍ରସ୍ତାବ କୁ ବି ଅଣଦେଖା କରି ଆସୁଛନ୍ତି l ଜମି ପଟ୍ଟା ହାଇଟେକ୍ ସର୍ଭେ କାମ କୁ ବି କେବଳ ଏ ଜିଲ୍ଲା ରେ ଟ୍ରାଏଲ କରାଗଲା ଓ ଦୀର୍ଘ ବର୍ଷ ଧରି ଗଡ଼େଇ ଗଡ଼େଇ ଲୋକ ଙ୍କୁ ହଇରାଣ କରାଗଲା l ସାମୁହିକ ସ୍ୱାର୍ଥ କୁ ଗୁରୁତ୍ଵ ନ ଦେଇ ବ୍ୟକ୍ତି ଗତ ଓ ଦଳୀୟ ସ୍ବାର୍ଥ ପାଇଁ ଭୋଟ ବ୍ୟାଙ୍କ ସୁରକ୍ଷା ପାଇଁ  ଲୋକ ଙ୍କୁ ପ୍ରତିଶୁତି ଦେଇ ନିର୍ବାଚନ ପରେ ନିର୍ବାଚନ  ଗଡ଼େଇ ନେବାରେ କିନ୍ତୁ ଏମାନେ ପାରଙ୍ଗମ ବୋଲି ବୁଦ୍ଧିଜୀବୀ ମତ ରଖିଛନ୍ତି l