15-Apr-2025

ଅତାବିରା(ଆକାଶ ମିଶ୍ର): ବରଗଡ଼  ଜିଲ୍ଲା   ଅତାବିରା ବ୍ଲକ  ଲାଦରପାଲି ଠାରେ  ଥିବା ବହୁ ପୁରାତନ ହନୁମାନ ମନ୍ଦିର ଠାରେ ପବିତ୍ର ବୀର ହନୁମାନ ଜୟନ୍ତୀ ଓ ମହାବିଷୁବ ପଣା  ସଂକ୍ରାନ୍ତି ମହା ହର୍ଷ ଉଲ୍ଲାସ ସହ ପାଳିତ ହୋଇଯାଇଛି।
ଆଜି ସକାଳୁ ପୂଜକ ହନୁମାନ ମନ୍ଦିରରେ ରୀତିନୀତି ଅନୁଯାୟୀ ପୂଜାପାଠ, ହୋମଯଜ୍ଞ ହନୁମାନ ଚାଳିସା ପାଠ ଓ  ରାମାୟଣ ପାଠ କରିବା ସହ ୯ ଟାରେ  ଜୟ ହନୁମାନ ଯୁଗାର ଯାତ୍ରା ଦୁଳୁ ଦୁଳି ବାଜା  ଓ ଡି ଜେ ସହ ହୁଳହୁଳି ରେ ଗ୍ରାମ ପରିକ୍ରମା  କରି ମନ୍ଦିରକୁ ପହଞ୍ଚିଥିଲା ।
ଅପରାହ୍ନ ୧ ଘଣ୍ଟା ରେ ଶ୍ରଦ୍ଧାଳୁ ଙ୍କୁ ଅନ୍ନପ୍ରସାଦ ବଣ୍ଟନ  ମନ୍ଦିର ପରିଚାଳନା କମିଟି ୩ ଟାରେ  ତରଫରୁ ପଣା ଭୋଗ ଲାଗି କରିବା ପରେ ଲୋକଙ୍କୁ ପଣା ବଣ୍ଟନ କରାଯାଇଥିଲା । ଅପରାହ୍ନ ୪ ଟାରେ ମନ୍ଦିର ପରିସରରେ କୁସ୍ତି କସରତ ପ୍ରଦର୍ଶନ ସହ ବାଡି ଖେଳ ହୋଇଥିଲା ।ସନ୍ଧ୍ୟା ୭ ଟାରେ ସାଂସ୍କୃତିକ କାର୍ଯ୍ୟ କ୍ରମରେ ତାଳମେଣ୍ଡା ଓ ଦେବାହାଲ ଗ୍ରାମର ସଙ୍କୀର୍ତ୍ତନ, ରାତିରେ  ସର୍କଣ୍ଡା ର ବାଉତି ଅପେରା  ମଞ୍ଚସ୍ଥ ହୋଇଥିଲା । ଆଖପାଖ ଗ୍ରାମର ହଜାର ହଜାର ଶ୍ରଦ୍ଧାଳୁ ଏହି ସମସ୍ତ କାର୍ଯ୍ୟକ୍ରମକୁ ଉତ୍ସାହର ସହ ଉପଭୋଗ କରିଥିଲେ । ସେହିପରି  ବୈମାନ ଟିକ୍ରା ( ଶାସ୍ତ୍ରୀ ନଗର) , ଅତାବିରା ବସ୍ତି, ସରଣ୍ଡା  ବିଶ୍ଵେଶ୍ୱର୍ ମନ୍ଦିର , ରେଙ୍ଗାଲି କ୍ୟାମ୍ପ ଛକ , ତଥା  ଅଞ୍ଚଳର ସମସ୍ତ ଗ୍ରାମରେ ଥିବା ସମସ୍ତ ହନୁମାନ ମନ୍ଦିର ବ୍ୟତୀତ ଶିବମନ୍ଦିର, ଜଗନ୍ନାଥ ମନ୍ଦିର, ରାମ ମନ୍ଦିର ଦୁର୍ଗା ମନ୍ଦିର ଓ ସମସ୍ତ ଦେବଦେବୀ ପୀଠରେ ସ୍ବତନ୍ତ ଉତ୍ସବ ସାଙ୍ଗକୁ ରୀତିନୀତି ଅନୁଯାୟୀ ପୂଜା ପାଠ କରାଯାଇଛି।ଏହି ଅବସରରେ  ସମସ୍ତ ଦାଣ୍ଡ ଅଗଣାରେ ଓଡ଼ିଆ ନବବର୍ଷ କୁ ସ୍ୱାଗତ କରିଥିଲେ। କେତେ ଦେବାଦେବୀ ମନ୍ଦିରରେ ସକାଳୁ ପଣା ଭୋଗ କରିଥିବା ବେଳେ ଆଉ କେତେ ମନ୍ଦିରରେ ସନ୍ଧ୍ୟାରେ ପଣା ଭୋଗ କରି ଥିଲେ।