14-Apr-2025

ଲୋଇସିଂହା, (ବିନୋଦ ଦୀପ)ସୋମବାର ଦିନ ଭାରତ ବର୍ଷର ସମ୍ବିଧାନ ପ୍ରଣେତା ଭାରତ ରତ୍ନ ବାବା ସାହେବ ଭୀମ ରାଓ ରାମଜୀ ଆମ୍ବେଦକର ଙ୍କର 134 ତମ ଜନ୍ମ ଜୟନ୍ତୀ ଜିଲ୍ଲା ଆଦିବାସୀ କଲ୍ୟାଣ ସଙ୍ଘ ଲୋଇସିଂହା ତରଫରୁ ଆଦିବାସୀ ଭବନ ଲୋଇସିଂହା ଠାରେ ମହା ଆଡମ୍ବର ରେ ପାଳିତ ହୋଇଯାଇଛି। ଏହି ଜୟନ୍ତୀ ରେ ମାନ୍ୟବର ସ୍ୱାସ୍ଥ୍ୟ ମନ୍ତ୍ରୀ ଡା. ମୁକେଶ ମହାଳିଙ୍ଗ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ସମ୍ବିଧାନ ପ୍ରଣେତା ବାବା ସାହେବ ଡ଼. ଭୀମରାଓ ଆମ୍ବେଦକର ଓ ଧରଣୀ ଆୱା ବିର୍ସାମୁଣ୍ଡା ଙ୍କ ଫଟୋରେ ମାଲ୍ୟାର୍ପଣ କରି ଏକ ନୂତନ ଗ୍ରନ୍ଥାଗାର ଉଦ୍ଘାଟନ କରୁଥିଲେ। ଶିକ୍ଷିତ ହୁଅ, ସଂଘଠିତ ହୁଅ ଓ ସଂଘର୍ଷ କର ବାବାସାହେବ ଙ୍କ ବାର୍ତ୍ତା ଟିକୁ ସମସ୍ତ ଆଦିବାସୀ ଭାଇମାନଙ୍କୁ ଜଣାଇ ଥିଲେ। ଉକ୍ତ ଦିବସରେ ଜିଲ୍ଲା ଆଦିବାସୀ କଲ୍ୟାଣ ସଙ୍ଘ ସଭାପତି ଶ୍ୟାମସୁନ୍ଦର ଭୋଇ, ଆଗଲପୁର ସଭାପତି ବଳଦେବ ଭୋଇ, ଲୋଇସିଂହା ସମ୍ପାଦକ ଗୋପାଳ ମିର୍ଦ୍ଧା, ମାଧବ ଭୋଇ, ଲଳିତ ମୋହନ ପୁଟା, ରୁକ୍ମଣ ଧରୁଆ, ଚନ୍ଦ୍ରଶେଖର କୁଅଁର, ଦାଶରଥୀ ଭୋଇ,ସାଗର ରଞ୍ଜନ ବିଶ୍ୱାଳ, ବୀରକିଶୋର ବାଗ, ଗୋବର୍ଧନ ଧରୁଆ, ଦେବାଶିଷ ବିଶୋଇ, ଫକୀର ପଧାନ, ଗୋବିନ୍ଦ ଭୋଇ, ଯୁବରାଜ ସିଂ ଗଡ଼ତ୍ୟା ପ୍ରଭୂତ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ। ଶେଷରେ ବ୍ଲକ ସଭାପତି ଦଶରଥ ଛତ୍ରିଆ ସମସ୍ତଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରିଥିଲେ l