19-Jan-2021

ନୟାଗଡ଼, (ପ୍ରଦୀପ କୁମାର ପଣ୍ଡା) :ଓଡ଼ଗାଁ ରଘୁନାଥ ସମବାୟ ମହାବିଦ୍ୟାଳୟରେ ଆଜି ୩କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ଶୈକ୍ଷିକ ଭବନ ଓ ଛାତ୍ରୀ ନିବାସ ଭିତ୍ତିପ୍ରସ୍ତର ନୟାଗଡ ବିଧାୟକ ତଥା ରାଜ୍ୟ କୃଷି ମସ୍ଥ୍ୟ ଓ ପ୍ରାଣୀ ସମ୍ପଦ ବିକାଶ ଓ ଉଚ୍ଚଶିକ୍ଷା ମନ୍ତ୍ରୀ ଡ଼ ଅରୁଣ କୁମାର ସାହୁଙ୍କ ଦ୍ବାରା ସ୍ଥାପନ କରାଯାଇଛି। ନୟାଗଡ ଜିଲ୍ଲାପାଳ ଡ଼ ପୋମା ଟୁଡୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଜିଲ୍ଲା ପରିଷଦ ସଭ୍ୟ ଲୋକନାଥ ସାହୁ,ବିଭୂତି ପ୍ରସାଦ ସାହୁ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। pwd ନିର୍ବାହୀ ଯନ୍ତ୍ରୀ ପ୍ରମୋଦ କୁମାର ଧର,ଅତିରିକ୍ତ ନିର୍ବାହୀ ଯନ୍ତ୍ରୀ ପ୍ରଦୀପ୍ତ କୁମାର ପଟ୍ଟନାୟକ ଏବଂ ଯନ୍ତ୍ରୀ ସୁଧାଂଶୁ ଶେଖର ବେହେରା ଉପସ୍ଥିତ ରହିଥିଲେ।ପ୍ରାକୃତିକ ପରିବେଶ ମଧ୍ୟରେ ବାଲୁମୁଣ୍ଡିଆ କୋଳରେ ଗଢି ଉଠିଥିଲା ଏହି ଶିକ୍ଷାନଷ୍ଠାନ ଟି ଅତୀତରେ ସ୍ଥାନୀୟ ଅଞ୍ଚଳକୁ ଗୌରବ ମଣ୍ଡିତ କରିଛି।ଧୀରେ ଧୀରେ ଭିତ୍ତିଭୂମିର ବିକାଶ ହେଲେ ଏହି ମହାବିଦ୍ୟାଳୟ ଉନ୍ନତିର ଶୀର୍ଷ ସ୍ଥଳରେ ପହଂଚିବା ବୋଲି ଅତିଥିମାନେ ମତବ୍ୟକ୍ତ କରିଥିଲେ ମହାବିଦ୍ୟାଳୟର ଉନ୍ନତି ପାଇଁ ଜିଲ୍ଲାପାଳ ଓ କଲେଜ ଅଧ୍ୟକ୍ଷ ଅଶ୍ଵିନୀ କୁମାର ନାୟକଙ୍କ ସହ ଉଚ୍ଚଶିକ୍ଷା ମନ୍ତ୍ରୀ ବିସ୍ତୃତ ଆଲୋଚନା କରିଥିଲେ। କିଛି ବର୍ଷ ଭିତରେ ଓଡ଼ଗାଁ ଅଂଚଳର ବିକାଶ  ଷିର୍ଷ ରେ ପହଞ୍ଚି ଥିବାବେଳେ ସେଥିରେ ଆଉଏକ ଫର୍ଦ ଯୋଡ଼ି ହୋଇଯାଇଥିବାରୁ
 ଅଞ୍ଚଳବାସିନ୍ଦାଙ୍କ ପାଇଁ ଖୁସୀର ଲହରୀ ଖେଳି ଯାଇଥିଲା । ଲୋକଙ୍କ ମୁହଁରେ ଗୋଟିଏ କଥା ନେତା ହେବତ ଏମିତି ।