19-Jan-2021

ଖପ୍ରାଖୋଲ, (ଗୋରେଖନାଥ ବରିହା): ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଲରମ୍ଭା ଥାନା ଅନ୍ତର୍ଗତ ଜୁରିଆ ଛକ ନିକଟରେ ସିମେଣ୍ଟ ବୋଝଇ ଟ୍ରକ (CG04MD9700)ପଦ୍ମପୁର ରୁ ପାଟଣାଗଡ଼ ଅଭିମୁଖେ ଯାଉଥିବା ବେଳେ ଜୁରିଆ ଗାଁର ଜଗ ମେହେର ଙ୍କ ତିନି ବର୍ଷିଆ ସୋନାଲି ମେହେର ରାସ୍ତା ପାରି ହେଉଥିବା ବେଳେ ସିମେଣ୍ଟ ବୋଝେଇ ଟ୍ରକ ଶିଶୁଙ୍କ ଉପରେ ମାଡିଯିବାରୁ ଡାହାଣ ଗୋଡ ସଂପୂର୍ଣ୍ଣ  ଚୁରମାର ହୋଇଯାଇଛି ଫଳରେ ସ୍ଥାନୀୟ ଲୋକେ ଉତ୍ୟକ୍ତ ହୋଇ କ୍ଷତିପୂରଣ ପ୍ରତିବାଦ ରେ ରାସ୍ତା ରୋକ କରିଥିଲେ |  ଘଟଣାସ୍ଥଳରୁ ଟ୍ରକ୍   ଡ୍ରାଇଭର  ଫେରାର ହୋଇଥିବା ଜଣାପଡିଛି । ସୋନାଲିଙ୍କୁ ପ୍ରଥମେ  ପାଟଣାଗଡ  ଡାକ୍ତରଖାନାରେ ଭର୍ତ୍ତି  କରାଯାଇଥିଲା|ଗୁରୁତର ହେବାରୁ ତାଙ୍କୁ ଭୀମ ଭୋଇ ହସ୍ପିଟାଲ ସ୍ଥାନାନ୍ତର ହୋଇଥିବା ସୂଚନା ମିଳିଛି| ପରେ ବୁର୍ଲା କୁ ସ୍ଥାନାଂତର ହେବାର ସମ୍ଭାବନା ଲାଗୁଛି|ରାସ୍ତାରୋକ ର ଖବର ପାଇ ଲରମ୍ଭା ଥାନା ଅଧିକାରୀ ବିନୋଦ ବିହାରୀ ନାୟକ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝସୁଝା ପରେ ରାସ୍ତାରୋକ ହଟିଥିଲା ଏ ନେଇ ଲରମ୍ଭା ଥାନା କେଶ ନଂ,୭ ୨୭୯,୩୩୭,୩୩୮ ଦଫା ରେ ମାମଲା ରୁଜୁ କରି ଘଟଣାର ତଦନ୍ତ କରୁଥିବା  ଥାନା ଅଧିକାରୀ ସୂଚନା ଦେଇଥିଲେ|