11-Apr-2025

ବିନିକା(ହିମାଂଶୁ ଶେଖର ପୁଟେଲ)ଆଜିଠାରୁ ସାରା ରାଜ୍ୟରେ ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା,ଗୋପବନ୍ଧୁ ଜନ ଆରୋଗ୍ୟ ଓ ଆୟୁଷ୍ମାନ ବାୟୋ ବନ୍ଦନା ଯୋଜନା ଆରମ୍ଭ ହୋଇଛି। ଏହି ଅବସରରେ ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକର ବାଙ୍କୀଘିର୍ଡି,ଶଙ୍କରା ଓ ମହାଦେବପାଲି ଆଦି ୩ସ୍ଥାନରେ  ଏକ ସଙ୍ଗରେ ଶୁଭାରମ୍ଭ କରାଯାଇ ପ୍ରାୟ ୭୫ ହିତାଧିକାରୀଙ୍କୁ ନୂତନ   ଭାବେ ଆୟୁଷ୍ନାନ ଆରୋଗ୍ୟ କାର୍ଡ ପ୍ରଦାନ କରାଯାଇଛି ।ଏହି ଅବସରରେ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଉପସ୍ଥିତ ଜନସାଧାରଣଙ୍କୁ ଭିଡିଓ କନଫରେନ୍ସ ମାଧ୍ୟମରେ ଜୀବନ ସଂଜୀବନୀ ସ୍ବାସ୍ଥ୍ୟ କାର୍ଡ ର ଉପକାରିତା ସମ୍ପର୍କରେ ବାର୍ତ୍ତା ପ୍ରଦାନ କରିଥିଲେ।ବ୍ଲକ ଅନ୍ତର୍ଗତ ବାଙ୍କୀଘିର୍ଡି ଖେଳପଡିଆ ଠାରେ ବିନିକା ବ୍ଲକ ଓ ଗୋଷ୍ଟିସ୍ୱାସ୍ତ୍ୟ କେନ୍ଦ୍ର ମିଳିତ ଆନୁକୁଲ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ୨୮ଜଣଙ୍କୁ କାର୍ଡ ପ୍ରଦାନ କରାଯାଇଥିଲା।କିନ୍ତୁ ଅତ୍ୟନ୍ତ ଦୁଃଖର ବିଷୟ ପ୍ରଚଣ୍ଡ ଖରା ତାତିକୁ ଖାତିର ନକରି ଆସିଥିବା ଲୋକଙ୍କ ପାଇଁ ଚାହିଦା ମୁତାବକ ପାନୀୟ ଜଳ ବ୍ୟବସ୍ଥା ନଥିବା ଓ ମହିଲା ମାନଙ୍କ ପାଇଁ ପରିଶ୍ରାଗର କିମ୍ବା ଶୌଚାଳୟ ବ୍ୟବସ୍ଥା ଠିକ ନଥିବାରୁ ଜନସାଧାରଣ ଅସୁବିଧାର ସମ୍ମୁଖୀନ ହୋଇଥିଲେ ।ସେହିପରି ନିମ୍ନ ମାନର ଖାଦ୍ୟ ବ୍ୟବସ୍ଥା ଯୋଗୁଁ ହିତାଧିକାରୀ ମାନେ ଅଖିଆପିଆ ବୈଠକ ଅଧାରୁ ଛାଡି ପଳାଇ ଯାଉଥିବା ଦେଖିବାକୁ ମିଳିଥିଲା । ସେହିପରି ଶଙ୍କରା ପ୍ରାଥମିକ ସ୍ଵାସ୍ଥ୍ୟ କେନ୍ଦ୍ର ଆନୁକୁଲ୍ୟରେ ସ୍ଥାନୀୟ  କଇଁନ୍ତରା ଆର୍ ଏମ୍ ସି ପରିଷରରେ ଅନୁଷ୍ଠିତ କାର୍ଯ୍ୟକ୍ରମରେ ପଚିଶ ଜଣ ହିତାଧିକାରୀଙ୍କୁ ଏ. ବି. ପିଏମ୍ ଜେ ଏ ୟାଇ - ଜି ଜେସଏୟା ଇ ଭିବିଜେ ସ୍ଵାସ୍ଥ୍ୟ କାର୍ଡ ବଣ୍ଟନ କରାଯାଇଥିଲା। ଅନ୍ୟ ପକ୍ଷରେ ମହାଦେଭାପାଲି ଠାରେ ମଧ୍ୟ ଅନୁଷ୍ଠିତ କାର୍ଯ୍ୟକ୍ରମରେ ମୋଟ ଜଣଙ୍କୁ କାର୍ଡ ପ୍ରଦାନ କରାଯାଇଥିଲା ସରକାରଙ୍କ ଲୋକାଭିମୁଖୀ କାର୍ଯ୍ୟକ୍ରମ କୁ ଜନସାଧାରଣଙ୍କୁ ଅବଗତ କରାଇବା ନେଇ ପ୍ରଚାର ପ୍ରସାର କରିବା ଦିଗରେ ପ୍ରମୁଖ ଭୂମିକା ନେଉଥିବା ଗଣତନ୍ତ୍ରର ଚତୁର୍ଥ ସ୍ତମ୍ଭ ସାମ୍ବାଦିକଙ୍କ ବସିବା ପାଇଁ କୌଣସି ବ୍ୟବସ୍ଥା ନଥିବାରୁ ସାମ୍ବାଦିକ ମାନେ ଛିଡା ହୋଇ ଖବର ସଂଗ୍ରହ କରିଥିଲେ।ଅନୁଷ୍ଠିତ ୩କାର୍ଯ୍ୟକ୍ରମରେ ବିନିକା ତହସିଲଦାର,ବିଡ଼ିଓ,ଗୋଷ୍ଟି ସ୍ବାସ୍ଥ୍ୟ କେନ୍ଦ୍ର ଅଧିକାରୀ,ବିଭିନ୍ନ ପଞ୍ଚାୟତର ଜନ ପ୍ରତିନିଧି,ଅଙ୍ଗନୱାଡ଼ି,ଆଶା କର୍ମୀ,ସାଧାରଣ ଲୋକେ ଉପସ୍ଥିତ ଥିଲେ।