11-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ସ୍ଥିତ ପ୍ରକୃତି ବିହାରରେ ଗଢ଼ି ଉଠିଥିବା ରେଡ଼ିଏନ୍ସ ଇନଷ୍ଟିଚ୍ୟୁଟର ବାର୍ଷିକୋତ୍ସବ "ୟୁଫୋରିଆ-୨୦୨୫"  ଦ୍ୱିତୀୟ ଦିବସରେ ରେଡ଼ିଏନ୍ସ ଇନଷ୍ଟିଚ୍ୟୁଟର ପରିଚାଳନା କମିଟିର ସଭାପତି ଶ୍ରୀମତୀ କସ୍ତୁରୀ ମେହେରଙ୍କ ଅଧ୍ୟକ୍ଷତାରେ ପରିଚାଳିତ ହୋଇଥିଲା। ରେଡ଼ିଏନ୍ସ ଇନଷ୍ଟିଚ୍ୟୁଟର ଚେୟାରମେନ ଅଜିତ କୁମାର ମେହେର ନିଜ ମନ୍ତବ୍ୟରେ ପାଠ୍ୟକ୍ରମ ସଙ୍ଗେ ସଙ୍ଗେ ସହ- ପାଠ୍ୟକ୍ରମକୁ ମଧ୍ୟ ଗୁରୁତ୍ୱ ଦେବାପାଇଁ ସମସ୍ତ ଛାତ୍ରଛାତ୍ରୀଙ୍କୁ ଉଦବୋଧନ ଦେଇଥିଲେ ଓ ଛାତ୍ରଛାତ୍ରୀ ମାନଙ୍କ ଦ୍ଵାରା ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମ ପ୍ରଶଂସା କରିଥିବା ବେଳେ ଅଧ୍ୟକ୍ଷ ପ୍ରଫେସର ଘନଶ୍ୟାମ ମେହେର ଅନୁଷ୍ଠାନର ପରିଚାଳକଙ୍କ ଭାତୃତ୍ଵ ଓ ସେବା ମନୋବୃତିକୁ ନେଇ ଦରଦିବନ୍ଧୁ ବୋଲି ବ୍ୟାଖ୍ୟା କରି  ମୁଖ୍ୟ ଅତିଥି ବିଜେପୁର ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ପ୍ରଦୀପ କୁମାର ମିଶ୍ର ଙ୍କୁ ଆଲିଙ୍ଗନ କରି ଭାବବିହ୍ୱଲ୍ ହୋଇ ପଡ଼ିଥିଲେ ଉଭୟ ମଞ୍ଚ ରେ ସତେ କି ରାମାୟଣର ସେହି ଦୁଇ ଜଣ ବ୍ରହ୍ମର୍ଷି ବଶିଷ୍ଠ ଓ ବିଶ୍ଵାମିତ୍ରଙ୍କ ଭେଟ ସଦୃଶ୍ୟ ଲାଗୁଥିଲା। ମୁଖ୍ୟ ଅତିଥି ପ୍ରଫେସର ମିଶ୍ର ଆଜିର ଛାତ୍ରଛାତ୍ରୀ ମାନଙ୍କର କିପରି ସୃଜନଶୀଳତା ବୃଦ୍ଧି ଘଟୁଛି ଓ ଗୁରୁ ଶିଷ୍ୟଙ୍କ ମଧୁରତା ସଂପର୍କ ରେ ଉପସ୍ଥାପନ କରି ଏହି ଅନୁଷ୍ଠାନର ଛାତ୍ରଛାତ୍ରୀ ମାନଙ୍କର ଶୃଙ୍ଖଳାକୁ ପ୍ରଶଂସା କରିଥିଲେ। ସମ୍ମାନିତ ଅତିଥି ବୁଦ୍ଧଦେବ ମେହେର ମହାବିଦ୍ୟାଳୟ ର ଇଂରାଜୀ ଅଧ୍ୟାପକ ଶ୍ରୀଯୁକ୍ତ ସୁଶାନ୍ତ ମିଶ୍ର ପ୍ରତ୍ୟେକଙ୍କ ଜୀବନରେ ପିତାଙ୍କ ଗୁରୁତ୍ଵ କୁ ବକ୍ତବ୍ୟରେ ରଖିଥିଲେ। ଅନ୍ୟତମ ସମ୍ମାନିତ ଅତିଥି ବରିଷ୍ଠ ନାଗରିକ ସଂଘ ବିଜେପୁରର ସଭାପତି ଶ୍ରୀଯୁକ୍ତ ନବ କିଶୋର ସାହୁ ଏହି ଅନୁଷ୍ଠାନର ଭବିଷ୍ୟତ ଆହୁରି ଆଲୋକିତ ବୋଲି ମତ ପ୍ରକାଶ କରିଥିଲେ।ସ୍କୁଲ ର ଅଧ୍ୟକ୍ଷା ମୋହିନୀ ମେହେର, ଏକାଡେମୀ ଡାଇରେକ୍ଟର ଗୋବିନ୍ଦ ମେହେର,ଏଡମିନିଟେଷ୍ଟିବ ଡାଇରେକ୍ଟର ନେତ୍ରାମଣୀ ମେହେର,ରେଡ଼ିଏନ୍ସ ଇନଷ୍ଟିଚ୍ୟୁଟର ପରିଚାଳନା କମିଟିର ସଦସ୍ୟ ଶ୍ରୀଯୁକ୍ତ ଦେବବ୍ରତ ମେହେର , ଉପଦେଷ୍ଟା ଶ୍ରୀମତୀ ରାଜେଶ୍ରୀ ମେହେର, ବଶିଷ୍ଠ ନାଗରିକ ସଂଘ ର ସଦସ୍ୟ ପଦ୍ମଲୋଚନ କର,ପ୍ରଦୀପ ଗୁରୁ ସଭାରେ ଯୋଗଦେଇଥିଲେ ଏବଂ ସମସ୍ତ ଅଧ୍ୟାପକ ଅଧ୍ୟାପିକା,ଶିକ୍ଷକ ଶିକ୍ଷୟତ୍ରୀ ଓ ଛାତ୍ରୀଛାତ୍ରୀ,ସାମ୍ବାଦିକ ବନ୍ଧୁ ଉପସ୍ଥିତ ଥିଲେ। ଉପାଧ୍ୟକ୍ଷ ସଞ୍ଜୟ ବାରିକ ମଞ୍ଚ ପରିଚାଳନା କରି ମହାନ ଆତ୍ମା ଠାକୁର ଚରଣ ମେହେରଙ୍କ ସ୍ମୃତିରେ ଗଢିଉଠିଥିବା ରେଡ଼ିଏନ୍ସ୍ ଶିକ୍ଷାନୁଷ୍ଠାନ ବିଷୟରେ ଦୋହରାଇଥିଲେ । ବିୟୋନ ଷ୍ଟୁଡ଼ିଓ ଭୁବନେଶ୍ଵରର ପ୍ରତିଷ୍ଠାତା ଶ୍ରୀ ରାଜେଶ ଗୌଡ ଙ୍କୁ ରେଡ଼ିଏନ୍ସ ସଂସ୍କୃତି ସମ୍ମାନ-୨୦୨୫ରେ ସମ୍ମାନୀତ କରାଯାଇଥିଲା ଓ ଶେଷ୍ଠ ସ୍ୱୟଂ ସେବକ ଭାବେ ଛାତ୍ର ଅବିନାଶ ଭୁଏ ଓ ସେବିକା ଛାତ୍ରୀ ପ୍ରୀତି ପ୍ରଧାନ ପୁରସ୍କୃତ ହୋଇଥିଲେ।ଶେଷରେ ଓଡ଼ିଆ ଅଧ୍ୟାପକ ପ୍ରଫୁଲ୍ଲ ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ସାଂସ୍କୃତିକ କାର୍ଯ୍ୟକ୍ରମ ଅତି ସୁନ୍ଦର ଭାବରେ ଛାତ୍ରଛାତ୍ରୀ ମାନେ ପରିବେଷଣ କରିଥିଲେ, ଗୁରୁ ଦ୍ରୋଣ ଓ ଏକଲବ୍ୟ ଉପରେ ଏକ ସୁନ୍ଦର ନୃତ୍ୟ ପରିବେଷଣ କରିଥିଲେ ଯାହା ସମାଜକୁ ଏକ ନୂତନ ବାର୍ତ୍ତା ଦେବା ସହିତ, ସମ୍ବଲପୁରୀ, ଓଡ଼ିଶୀ ନୃତ୍ୟ, ସୁମଧୁର ସଙ୍ଗୀତ ଛାତ୍ରଛାତ୍ରୀମାନେ ଗାନ କରିଥିଲେ । ନୃତ୍ୟ ଗୁରୁ ଶ୍ରୀମାନ ଶିବ ଶଙ୍କର ମେହେରଙ୍କ ପ୍ରଚେଷ୍ଟାରେ ସାଂସ୍କୃତିକ କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କ ଉତ୍ସାହ ଦେଖିବାକୁ ମିଳିଥିଲା। ଚେୟାରମେନ ଶ୍ରୀ ମେହେର କାର୍ଯ୍ୟକ୍ରମ ଶାନ୍ତି ଶୃଙ୍ଖଳାରେ ପରିସମାସ୍ତି ହୋଇଥିବାରୁ ସମସ୍ତ କର୍ମକର୍ତ୍ତା ଓ ଛାତ୍ରଛାତ୍ରମାନଙ୍କୁ ଧନ୍ୟବାଦଦେଇ ପ୍ରଶଂସା କରିଥିଲେ।