11-Apr-2025

ଅମ୍ବାଭୋନା(ପ୍ରକାଶ ଚନ୍ଦ୍ର ରଥ )ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅଧିନସ୍ଥ ଭୁକ୍ତା ଗ୍ରାମପଞ୍ଚାୟତ ଅନ୍ତର୍ଗତ କଣ୍ଠିପାଲି ଗ୍ରାମରେ ଅଖଣ୍ଡ ୨୪ ପ୍ରହରୀ ନାମଯଜ୍ଞ ସମ୍ପନ୍ନ ହୋଇଯାଇଛି। ଏହା ସହିତ ୫୬ ବ୍ୟଞ୍ଜନ ଭୋଗ ଭଗବାନ ଙ୍କୁ ଲାଗି ହୋଇଛି। ଚଳିତ ମାସ ୭ ତାରିଖ ସୋମବାର ଦିନ ୧୧ ଟା ସମୟରେ ଏକ ଭବ୍ୟ କଳସ ଯାତ୍ରା ହୋଇଥିଲା। ପରେ ରାଧାକୃଷ୍ଣ ଙ୍କୁ ନୀତି କାନ୍ତି ରେ ଷୋଡଶ ଉପଚାର ପୂଜା କରିବା ସହିତ ଅଖଣ୍ଡ ନାମ ଗାୟନ କରାଯାଇଥିଲା। ଗ୍ରାମର ସମସ୍ତ ଆବାଳ ବୃଦ୍ଧ ବନିତା ତଥା ପଡୋଶୀ ଗ୍ରାମ ଲୁଦୁପାଲି ରୁ ମଧ୍ୟ ଅନେକ ଶ୍ରଦ୍ଧାଳୁ ଆସି ପୂଜାର୍ଚ୍ଚନା କରିଥିଲେ। ଚଳିତ ମାସ ୭ ତାରିଖ ସୋମବାର ରୁ ନାମାରମ୍ଭ ହୋଇ ଚଳିତ ମାସ ୧୦ ତାରିଖ ଗୁରୁବାର ଦିନ ନାମ ସମାପନ ହୋଇଥିଲା।ବିଷ୍ଣୁ ସହସ୍ର ନାମ ପାଠ ଓ ଘୃତାହୁତି କରିବା ସଙ୍ଗେ ପୂର୍ଣ୍ଣାହୁତୀ କରାଯାଇଥିଲା।

ଅଖଣ୍ଡ ନାମ ଗାୟନ ପାଇଁ ଲୁଦୁପାଲି, ଅମ୍ବାଭୋନା, ସତୀଦରହା, କପାଶିରା, କୁଠାରପାଲି, ବୁଢୀପାଲି, ଡୁଙ୍ଗିପାଲି, ଖଇରପାଲି ଆଦି ଗ୍ରାମରୁ ସଂକୀର୍ତ୍ତନ୍ୟ ଦଳ ଆସିଥିଲେ। ଏବଂ ବରପାଲି ନିକଟସ୍ଥ ମହୁଲପାଲି ସଂକୀର୍ତ୍ତନ୍ୟ ମଣ୍ଡଳୀ ଓ ସାହାଜବାହାଲ ସଂକୀର୍ତ୍ତନ୍ୟ ମଣ୍ଡଳୀ ଭିତରେ ବୈଠକୀ ହୋଇଥିଲା।ଏହି ଅଖଣ୍ଡ ନାମଯଜ୍ଞ ରେ ଗ୍ରାମବାସୀ ଙ୍କ ତରଫରୁ ଗ୍ରାମର ଗୌନ୍ତିଆ ମିତ୍ରଭାନୁ ପଧାନ ଓ ତାଙ୍କର ସହଧର୍ମିଣୀ ମୁଖ୍ୟ କର୍ତ୍ତା ର ଦାୟିତ୍ତ୍ୱ ତୁଳାଇ ଥିବା ବେଳେ ଷଡ଼ ବୈଷ୍ଣବ ରେ ସୁବଳ ପାତ୍ର,ଦିଲ୍ଲୀପ ପାତ୍ର,ପ୍ରଦୀପ ପଧାନ,ଶତ୍ରୁଘ୍ନ ସା, ଶଙ୍କର ପୋଡ଼ ଓ ମିନକେତନ ପଧାନ ସପତ୍ନୀକ ଭାବେ ପୂଜାର୍ଚ୍ଚନା ରେ ଯୋଗ ଦେଇଥିଲେ। ମୁଖ୍ୟ ପଣ୍ଡିତ ଶ୍ରୀ ଷଡ଼ାନନ ରଥ ରହିଥିବା ବେଳେ ସହଯୋଗୀ ପଣ୍ଡିତ ପ୍ରକାଶ ଚନ୍ଦ୍ର ରଥ ପୂଜା ଦାୟିତ୍ତ୍ୱ ତୁଳାଇଥିଲେ। ପ୍ରତ୍ୟେକ ଦିନ ପ୍ରହର ଭୋଗ ଲାଗିବା ସହିତ, ଷୋଡଶ ଉପଚାର ପୂଜା, ବିଷ୍ଣୁ ସହସ୍ର ନାମ ହୋମ ଆହୁତି କରାଯାଇଥିଲା ଏବଂ ସନ୍ଧ୍ୟା ସମୟ ରେ ସନ୍ଧ୍ୟା ଆଳତୀ କରାଯାଇଥିଲା। ପୂର୍ଣ୍ଣାହୁତୀ ପୂର୍ବରୁ ଭଗବାନ ଙ୍କୁ ୫୬ ଭୋଗ ପ୍ରସ୍ତୁତି କରି ମା ଅନ୍ନପୂର୍ଣ୍ଣା ଦେବୀ ଙ୍କୁ ପୂଜାର୍ଚ୍ଚନା କରି ଭଗବାନ ଙ୍କ ପାଖରେ ଭୋଗ ଲଗା ଯାଇଥିଲା। ଶେଷରେ ସମସ୍ତ ଶ୍ରଦ୍ଧାଳୁ ଭକ୍ତ ମାନଙ୍କ ପାଇଁ ଅନ୍ନ ପ୍ରସାଦ ର ବ୍ୟବସ୍ଥା କରାଯାଇଥିଲା।ଗ୍ରାମର ଜିବର୍ଦ୍ଧନ ପାତ୍ର,ଅନାଦି ପଧାନ,ମନବୋଧ ପଧାନ, ମାଧବ ପାଣ୍ଡେ, ଉମେଶ ପଧାନ,ଭିଖାରି ବଗର୍ତ୍ତି ଙ୍କ ସମେତ ସମସ୍ତ ଯୁବ ଗୋଷ୍ଠୀ ସହଯୋଗ କରିଥିଲେ।