10-Apr-2025

ବଲାଙ୍ଗୀର (ପ୍ରେରଣା ଖବର): ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଉପରବାହାଲ ଅଞ୍ଚଳରେ ଜଣେ ଅଜଣା ବୃଦ୍ଧା ଅସହାୟ ହୋଇ ଭିକ୍ଷାବୃତ୍ତି କରି ପେଟ ପୋଷୁ ଥିଲେ। କିନ୍ତୁ ଗତ କିଛି ଦିନ ହେଲା ସେ ଖାଇବାକୁ ନ ପାଇଁ ଉପରବାହାଲ ଗ୍ରାମର ଏକ ପଡିଆର ନିଛାଟିଆ ଜାଗାରେ  ମୃତ୍ୟୁବରଣ କରିଥିଲେ  ଦୁଇ ଦିନ ପରେ ସେହି ଗ୍ରାମର କିଛି ବ୍ୟକ୍ତି ଅଜଣା ବ୍ୟକ୍ତି ମୃତୁବରଣ ହେଇଥିବା ଦେଖି ସ୍ଥାନୀୟ ଆଗଲପୁର ଥାନାକୁ ଖବର ଦେଇଥିଲେ। ସଙ୍ଗେ ସଙ୍ଗେ ଆଗଲପୁର ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଘଟଣା ସମ୍ପର୍କରେ ସ୍ଥାନୀୟ ଲୋକଙ୍କୁ ପଚାରି ବୁଝାବୁଝି କରିବା ପରେ ସ୍ଥାନୀୟ ଲୋକ ଅଜଣା ବ୍ୟକ୍ତି ଜଣକ  ଭିକ୍ଷାବୃତ୍ତି କରି ପେଟ ପୋଷଣ କରି ଚଲୁଥିଲେ ଓ ସେ କିଛି ଦିନ ହେଲା ନ ଖାଇ ନ ପିଇ ଅନାହାରରେ ମୃତ୍ୟୁବରଣ କରିଥିବା ସ୍ଥାନୀୟ ଲୋକ ମାନେ ପୋଲିସକୁ ଜଣେଇ ଥିଲେ। ଆଗଲପୁର ଥାନା ଅଧିକାରୀଙ୍କ ଉପସ୍ଥିତିରେ ଥାନା କର୍ମଚାରୀ ଏବଂ ଆଗଲପୁର ଅଗ୍ନିଶମ ବାହିନୀ ଉକ୍ତ ଅଜଣା ବ୍ଯକ୍ତିଙ୍କ ଶବକୁ ଉଦ୍ଧାର କରି ଭୀମ ଭୋଇ ହସ୍ପିଟାଲକୁ ନେଇ ଥିଲେ | ଆଗଲପୁର ଥାନା ଅଧିକାରୀ ବାସୁଦେବ ଭୋଇ ବଲାଙ୍ଗୀର ସ୍ବେଛାସେବୀ ସଂଗଠନକୁ ଯୋଗାଯୋଗ କରି ଘଟଣା ସମ୍ପର୍କରେ ଅବଗତ କରିଥିଲେ ଏବଂ ଶବଦାହ କରିବା ପାଇଁ ଅନୁରୋଧ କରିଥିଲେ।
ଔପଚାରିତା ଦୃଷ୍ଟିରୁ ପୋଲିସ ପକ୍ଷରୁ ଶବକୁ ବ୍ୟବଚ୍ଛେଦ ପରେ ୭୨ ଘଣ୍ଟା ପର୍ଯ୍ୟନ୍ତ ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲ ସ୍ଥିତ ଶବ ସଂରକ୍ଷଣ କେନ୍ଦ୍ରରେ ରଖା ଯାଇଥିଲା । ଆଗଲପୁର ଥାନା ଅଧିକାରୀ ଶ୍ରୀ ଭୋଇ ଙ୍କ ତତ୍ଵାବଧାନରେ ଆଜି  ବଲାଙ୍ଗୀର ସ୍ବେଛାସେବୀ ସଂଗଠନ ସସମ୍ମାନରେ ଶବକୁ ଶବ ବ୍ୟବଚ୍ଛଦ ଗୃହରୁ ଆଣି ବାଲାଙ୍ଗୀର ସ୍ଥିତ ବିଭୁତିପଡା ସ୍ମଶାନ ଘାଟର ଶବଦାହ କରାଗଲା। ବଲାଙ୍ଗିର ସ୍ବେଚ୍ଛାସେବୀ ସଂଗଠନର ସଦସ୍ୟ ରବୀନ୍ଦ୍ର ପ୍ରଧାନ , ଗୋବିନ୍ଦ ଚନ୍ଦ୍ର ଶତପଥୀ, ଲିଙ୍କନ ସେଠ, ଉତ୍ତମ୍ ନନ୍ଦ, ତନ୍ମୟ ପୁଟେଲ, ସରୋଜ ଜାଲ, ସାଗର ଚନ୍ଦନ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।