09-Apr-2025

ଅତାବିରା(ଆକାଶ ମିଶ୍ର): ଅତାବିରା ଥାନା ଚକୁଳି ଫାର୍ମ କୋଶଳ ସ୍କୁଲ ନିକଟରେ ଥିବା ନୂଆଁ ଖଇରପାଲି କେନାଲ କଡ଼ରେ ରହିଛି କେ.ସାବିତ୍ରୀଙ୍କ ଘର। ସେ ଗୋଟିଏ ମାସ ହେବ କର୍ଣ୍ଣାଟକ ଜିନ୍ଦଲ ରେ କାମ କରୁଥିବା ପୁଅ କେ.ସତିଶ କୁମାର ସହ ରହୁଥିଲେ।ଇତି ମଧ୍ୟରେ ଘର ସମ୍ମୁଖରେ ରହୁଥିବା କେ.ସାବିତ୍ରୀଙ୍କ ମାଁ ଲକ୍ଷ୍ମୀ ଓ ବଡ ଭଉଣୀଙ୍କୁ ଘର ଦେଖାଦେଖି କରିବା ପାଇଁ କହି ପୁଅ ସହ ଯାଇଥିଲେ ଏବଂ

ସାବିତ୍ରୀଙ୍କ ବଡଭଉଣୀ ଙ୍କ ସ୍ବାମୀ ଘର ଦେଖରେଖ ସହ ଘର ଜଗୁଥିଲେ।ହେଲେ କୌଣସି କାରଣବଶତଃ ତାଙ୍କ ଶରୀର ଅସୁସ୍ଥ ଥିବାରୁ ସାବିତ୍ରୀ ଘରେ ନରହି ସମ୍ବୁଖରେ ଥିବା ନିଜ ଘରେ ପାଞ୍ଚ ଦିନ ହେବ ଶୋଉଥିଲେ।ଦୃର୍ବୁତ୍ତ ମାନେ ଏହି ସୁଯୋଗ ନେଇ କଳାକନା ବୁଲାଇ ଚମ୍ପଟ ମାରିଥିଲେ।ସାବିତ୍ରୀ ଘରେ ପ୍ରତ୍ୟହ କାର୍ଯ୍ୟରତ ଥିବା ଜଯୁଆ ନାମକ ଏକ ଯୁବକ ସାବିତ୍ରୀ ଙ୍କ ମାଁ ଘରୁ ଚାବିକାଠି ନେଇ ଆଜି ସକାଳ ୬ଟା ରେ ଗେଟ ଖୋଲି ସଫାସୁତୁରା କରିବା ପାଇଁ ଯାଇଥିବା ବେଳେ  ଭିତର ଗେଟ ର ତାଲା ଭାଙ୍ଗି ତଳେ ପଡିଥିବା ଦେଖି ସାବିତ୍ରୀଙ୍କ ସମ୍ବୁଖରେ ଥିବା ମାଁ ସହ ଆଖପାଖ ବନ୍ଧୁ ପରିଜନ ଙ୍କୁ ଖବର ଦେବା ମାତ୍ରେ ସାବିତ୍ରୀଙ୍କ ପୁତୁରା ଭି.ଶେଖର ଥାନାକୁ ଖବର ଜଣାଇ ଥିଲେ।ଖବର ପାଇ ଘଟଣା ସ୍ଥଳରେ ପହଞ୍ଚି ପ୍ରାରମ୍ଭିକ ତଦନ୍ତ ସହ ସମ୍ବଲପୁର ସାଇଣ୍ଟିଫିକ୍ ଟିମ୍ ଅଧିକାରୀ ବିଜୟ ଲକ୍ଷ୍ମୀ ତିର୍କି ଅନୁସନ୍ଦାନୀ କୁକୁର ସହ ଦଳବଳ ପହଞ୍ଚି ଅଧିକରୁ ଅଧିକ ତଦନ୍ତ କରିବା ସମୟରେ

ଭିତରେ ରହିଥିବା ଦୁଇଟି କୋଠରୀ ର ଗେଟ ତାଲା ଭାଙ୍ଗିବା ସହ ଆଲମୀରା ଓ ଲକର ର ତାଲା ଭାଙ୍ଗିବା ସହ ଆସବାବ ପତ୍ର ଏପଟ ସେପଟ ଫିଙ୍ଗି ଦେଇ ମୂଲ୍ୟବାନ ଜିନିଷ ପତ୍ର ନେଇ ଫେରାର ମାରିଥିବା ଅନୁମାନ କରାଯାଉଛି।ଯାହା ଖବର ପାଇ କେ ସାବିତ୍ରୀ ପୁଅ ଙ୍କ ସହ ଆସି ଦେଖିବା ମାତ୍ରେ ଚୋରି ହୋଇଥିବା ସମ୍ପୂର୍ଣ ଆକଳନ ଜଣା ପଡ଼ିବ ବୋଲି ପୋଲିସ ସୂତ୍ରରୁ ପ୍ରକାଶ ପାଇଛି। ତେବେ ଅଞ୍ଚଳରେ ଜୁଆ, ସଟା, ଖେଳ ସହ  ମଦ, କୁସୁନା ଆଦି ନିଶାସକ୍ତ ଦ୍ରବ୍ୟ ର ପଦୂର୍ଭାବ ଅଞ୍ଚଳରେ ବଢ଼ି ଚାଲି ଥିବାରୁ ଏମିତି ଚୋରି ଡକାୟତି ଆଦି ଅସାମାଜିକ କାର୍ଯ୍ୟକଳାପ  ବଢ଼ି ଚାଲିଛି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ।ଚୋରି ପରେ  ଚୋରି ଘଟଣା  ବଢ଼ି ଚାଲିଥିଲେ ମଧ୍ୟ ଚୋର ମାନେ ଖୋଲାଖୋଲି ଭାବେ ଘୁରିବୁଲୁଛନ୍ତି ।