08-Apr-2025

ଭବାନୀପାଟଣା(ଜଗନ୍ନାଥ ନାଏକ) : କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ କାନକୁଟରୁ ପଞ୍ଚାୟତ ର ବିଭିନ୍ନ ସ୍କୁଲରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି. କାନକୁଟରୁ ସରକାରୀ ଉଚ୍ଚ ବିଦ୍ୟାଳୟ ରେ ପ୍ରଧାନ ଶିକ୍ଷକ ପ୍ରମୋଦ କୁମାର ଦାସ ଙ୍କ  ସଭାପତିତ୍ବରେ  ବାର୍ଷିକ ଉତ୍ସବ ଅନୁଷିତ ହୋଇଥିବାବେଳେ  ପ୍ରଥମେ ଅତିଥି ମାନଙ୍କ ଦ୍ଵାରା ଗଣପତି ଗଜାନନ ଶ୍ରୀଗଣେଶ ଙ୍କ ଫଟୋ ଚିତ୍ରରେ ପୂଜାର୍ଚ୍ଚନା କରି ଶୁଭାରମ୍ଭ କରାଯାଇ ଅତିଥି ମାନଙ୍କୁ ମଞ୍ଚରେ ଉପବେଶନ କରାଯାଇଥିଲା।ପରେ ସମସ୍ତ ଅତିଥି ମାନଙ୍କୁ ପୁଷ୍ପ ଗୁଛ ଉପଢୌକନ ଦେଇ ସମ୍ମାନୀତ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଲାଞ୍ଜିଗଡ଼ କାନକୁଟୁରୁ ସରପଞ୍ଚ ବନମାଳୀ ମାଝୀ ମୁଖ୍ୟ ଅତିଥିଭାବେ ଯୋଗ ଦେଇ ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରିଥିବାବେଳେ ବରିଷ୍ଟ ସାମ୍ବାଦିକ କୈଳାସ ସାହୁ ମୁଖ୍ୟବକ୍ତା ଯୋଗଦେଇଥିଲେ. ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶୁଡ଼ଳ ଦେବ ମୁଣ୍ଡ, ସଂଯୁକ୍ତା ବିଭାର ,ଗୁଣନିଧି ଭୋଇ, ମଧୁସୂଦନ ମାଝୀ ପ୍ରମୁଖ ସମ୍ମାନିତ ଅତିଥିଭାବେ ଯୋଗଦେଇ ଥିବା ବେଳେବୈଶାଖୁ ନାଏକ ବାର୍ଷିକ ବିବରଣୀ ପଠନ କରିଥିଲେ. ପ୍ରଧାନ ଶିକ୍ଷକ ପ୍ରମୋଦ ଦାସ ଅତିଥି ପରିଚୟ ପ୍ରଧାନ କରିଥିବାବେଳେ ଶିବ ପ୍ରସାଦ ବେହେରା, ଦିଲେଶ୍ଵର ରାଓ,ଡି ପ୍ରେମ କୁମାର,ଗୁଣନିଧି ମାଝୀ,ରାଜେଶ ଧମୁଡିଆ, ନିବେଦିତା ସାହୁ ପ୍ରମୁଖ ସହଯୋଗ କରିଥିଲେ ଅଭିଜିତ ମିଶ୍ର ଧନ୍ୟବାଦ ଅର୍ପଣ କରିଥିଲେ. ସେହିପରି ପାଇକବୋରି ପ୍ରାଥମିକ ବିଦ୍ୟାଳୟ ରେ ପ୍ରଧାନ ଶିକ୍ଷକ ନରେନ୍ଦ୍ର ନାଏକ ଙ୍କ ନେତୃତ୍ୱରେ ବାର୍ଷିକ ଉତ୍ସବ ମହାଆଡମ୍ବର ସହ ପାଳନ କରାଯାଇଥିଲା ସେହିପରି କାଳେଶ୍ଵର -୧, ଜାନବାହାଳୀ, କେନ୍ଦୁଗୁଡା, ସ୍କୁଲରେ ମଧ୍ୟ ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି