06-Apr-2025

ବଲାଙ୍ଗିର(ପ୍ରେରଣା ଖବର): ସାପ୍ତାହିକ ସମ୍ବାଦପତ୍ର 'ପ୍ରେରଣା' ର ୨୦ତମ ସ୍ଵନକ୍ଷତ୍ର ଦିବସ ସ୍ଥାନୀୟ ଗାନ୍ଧୀ ଭବନ ଠାରେ ପାଳିତ ହୋଇଯାଇଛି। ପ୍ରଥମ ଅଧିବେଶନରେ ଏକ ବହୁଭାଷୀ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା l କବି ମାନଙ୍କର ସ୍ବରଚିତ କବିତା ପାଠ ଅନୁଷ୍ଠିତ ହୋଇଥିଲା।କବିତା ଆସରକୁ ରତ୍ନମୟ ତ୍ରିପାଠୀ ଏବଂ ଚୁମକି ଦାସ ସଂଯୋଜନା କରିଥିଲେ।ସଭାପତିତ୍ବ କରିଥିଲେ ଗାଳ୍ପିକ ମଳୟ ମିଶ୍ର l  ସଭା ପ୍ରାରମ୍ଭରେ ମୁଖ୍ୟ ଅତିଥିଙ୍କ ଦ୍ଵାରା ଶ୍ରୀରାମଙ୍କ ଫଟୋଚିତ୍ରରେ ପ୍ରଦୀପ ପ୍ରଜ୍ବଳନ ଏବଂ ପୁଷ୍ପ ମାଲ୍ୟାର୍ପଣ କରାଯାଇଥିଲା। ଅବସର ପ୍ରାପ୍ତ ଶିକ୍ଷକ ମନୋରଞ୍ଜନ ସାହୁ ପ୍ରାରମ୍ଭିକ ସୂଚନା ଏବଂ ଅତିଥି ପରିଚୟ ପ୍ରଦାନ କରିଥିଲେ। 'ପ୍ରେରଣା' ର ସମ୍ପାଦକ ରଘୁ ନନ୍ଦନ ସିଂହ ସଂପାଦକୀୟ ବିବରଣୀ ପାଠ କରିଥିଲେ।ସମ୍ୱର୍ଦ୍ଧନା ପର୍ବରେ ଅନେକ ବ୍ୟକ୍ତିତ୍ଵଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଅନ୍ୟ ମାନଙ୍କ ମଧ୍ୟରେ ସାମ୍ବାଦିକ ଅଞ୍ଜନ ପ୍ରଧାନ, ସାହିତ୍ୟିକ ଡ. ସଞ୍ଜୟ ମିଶ୍ର, ବୌଦ୍ଧ ର ବଂଶଧର କର୍ମୀ ମଡେଲ ସୀମରନ୍  ସାହୁ,ସରପଞ୍ଚ ଲଷ୍ମୀ ପ୍ରଧାନ ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଥିଲା l ଏହି ଅବସରରେ ଏକ ସ୍ମରଣିକା ଉନ୍ମୋଚନ ହୋଇଥିଲା।ଏହି ଉପଲକ୍ଷେ ସ୍କୁଲ ଏବଂ କଲେଜ୍ ଛାତ୍ରଛାତ୍ରୀ ଙ୍କୁ ନେଇ ପୂର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା। ସ୍ଵନକ୍ଷତ୍ର ଦିବସର ମୁଖ୍ୟ ଅତିଥି ଭାବରେ ରାଜ୍ୟସଭା ସାଂସଦ ଶ୍ରୀଯୁକ୍ତ ନିରଞ୍ଜନ ବିଶି, ସମ୍ମାନିତ ଅତିଥି ଭାବେ ବଲାଙ୍ଗିର ବିଧାୟକ ଶ୍ରୀଯୁକ୍ତ କଳିକେଶ ନାରାୟଣ ସିଂହଦେଓ,ବଲାଙ୍ଗିର ପୌର ପରିଷଦ ଅଧ୍ୟକ୍ଷା ଶ୍ରୀମତୀ ଲୀକା ସାହୁ,ସ୍ତମ୍ଭକାର ଶ୍ରୀଯୁକ୍ତ ଦୈତାରି ମହାପାତ୍ର,ମୁଖ୍ୟବକ୍ତା ଭାବେ  ମୃଣାଳ ଚାଟାର୍ଜୀ ଆଞ୍ଚଳିକ ନିର୍ଦ୍ଦେଶକ ଆଇଆଇଏମ୍ଏସ, ଢେଙ୍କାନାଳ ଯୋଗଦେଇ ସାହିତ୍ୟର ବିଭିନ୍ନ ଦିଗ ଉପରେ ତାଙ୍କର ବକ୍ତବ୍ୟ ଉପସ୍ଥାପନ କରିଥିଲେ।ସଭାକୁ ପ୍ରତିଶ୍ରୁତି ନାଏକ ସଞ୍ଚାଳନ କରିଥିଲେ।ଶେଷରେ ଉପସ୍ଥିତ ସମସ୍ତଙ୍କୁ କବି ସନ୍ଦୀପ କୁମାର କୁଅଁର ଧନ୍ୟବାଦ୍ ଦେଇଥିଲେ।