06-Apr-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଏନଏସି ଅଧିନସ୍ତ ୧୦ନଂ ୱାର୍ଡ ଉରଲେ ହରିଜନ ପଡ଼ା ରେ ଆଜି ମଧ୍ୟାହ୍ନରେ ଅଗ୍ନିକାଣ୍ଡ ଘଟି ଗୋଟିଏ ଘର ଭସ୍ମୀଭୂତ ହେବା ସହିତ ନିଆଁ ଦାଉରୁ ୬ଜଣ ଅଳ୍ପକେ ବର୍ତ୍ତି ଯାଇଛନ୍ତି।ମିଳିଥିବା ସୂଚନା ଅନୁସାରେ ମୁକ୍ତା ସୁନା ଘରେ ରୋଷେଇ କରୁଥିବା ବେଳେ କୌଣସି କାରଣରୁ ତାଙ୍କ ଚାଲ ଘରେ ନିଆଁ ଲାଗି ଯାଇଥିଲା।ଖବର ପାଇ ବିନିକା ଅଗ୍ନିଶମ ବିଭାଗ କର୍ମଚାରୀ ଘଟଣା ସ୍ଥଳକୁ ପହଞ୍ଚି ନିଆଁକୁ ଆୟତ୍ତ କରିଥିଲେ।ନିଆଁରେ ଗୋଟିଏ ଘର ସଂପୂର୍ଣ୍ଣ ପୋଡି ଯାଇଥିବା ବେଳେ ଘରେ ଥିବା ଚାଉଳ,କାଗଜ ପତ୍ର,ଆସବାବ ପତ୍ର ପୋଡି ପାଉଁଶ ହୋଇଯାଇଛି ।ତେବେ ଘରେ ଥିବା ପରିବାରର ୬ଜଣ ନିଆଁ ଦାଉରୁ ବର୍ତ୍ତି ଯାଇଛନ୍ତି।ଫଳରେ ସମୂର୍ଣ୍ଣ ପରିବାର ଏବେ ବେସାହାରା ହୋଇ ଅନ୍ୟତ୍ର ବସବାସ କରୁଥିବାରୁ ତୁରନ୍ତ ସରକାରୀ ସାହାଯ୍ୟ ଯୋଗାଇଦେବାକୁ ଦାବୀ ହେଉଛି ।