06-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ଆଜି ବରଗଡ଼ ଜିଲ୍ଲା ସରସ୍ୱତୀ ଶିଶୁ ବିଦ୍ୟା ମନ୍ଦିର, ବିଜେପୁର ଠାରେ ଶ୍ରୀରାମ ନବମୀ  ଉତ୍ସବ ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଗୋକୁଳ ଚନ୍ଦ୍ର ଷଡ଼ଙ୍ଗୀଙ୍କ ଅଧ୍ୟକ୍ଷତାରେ ମହା ସମାରୋହରେ ପାଳନ ହୋଇଛି l ଉକ୍ତ କାର୍ଯ୍ୟକ୍ରମରେ   ପଥର୍ଲା ସରକାରୀ  ଉଚ୍ଚ ବିଦ୍ୟାଳୟର ସଂସ୍କୃତ  ଶିକ୍ଷିକା ଶ୍ରୀମତୀ  ଦିବ୍ୟାସିନୀ  ପଧାନ ମୁଖ୍ୟ ଅତିଥି ଭାବରେ  ଯୋଗଦାନ ପୂର୍ବକ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ରଙ୍କ ବିଶେଷତ୍ବ ତଥା ସମାଜ ଉପଯୋଗୀ ବାର୍ତ୍ତା ବିଷୟରେ ଆଲୋକପାତ କରିଥିଲେ ।ବରିଷ୍ଠ ଆଚାର୍ଯ୍ୟ ଘନଶ୍ୟାମ ମେହେର ଅତିଥି ପରିଚୟ କରିଥିଲେ ।ଭଗବାନ ରାମଚନ୍ଦ୍ର,ଭ୍ରାତା ଲକ୍ଷ୍ମଣ , ମାତାସୀତା, ତଥା ବୀର ହନୁମାନଙ୍କ ବେଶରେ ଆସିଥିବା ଭାଇ ଭଉଣୀ ମାନଙ୍କ ଦ୍ଵାରା ପରିବେଶଟି ବେଶ ମନୋରମ ହୋଇଥିଲା। ନଗର ପରିକ୍ରମା ସମୟରେ ନଗରବାସୀ ଉଲ୍ଲସିତ ହୋଇ ସ୍ବାଗତ ପୂର୍ବକ ପୂଜାର୍ଚ୍ଚନା କରିଥିଲେ । ପରିଶେଷରେ ବିଦ୍ୟାଳୟର ସହ ପ୍ରଧାନ ଆଚାର୍ଯ୍ୟ ସଦାନନ୍ଦ ପଧାନ ଧନ୍ୟବାଦ ଅର୍ପଣ କରିଥିଲେ।