06-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ସହର ସ୍ଥିତ ମାଁ ସମଲେଶ୍ଵରୀଙ୍କ ପୀଠରେ ବାସନ୍ତିକ ଚୈତ୍ର ମହୋତ୍ସବ ମହା ସମାରୋହରେ ପାଳିତ ହୋଇଯାଇଛି।ଗତ ତା୨୯.୦୩.୨୦୨୫ ରିଖ ସହରର ମାଁ ମାଉସୀଙ୍କୁ ନେଇ ଅନୁଷ୍ଠିତ ହୋଇ ଦାମୋଦର କଁଟା ଠାରୁ ପୂର୍ଣ୍ଣି ଜଳ କଳସ ଆଣି ମାଁ ସମଲେଶ୍ଵରୀଙ୍କ ପୂଜା ମଣ୍ଡପରେ ସ୍ଥାପନ କରାଯାଇଥିଲା। ଦିର୍ଘ ନଅଦିନ ବ୍ୟାପି ଅନୁଷ୍ଠିତ ମାଁ ଙ୍କ ଶୈଳପୁତ୍ରୀ ବେଶ ଠାରୁ ଆରମ୍ଭ କରି ସିଦ୍ଧିଦାତ୍ରୀ ବେଶ ପର୍ଯ୍ୟନ୍ତ ବିଭିନ୍ନ ଦିନ ମାନଙ୍କରେ ଲବ ମେହେର ତାଙ୍କ ଧର୍ମପତ୍ନୀ ଗିତାଞ୍ଜଳୀ ମେହେର,ବିଜୟ ରଞ୍ଜନ ମେହେର ତାଙ୍କ ଧର୍ମପତ୍ନୀ ରସ୍ମିତା ମେହେର, ସାନନ୍ଦ ମହାପାତ୍ର ତାଙ୍କ ଧର୍ମପତ୍ନୀ ପ୍ରିୟଦର୍ଶିନୀ ମହାପାତ୍ର, ଦେବାଶିଷ ଭୁଏ ତାଙ୍କ ଧର୍ମପତ୍ନୀ ବିଣାପାଣୀ ଭୁଏ, ତୁଳସୀ ରାମ ଭୋଇ ଏବଂ ତାଙ୍କ ଧର୍ମପତ୍ନୀ ସୁକାନ୍ତୀ ଭୋଇ ଟିକେଶ୍ୱର ଭୋଇ ଏବଂ ତାଙ୍କ ଧର୍ମପତ୍ନୀ ଦେବକୀ ଭୋଇ କ୍ରମାନ୍ୱୟ ଭାବେ ପୂଜାର୍ଚ୍ଚନାରେ କର୍ତ୍ତା ଦାୟିତ୍ଵ ନିର୍ବାହ କରିଥିଲେ। ପ୍ରସିଦ୍ଧ ଚଣ୍ଡି ପାଠକ ଅବିନାଶ ମହାପାତ୍ରଙ୍କ ଚଣ୍ଡିପାଠରେ ଗଗନ ପବନ ପ୍ରକମ୍ପିତ ହୋଇ ଉଠିଥିଲା। ପୁସ୍ତକାଚାର୍ଯ୍ୟ ଯଶୋବନ୍ତ ମିଶ୍ର ଙ୍କ ବେଦମନ୍ତ୍ର ଉଚ୍ଚାରଣରେ ଭକ୍ତ ମାନେ ସାନିଧ୍ୟ ଲାଭ କରିଥିଲେ।ପପୁ ମହାପାତ୍ରଙ୍କ ଶଙ୍ଖନାଦରେ ପବିତ୍ରତା ଭାବାବେଗ ସୃଷ୍ଟି ହୋଇଥିଲା। ଏହିକ୍ରମରେ ନବ କୁମାରୀ ପୂଜନ ସହ ଚଣ୍ଡି ହବନ,ମହା ଆଳତି ପୁଷ୍ପାଞ୍ଜଳୀ ସହ ମାଁ ସିଦ୍ଧିଦାତ୍ରୀ ଙ୍କ ପୂଜନ ସହ ପୂର୍ଣ୍ଣାହୂତି କାର୍ଯ୍ୟକ୍ରମ ସମ୍ମାଦିତ ହୋଇ ଯାଇଛି। ମାଁ ଙ୍କ ସେବିକା ଭାବେ ଉମା,ନିର୍ମଳା, ବିଳାସିନୀ, ଅଞ୍ଜଳି,ମୀତା ପ୍ରମୁଖ ସମସ୍ତ ଦାୟିତ୍ଵ ନିର୍ବାହ କରୁଥିବାବେଳେ ଶ୍ରୀଯୁକ୍ତ ମନୋଜ ପଣ୍ଡା,ମୋହନ,ରାଧେ,ରଘୁ,ଭାଗବତ,ଗୁଣ ଗୈାର,ସାନନ୍ଦ, ପ୍ରହଲ୍ଲାଦ ଏବଂ ସର୍ଜନ ଚିର୍ଗୁନ ପ୍ରମୁଖଙ୍କ ଅକ୍ଲାନ୍ତ ସହଯୋଗରେ ସମସ୍ତ କାର୍ଯ୍ୟକ୍ରମ ସମାପନ ହୋଇଥିଲା। ଶେଷରେ ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।