05-Apr-2025

ଅମ୍ବାଭୋନା (ପ୍ରକାଶ ଚନ୍ଦ୍ର ରଥ )ବରଗଡ ଜିଲ୍ଲା ଅନ୍ତର୍ଗତ ଅମ୍ବାଭୋନା ଓ ଭଟଲି ବ୍ଲକ ର ପ୍ରସିଦ୍ଧ ମିଳନ ସ୍ଥଳୀ ମା ଘଣ୍ଟେଶ୍ୱରୀ ଙ୍କ ପୀଠ ରେ ମା ସମଲେଶ୍ୱରୀଙ୍କ ବିଗ୍ରହ ଓ ମନ୍ଦିର ପ୍ରତିଷ୍ଠା ଆରମ୍ଭ ହୋଇଯାଇଛି। ଅଟଳ ଚାରିଟେବଲ ଟ୍ରଷ୍ଟ ର ସଭାପତି ଶିବାଜୀ ପଟେଲ ଙ୍କ ନିର୍ଦେଶ କ୍ରମେ ପ୍ରକାଶପୁର ସ୍ଥିତ ପେଟ୍ରୋଲ ପମ୍ପ ଠାରୁ ମା ଙ୍କ ପୀଠ ପର୍ଯ୍ୟନ୍ତ ମା ସମଲେଶ୍ୱରୀ ଙ୍କ ବିଗ୍ରହ ମୂର୍ତ୍ତି କୁ ଏକ ବିରାଟ ଶୋଭା ଯାତ୍ରା କରି ସ୍ୱାଗତ କରାଯାଇଥିଲା।ମା ସମଲେଶ୍ୱରୀ ଙ୍କ ମନ୍ଦୀର କୁ ଅତି ନିକଟରେ ସ୍ବର୍ଗଲାଭ କରିଥିବା ଅମ୍ବାଭୋନା ବ୍ଲକ ର ପୂର୍ବତନ ଅଧ୍ୟକ୍ଷ ସ୍ବର୍ଗତ ଫକୀର ମୋହନ ପଟେଲ ମା ଙ୍କ ମନ୍ଦୀର ନିର୍ମାଣ କରାଇଥିଲେ।ସ୍ବର୍ଗତ ପଟେଲ ଙ୍କ ପ୍ରଚେଷ୍ଟା ଓ ନିର୍ଦେଶ ରେ ଦୀର୍ଘ ଦିନରୁ ତାଙ୍କର ପୁଅ ଶ୍ରୀମାନ ଶିବାଜୀ ପଟେଲ ପ୍ରତିଷ୍ଠା ପାଇଁ ପ୍ରସ୍ତୁତି ଚଳାଇଥିଲେ ମାତ୍ର ଦୁର୍ଭାଗ୍ୟ ବଶତଃ ଶିବାଜୀ ପଟେଲ ଙ୍କ ପିତା ଙ୍କ ଗତ ଏପ୍ରିଲ 3 ତାରିଖ ରେ ଦେହାନ୍ତ ହେବାରୁ କଣ୍ଡପଳା ଗ୍ରାମର ରାଜେଶ ପଟେଲ ସପତ୍ନୀକ କର୍ତ୍ତା ଦାୟିତ୍ୱ ତୁଲାଇଥିଲେ।ଅଞ୍ଚଳ ର ଅପରାଜିତ ନେତା, ନିର୍ଭିକ ବ୍ୟକ୍ତିତ୍ତ୍ୱ ର ଅଧିକାରୀ ଜିରୋ ରୁ ହିରୋ ପୁଣ୍ୟାତ୍ମା ସ୍ବର୍ଗତ ଫକୀର ମୋହନ ପଟେଲ ଙ୍କ ଇଚ୍ଛା କୁ ସମ୍ମାନ ଦେଇ ପୂର୍ବରୁ ନିର୍ଦ୍ଧାରିତ ହୋଇଥିବା ତିଥିରେ ମା ଘଣ୍ଟେଶ୍ୱରୀ ପୂଜା କମିଟି ଏବଂ ଅଟଳ ଚାରିଟେବଲ ଟ୍ରଷ୍ଟ ର ସଦସ୍ୟ ମାନେ ଅଞ୍ଚଳ ର ସମସ୍ତ ଙ୍କ ସହଯୋଗ ରେ ମନ୍ଦୀର ପ୍ରତିଷ୍ଠା କାର୍ଯ୍ୟକ୍ରମ କୁ ସୁଚାରୁରୂପେ ଆଗେଇ ନେଉଛନ୍ତି।

ଏହି ପ୍ରତିଷ୍ଠା ଚୈତ୍ର ମାସ ଶୁକ୍ଳ ପକ୍ଷ ଅଷ୍ଟମୀ ତିଥିରେ ଶନିବାର ଦିନ କଳସ ଅଧିବାସ,ରତ୍ନମୁଦ ସ୍ଥାପନ, ଅଙ୍କୁରା ରୋପଣ ପରେ ପୂଜା ଆରମ୍ଭ କରି ଯୁପ ରାଜା ଙ୍କ ପ୍ରବେଶ ହୋଇଥିଲା ଏବଂ ନବମୀ ତିଥି ରେ ଦେବୀଙ୍କ ଧାନ୍ୟାଭିଷେକ ପରେ ଦେବୀଙ୍କ ମହାସ୍ନାନ, ପ୍ରାଣ ପ୍ରତିଷ୍ଠା, ପାର୍ଶ୍ଵ ଦେବତା ପୂଜା, ହୋମ, ଶିଖର ସ୍ନାନ, ଧ୍ବଜାରୋହଣ ପରେ ଦେବୀ ଙ୍କ ବିଗ୍ରହ ପ୍ରବେଶ ଓ ପୂର୍ଣ୍ଣାହୁତୀ ହେବ ।ଏଥିରେ କଣ୍ଡପଳା ଗ୍ରାମର ରାଜେଶ ପଟେଲ ଓ ତାଙ୍କର ଧର୍ମ ପତ୍ନୀ ଗାୟିତ୍ରୀ ପଟେଲ କର୍ତ୍ତା ଦାୟିତ୍ୱ ତୁଲାଇଥିବା ବେଳେ, ପଣ୍ଡିତ ଶ୍ରୀ ଅଶୋକ ଦାଶ, ପଣ୍ଡିତ ଦିଲ୍ଲୀପ ଦାଶ, ପଣ୍ଡିତ ଗୌର ଚନ୍ଦ୍ର ପଣ୍ଡା ଓ ନିରଞ୍ଜନ ପୁଝାରୀ ପୂଜା ଦାୟିତ୍ୱ ତୁଲାଇଥିଲେ।ଅମ୍ବାଭୋନା ଓ ଭଟଲି  ବ୍ଲକ ର ବିଭିନ୍ନ ଗାଁ ମାନଙ୍କ ରୁ ସାହସ୍ରାଧିକ ମହିଳା କଳସ ଯାତ୍ରାରେ ସାମିଲ ହୋଇଥିଲେ। ହଜାର ସଂଖ୍ୟା ରେ ଶ୍ରଦ୍ଧାଳୁ ଙ୍କ ଭିଡ଼ ପରିଲକ୍ଷିତ ହୋଇଥିଲା। ସମସ୍ତ ଶ୍ରଦ୍ଧାଲୁ ମାନଙ୍କ ପାଇଁ ଅନ୍ନ ପ୍ରସାଦ ର ବ୍ୟବସ୍ଥା ହୋଇଥିଲା। ଘଣ୍ଟେଶ୍ୱରୀ ପୀଠ ର କମିଟି ଓ ଅଟଳ ଚାରିଟେବଲ ଟ୍ରଷ୍ଟ ର ସମସ୍ତ ସଦସ୍ୟ ପରିଚାଳନା କରିଥିଲେ।