18-Jan-2021

ବଲାଙ୍ଗିର, (ପ୍ରେରଣା ଖବର) - ଆଜି ଭୋର୍ ସାଢେ ପାଞ୍ଚଟା ସମୟରେ ବିଶିଷ୍ଠ ସମାଜସେବୀ ଲଲିତ ନାୟକଙ୍କ ଭୁବନେଶ୍ବର ଏମସ ହସ୍ପିଟାଲ ରେ ଚିକିତ୍ସାଧୀନ ଅବସ୍ଥା ରେ ପରଲୋକ ହୋଇଯାଇଛି l ଏଭଳି ଏକ ଦୁସମ୍ବାଦ ଶୁଣି ସତେ ଯେମିତି ସମସ୍ତେ ସ୍ତବ୍ଧ ହୋଇଯାଇଛନ୍ତି l 

    ଆଜି  ସନ୍ଧ୍ୟା ସାଢେ ପାଞ୍ଚ ଟା ସମୟରେ ସମାଜସେବୀ ତଥା ଶ୍ରମିକ ନେତା ଲଲିତ ନାୟକଙ୍କ ପାର୍ଥିବ ଶରୀର ପହଂଚିଥିଲା ବଲାଙ୍ଗିରରେ l ଶ୍ରୀ ନାୟକଙ୍କ ମର ଶରୀର ନିଜ ବାସଭବନ ରୁଗୁଡ଼ି ପଡା ରେ ପହଁଞ୍ଚିବା ବେଳେ ନିଜର ପ୍ରିୟ ନେତାଙ୍କ ଶେଷ ଦର୍ଶନ ପାଇଁ ସତାଧିକ ଲୋକ, ଲଲିତ ପ୍ରେମୀ ତଥା ମାନ୍ୟଗଣ୍ୟ ବ୍ୟକ୍ତିଙ୍କ ଙ୍କ ରୁଣ୍ଡ ହୋଇସାରିଥିଲା l

ଅସମ୍ଭାଲ ଭିଡ କୁ ନିୟନ୍ତ୍ରଣ କରିବା ପାଇଁ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯଇଥିଲା l ପ୍ରାୟ ସବୁ ରାଜନୈତିକ ଦଳର କର୍ମକର୍ତାମାନେ ଶେଷ ଦର୍ଶନରେ ସାମିଲ ହୋଇଥିଲେ lସତେ ଯେମିତି ସମସ୍ତେ ସ୍ତବ୍ଧ ଥିଲେ l ବିଶ୍ବାସ କରି ହେଉନଥିଲା ଯେ, ଏତେ ଶୀଘ୍ର ଲଲିତ ଦାଦା ଆମ ସମସ୍ତଙ୍କୁ ଶୋକସାଗରରେ ଛାଡି ଦେଇ ସବୁ ଦିନ ପାଇଁ ଆର ପାରିକୁ ଚାଲିଯିବେ l ସମସ୍ତଙ୍କ ଆଖିରେ ଲୁହ, ପାଟିରେ ଭାଷା ନାହିଁ l ଦଳିତ ଓ ଖଟିଖିଆ ଙ୍କ ସାଥୀ ତଥା ସମସ୍ତଙ୍କ ସୁଖ ଦୁଃଖ ରେ ସହଭାଗୀ ହେଉଥିବା ଜଣେ ଦରଦୀ ମଣିଷ ଥିଲେ ସ୍ଵର୍ଗତ ଲଲିତ ନାୟକ l ଶ୍ରୀ ନାୟକଙ୍କ ବିୟୋଗ ବଲାଙ୍ଗିର ପାଇଁ ଏକ ଅପୂରଣୀୟ କ୍ଷତି ଏବଂ ପଶ୍ଚିମ ଓଡିଶା ର ଅନେକ ଶ୍ରମିକ ସଂଗଠନ ଲଲିତ ନାୟକଙ୍କ  ପରଲୋକ ରେ ମୁରବୀ ହୀନ ହୋଇଗଲା l କୋଟିଏ ଲୋକଙ୍କ ଗୋଟିଏ ନାୟକ ଲଲିତ ନାୟକଙ୍କ ଶେଷ ଦର୍ଶନ ରେ ଏତେ ସଂଖ୍ୟାରେ ଲୋକଙ୍କ ଭିଡ ଅନ୍ୟ କୌଣସି ବ୍ଯକ୍ତି ଙ୍କ ପରଲୋକ ରେ ଦେଖl ଯାଇ ନଥିବା ଲୋକେ କୁହାକୁହି ହେଉଥିଲେ l