03-Apr-2025

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା କେନସର ପ୍ରବଣ ଜିଲ୍ଲା ରୂପେ ସମଗ୍ର ଭାରତବର୍ଷରେ ପରିଚିତ। ଏ ଅଞ୍ଚଳରେ କେନସର ପିଡୀତ ଓ ମୃତକଙ୍କ ସଂଖ୍ଯା ଯେଉଁ ମାତ୍ରାରେ ବ୍ରୁଦ୍ଧି ପାଉଛି ଆଗାମୀ ଦିନରେ ଲୋକ ଏ ଅଞ୍ଚଳ ବସବାସ କରିବା ପାଇଁ ଭୟ କରିବେ। ନିଜେ କେନସର ପିଡୀତ ହୋଇ ଅନ୍ୟ ପିଡୀତ ଙ୍କୁ ମାର୍ଗ ଦର୍ଶନ ଦେଉଥିବା ଓ ଆବଶ୍ଯକ ସ୍ଥଳେ ସମସ୍ତ ପ୍ରକାର ସହାୟତା ଦେଉଥିବା ଜଣେ କେନସର ପିଡୀତ ହେଲେ ବିଶ୍ବଜିତ ବାରିକ। ତାଙ୍କର ଆଜି ନିଧନ ହୋଇ ଯାଇଛି। ସ୍ବର୍ଗତ ବିଶ୍ବଜିତ ବାରିକ ଦୀର୍ଘ ବର୍ଷ ହେଲା କେନସର ସହିତ ଲଢେଇ କରି ଆସୁଥିଲେ। ତା ସତ୍ତ୍ବେ ମଧ୍ଯ ସେ କିଛି କେନସର ପିଡୀତ ଙ୍କ ସହିତ ମିଶି ଫାଇଟର୍ସ ଗୃପ ନାମକ ଏକ ସଂସ୍ଥା ର ପ୍ରତିଷ୍ଠା କରିଥିଲେ। ପୂର୍ବରୁ ସେ ଏହି ଫାଇଟର୍ସ ଗୃପ ର ଉପସଭାପତି ଓ ବର୍ତ୍ତମାନ ସାଧାରଣ ସଂପାଦକ ଭାବେ ଦାୟିତ୍ୱ ତୁଳାଇ ଲୋକଙ୍କ ସେବା କରି ଆସିଥିଲେ। ସ୍ବର୍ଗତ ବାରିକ ବିଭିନ୍ନ ସମୟରେ ବିଭିନ୍ନ ନିୟନ୍ତ୍ରିତ ବଜାର କମିଟି ର ସଂପାଦକ ରୂପେ କାର୍ଯ୍ୟ କରି ବହୁ ଲୋକପ୍ରିୟ ସରକାରୀ ଅଧିକାରୀ ରୂପେ ନିଜର ପରିଚୟ ପ୍ରତିଷ୍ଠା କରିଥିଲେ। କେନସର ପିଡୀତ ହୋଇ ମଧ୍ଯ ସେ ରୋଟାରୀ କ୍ଲବ ବରଗଡ ର ସଭାପତି ଦାୟିତ୍ୱକୁ ଖୁବ ଦକ୍ଷତାର ସହିତ ସଂପାଦନ କରି ପ୍ରଶଂସିତ ହୋଇଛନ୍ତି। ଏହା ବ୍ୟତୀତ ସେ ବହୁ ସ୍ବେଚ୍ଛାସେବୀ ସଂଗଠନ ସହିତ ସାମିଲ ହୋଇ ଲୋକ ସେବାରେ ନିଜକୁ ନିୟୋଜିତ କରି ଆସୁଥିଲେ। ଦୀର୍ଘ ବର୍ଷ ହେଲା ହାଇଦ୍ରାବାଦ ର ଏକ ଘରୋଇ ହସ୍ପିଟାଲ ରେ ନିଜର ଚିକିତ୍ସା କରି ଆସୁଥିଲେ। ଗତ ୧ ଅପ୍ରେଲ ଦିନ ଚିକିତ୍ସା ସମୟରେ ହୃଦଘାତ ହୋଇ ତାଙ୍କର ମ୍ରୁତ୍ୟୁ ଘଟିଛି। ତାଙ୍କର ମ୍ରୁତ୍ୟୁ ଖବର ପ୍ରସାରିତ ହେବା ପରେ ସମଗ୍ର ଅଞ୍ଚଳ ରେ ଶୋକର ଛାୟା ଖେଳି ଯାଇଛି। ସେ ତାଙ୍କର ପଛ ନିଜର ପତ୍ନୀ ପ୍ରତିଭା ବାରିକ ଓ ଦୁଇ ଝିଅ ଆକାଂକ୍ଷା ଓ ସମୀକ୍ଷା କୁ ଛାଡି ଯାଇଛନ୍ତି। ତାଙ୍କର ଦୁଇ ଝିଅ ତାଙ୍କର ଶବ ସଂସ୍କାର କରି ଏକ ନୂତନ ଉଦାହରଣ ସୃଷ୍ଟି କରିଛନ୍ତି। ତାଙ୍କର ମ୍ରୁତ୍ୟୁ ରେ କେନସର ସରଭାଇବର୍ସ ଫାଇଟର୍ସ ଗୃପ ଗଭୀର ଶୋକ ପ୍ରକାଶ କରିଛି।