02-Apr-2025

ବିନିକା(ହିମାଂଶୁ ଶେଖର ପୁଟେଲ) ସୂର୍ଯ୍ୟଦେବଙ୍କ ତେଜସ୍ଵୀ ରଶ୍ମିର କିରଣ ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇ ପଡିଥିବା ବେଳେ ବଣ ଜଙ୍ଗଲ ରେ ରହୁଥିବା ଜୀବଜନ୍ତୁ ମଧ୍ୟ ତାତିର ହାୱାକୁ ସହ୍ୟ କରି ନପାରି ବାହାରକୁ ଚାଲି ଆସୁଛନ୍ତି । ଯାହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ବିନିକା-ଏସ ରାମପୁର ମୁଖ୍ୟ ରାସ୍ତାରେ ।ଆଜି ସନ୍ଧ୍ୟା ପ୍ରାୟ ୮ଘଣ୍ଟା ସମୟରେ ପ୍ରାୟ ୧୦ଫୁଟର ଅଜଗର ସାପ ରାସ୍ତା ପାରି ହୋଇ ଯାଉଥିଲା ।କେତେକ ସାଇକଲ ଓ ମଟର ସାଇକଲ ଆରୋହୀ ଅଚାନକ ସାପ ଯାଉଥିବା ପାଖାପାଖି ହୋଇ ବର୍ତି ଯାଇଥିଲେ ।ଅଜଗର କୁ ଦେଖିବା ପାଇଁ ରାସ୍ତାର ଉଭୟ ପାର୍ଶ୍ବରେ କିଛି ସମୟ ଗାଡ଼ି ଗୁଡ଼ିକ ଅଟକି ରହିଥିଲା ।ରାସ୍ତାରେ ଯିବା ଆସିବା କରୁଥିବା ସାଧାରଣ ଲୋକ ଭୟଭୀତ ହୋଇ ପଡ଼ିଥିଲେ ।ସେହି ସମୟରେ ରାସ୍ତାରେ ଆସୁଥିବା ବୀରମହାରାଜପୁର ସାମ୍ବାଦିକ କିଶୋର ହୋତା ନିଜ ମୋବାଇଲ ରେ ଉକ୍ତ ସାପ ର ଭିଡିଓ ଉତ୍ତୋଳନ କରି ଫେସବୁକ୍ ରେ ଅପଲୋଡ କରିଛନ୍ତି ।ରାସ୍ତା ପାର୍ଶ୍ବରେ ବିରାଟ ଜଙ୍ଗଲ ଥିବାରୁ ବିଷଧର ସାପ ବ୍ୟତୀତ ଅନେକ ଜୀବଜନ୍ତୁ ମଧ୍ୟ ରାସ୍ତା ପାରି ହୋଇ ଯିବା ଆସିବା କରୁଥିବା ଲୋକ ମୁଖରୁ ଶୁଣିବାକୁ ମିଳୁଛି ।ଅନେକ ଲୋକ ଅଚାନକ ଏମାନଙ୍କ ଆକ୍ରମଣର ଶିକାର ହେଉଛନ୍ତି  ।ତେଣୁ ବଣ ବିଭାଗ କର୍ମଚାରୀ ଏଥିପ୍ରତି ଦୃଷ୍ଟି ଦେଇ ପଦକ୍ଷେପ ନେବାକୁ ବିଭିନ୍ନ ମହଲରେ ଦାବୀ ହେଉଛି ।