06-Mar-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ) ସୁବର୍ଣ୍ଣା ନାରୀ ଜାଗରଣ କେନ୍ଦ୍ର ଆହ୍ବାନରେ ସନ୍ଥ କବି ଭୀମଭୋଇଙ୍କ ମୂର୍ତ୍ତି ସୁବର୍ଣ୍ଣପୁରର ବ୍ଲକଛକରେ ପୁନଃସ୍ଥାପନ ଦାବିକରି ଏକ ଗଣଧାରଣା ଆଜି ବ୍ଲକଛକ ଠାରେ ଅନୁଷ୍ଠିତ ହୋଇଯାଇଛି I ଏହି ଗଣଧାରଣାରେ ସୁବର୍ଣ୍ଣା ନାରୀ ଜାଗରଣ କେନ୍ଦ୍ରର ସଭାନେତ୍ରୀ ପ୍ରାଧ୍ୟାପିକା ମୀନା ମହାରଣା, ସଂପାଦିକା ମଂଜୁଳା ମିଶ୍ର, ଉପ ସଭାନେତ୍ରୀ ଭଗବତୀ ରାୟଗୁରୁଙ୍କ ସମେତ ବହୁ ସଂଖ୍ୟକ ସଭ୍ୟା ତଥା ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ଯଥା କୋଶଳ ସାହିତ୍ୟ ସଂସ୍କୃତି ଏକାଡେମୀର ଶିକ୍ଷାବିଦ୍ ବ୍ରଜ ମୋହନ ଦାନୀ, ସନ୍ଥକବି ଚନ୍ଦ୍ରମଣି ଦାସ ଓ ଭୀମଭୋଇ ସ୍ମୃତି ଟ୍ରଷ୍ଟ ସଭାପତି ଗୋରେଖନାଥ ସାହୁ , ବୈଦିକ ବିଚାର ମଞ୍ଚ ସଭାପତି ପଙ୍କଜ କୁମାର ମେହେର, ଶ୍ରୀ ଯୋଗେଶ୍ବର ମନ୍ଦିର ଟ୍ରଷ୍ଟ ସଂପାଦକ ଦିଲ୍ଲୀପ କୁମାର ରଥ, ମହାନଦୀ ସାହିତ୍ୟ ସଂସଦ ସଭାପତି ଏଡଭୋକେଟ ଶ୍ୟାମା ଓଁ ପ୍ରସାଦ ମିଶ୍ର , ଏଡଭୋକେଟ ବଳଦେବ ବେଦବାକ , ପ୍ରଦୀପ କୁମାର ପୁରୋହିତ , ସତ୍ୟ ମହିମା ଧର୍ମ କର୍ମକର୍ତ୍ତା ଓ ଭକ୍ତ ଦୁର୍ଗା କଲତା, ରାମଗୋପାଳ ବାଘ, ସୁଧୀର କୁମାର ଜଗଦଲା, ପିତାମ୍ବର କୁମ୍ଭାର , ସମାଜସେବୀ ନାଟ୍ୟକାର ଗଦାଧର ବାରିକ, ବୈକୁଣ୍ଠ ଶତପଥି, ମନୋଜ ବାରିକ, ମାରଓ୍ବାଡି ମହିଳା ମଞ୍ଚ ତଥା ତପସ୍ପିନୀ ଅନୁଷ୍ଠାନର ଶ୍ରଦ୍ଧାଂଜଳୀ ମିଶ୍ର , ସୁନନ୍ଦା ସାହୁ, ପୂର୍ଣ୍ଣିମା ସା, ଗାୟତ୍ରୀ ପରିବାରର ଅମ୍ବିକା କଲତା ପ୍ରମୁଖ ଗଣଧାରଣାରେ ଯୋଗ ଦେଇଥିଲେ I ଏହି ଉପଲକ୍ଷେ ସୁବର୍ଣ୍ଣା ନାରୀ ଜାଗରଣ କେନ୍ଦ୍ର ତରଫରୁ ଏକ ଲିଖିତ ସ୍ମାରକ ପତ୍ର ସୁବର୍ଣ୍ଣପୁର ମ୍ୟୁନିସିପାଲଟି କାର୍ଯ୍ୟ ନିର୍ବାହୀ ଅଧିକାରୀଙ୍କୁ ପ୍ରଦାନ କରାଯାଇଥିଲା  ଯାହାର ଏକକିତା ନକଲ ସ୍ଥାନୀୟ ପୁଲିସ ଅଧିକାରୀ ଓ ଜିଲ୍ଲାପାଳଙ୍କୁ ପ୍ରଦାନ କରାଯାଇଛି  I ଖୁବ୍ ଶୀଘ୍ର ଭୀମଭୋଇଙ୍କ ମୂର୍ତ୍ତି ପୁନଃ ପ୍ରତିଷ୍ଠା କରାଯାଇ ଛକର ନାମ ଭୀମଭୋଇ ଛକ ରଖାଯିବାକୁ ସ୍ମାରକ ପତ୍ରରେ ଦାବି କରାଯାଇଛି I