06-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ବ୍ଲକ ଅନ୍ତର୍ଗତ ଗୋବିନ୍ଦପୁର ପଞ୍ଚାୟତ ଗାଁ କଲ୍ୟାଣ ସମିତି  ବଗେଇବିରା ଗ୍ରାମକୁ ସୁସ୍ଥ ଗ୍ରାମ ଗଠନରେ ଉଲ୍ଲେଖନୀୟ ଭୂମିକା ପାଇଁ ବରଗଡ଼ ବ୍ଲକର "ସୁସ୍ଥ ଗାଁ" ଭାବେ ପୁରସ୍କୃତ କରାଯାଇଛି ।ଏହି ଅବସରରେ  ସ୍ଥାନୀୟ ଅଙ୍ଗନୱାଡ଼ି କର୍ମୀ ସୌଦାମିନୀ ଭୁଏ, ଆଶା କର୍ମୀ ପ୍ରଭାସିନୀ ତାଣ୍ଡି,ୱାର୍ଡ ମେମ୍ବର ସନ୍ତୋଷିନୀ କୁଅଁର ଓ ଗ୍ରାମବାସୀଙ୍କ ମିଳିତ ଉଦ୍ୟମ ଓ ପ୍ରୟାସ ରେ ଏହି  ଗ୍ରାମ ସୁସ୍ଥ ଗ୍ରାମରେ ପରିଣତ ହୋଇ ପାରିଥିବା ବେଳେ ଜିଲ୍ଲା ପ୍ରଶାସନ ତରଫରୁ ଜିଲ୍ଲାପାଳଙ୍କ ଉପସ୍ଥିତିରେ ସିଡିଏମଓ ଡା.ନିରୁପମା ଷଡ଼ଙ୍ଗୀ ପୁରସ୍କୃତ କରିଛନ୍ତି । ତେବେ ସୁସ୍ଥ ଗ୍ରାମ ଭାବେ ପୁରସ୍କୃତ ହେବା ପରେ ସ୍ଥାନୀୟ ସରପଞ୍ଚ ପ୍ରଫୁଲ୍ଲ କୁମାର ନାଏକ ସମିତି ସଭ୍ୟ ଜ୍ଞାନ ରଞ୍ଜନ ବିଶ୍ଵାଳ ଙ୍କ ସମେତ ଗ୍ରାମର  ବଗେଇବିରା ଇଣ୍ଡିଆନ ମିଲିଟାରୀ ଏକାଡେମୀ ,ବୀର ବଜରଙ୍ଗ ବଲି ଯୁବା ସଂଗଠନ,ଆମ୍ବେଦକର ଯୁବା ସଂଘ ,ସ୍ଵାମୀ ବ୍ରହ୍ମାନନ୍ଦ କ୍ଲବ ,ରାଜୀବ କ୍ଲବ ପ୍ରମୁଖ ଅନେକ  ସଂଗଠନ ତରଫରୁ ଜିଲ୍ଲା ପ୍ରଶାସନ ତରଫରୁ ପୁରସ୍କୃତ ହୋଇଥିବା  ଅଙ୍ଗନୱାଡ଼ି କର୍ମୀ ଓ ଆଶାକର୍ମୀଙ୍କୁ  ମଙ୍ଗଳବାର ବଗେଇବିରା ଗ୍ରାମରେ ଭବ୍ୟ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ଗ୍ରାମବାସୀଙ୍କ ତରଫରୁ ସିଡିଏମଓ ବରଗଡ଼ ଡ଼ା.ନିରୁପମା ଷଡ଼ଙ୍ଗୀଙ୍କ ଠାରୁ ପୁରସ୍କାର ଗ୍ରହଣ କରିଥିବା ଆଶା କର୍ମୀ ଅଙ୍ଗନୱାଡି କର୍ମୀ ଓ ୱାର୍ଡ ମେମ୍ବର ଗ୍ରାମରେ  ଉପସ୍ଥିତ ରହି ଏହି ପୁରସ୍କାର ଗ୍ରାମବାସୀଙ୍କ ମିଳିତ ଉଦ୍ୟମ ଓ ପ୍ରୟାସର ଫଳ ବୋଲି ଉଲ୍ଲେଖ କରିବା ସହ ଆଗାମୀ ଦିନରେ ଗ୍ରାମବାସୀ ଆହୁରି ସଚେତନ ରହି  ଗ୍ରାମକୁ ସୁସ୍ଥ ଗ୍ରାମ ସହିତ କିପରି ସବୁଜ ଓ ସ୍ୱଚ୍ଛ ଗ୍ରାମରେ ପରିଣତ ହୋଇ ପାରିବ ସେଥି ପାଇଁ ଗ୍ରାମ ର ଯୁବ ବର୍ଗ ଆଗେଇ ଆସିବାକୁ ଆହ୍ବାନ ଦେଇଥିଲେ ।ସାମାଜିକ କର୍ମୀ ପୁରନ୍ଦର  ଭୋସାଗର ଶେଷରେ ଧନ୍ୟବାଦ ଅର୍ପଣ କରିଥିଲେ ।