06-Mar-2025

 ବିନିକା(ହିମାଂଶୁ ଶେଖର ପୁଟେଲ): ଓଡ଼ିଶାର ଜନନାୟକ ସ୍ବର୍ଗତ ବିଜୁ ପଟ୍ଟନାୟକଙ୍କ ଜନ୍ମ ଜୟନ୍ତୀରେ ପଞ୍ଚାୟତିରାଜ ପୁନର୍ଗଠନ ସହ ମହିଳାମାନଙ୍କୁ ପଞ୍ଚାୟତିରାଜ ବ୍ୟବସ୍ଥାରେ ପ୍ରତିନିଧିତ୍ଵ ସୁଯୋଗ ଦିଆଯାଇଥିଲା ।ସେହିଦିନ ସରକାରୀ ଛୁଟି ମଧ୍ୟ ହୋଇ ଆସୁଥିଲା ହେଲେ ରାଜ୍ୟର ଡବଲ ଇଞ୍ଜିନ ସରକାର କେବଳ ବିଜୁଙ୍କ ଜୟନ୍ତୀକୁ ପାଳନ କରିଥିବା ବେଳେ ସରକାରୀ ଛୁଟି ବାତିଲ ଓ ପଞ୍ଚାୟତିରାଜ ବ୍ୟବସ୍ଥାକୁ ମାର୍ଚ୍ଚ ୨୪ତାରିଖକୁ ଘୁଞ୍ଚାଇ ଦେବା ପ୍ରତିବାଦରେ ଆଜି ବିନିକା ବ୍ଲକ କାର୍ଯ୍ୟାଳୟ ଠାରେ ବିଜୁ ଜନତା ଦଳ ତରଫରୁ ରାଜ୍ୟ ସରକାର ବିଜୁଙ୍କ ପ୍ରତି ଅପମାନ ଓ ନୀଚ ରାଜନୀତି ପ୍ରତିବାଦରେ ଗର୍ଜିବା ସହିତ ବିକ୍ଷୋଭ ପ୍ରଦର୍ଶନ କରିଥିଲେ। ପରେ ଏହାର ପ୍ରତିବାଦରେ ଦଳ ତରଫରୁ ସ୍ଥାନୀୟ ବିଡ଼ିଓଙ୍କ ଜରିଆରେ ମହାମହିମ ଓଡ଼ିଶା ରାଜ୍ୟପାଳଙ୍କ ନିକଟକୁ ଏକ ଦାବୀପତ୍ର ପ୍ରଦାନ କରାଯାଇଥିଲା ।ଅନୁଷ୍ଠିତ ଏହି ପ୍ରତିବାଦ ସଭାରେ ସୁବର୍ଣ୍ଣପୁର ଜିଲ୍ଲା ଯୁବ ବିଜେଡ଼ି ସଭାପତି ଅଶୋକ ନନ୍ଦ ତାଙ୍କ ବକ୍ତବ୍ୟରେ ପ୍ରବାଦ ପୁରୁଷ ବିଜୁ ବାବୁ ସମଗ୍ର ଓଡ଼ିଶାବାସୀଙ୍କ ହୃଦୟରେ ଥିଲେ ।ଜଣେ ସାହାସୀ ଓ ସ୍ଵାଭିମାନୀ ବ୍ୟକ୍ତି ଭାବେ ବିଜୁ ବାବୁ ଦେଶ,ବିଦେଶରେ ପରିଚିତ ।ତାଙ୍କ ଜନ୍ମ ଦିନରେ ପଞ୍ଚାୟତିରାଜ ପୁନର୍ଗଠନ ସହିତ ପଞ୍ଚାୟତିରାଜ ବ୍ୟବସ୍ଥାରେ ମହିଳାଙ୍କୁ ପ୍ରତିନିଧିତ୍ଵ କରିବାର ସୁଯୋଗ ଦେଇଥିଲେ ।ସେହି ବିଜୁବାବୁଙ୍କୁ ଆଜି ରାଜ୍ୟର ବିଜେପି ସରକାର ଅପମାନିତ କରିଛନ୍ତି।ତେଣୁ ଆଗାମୀ ଦିନରେ ରାଜ୍ୟବାସୀ ଏହାର ଜବାବ ଦେବେ ବୋଲି କହିଥିଲେ ।ସେହିପରି ବ୍ଲକ ବିଜେଡ଼ି ସଭାପତି ଦ୍ବାରିକାନାଥ ସାହୁ ବିଜୁବାବୁଙ୍କ କାମ ପାଇଁ ଓଡ଼ିଆ ଜାତି ଗର୍ବ କରୁଥିଲା ହୀନ ଚକ୍ରାନ୍ତ କରି ଗର୍ବକୁ ରାଜ୍ୟ ସରକାର କ୍ଷୁର୍ଣ୍ଣ କରିଛନ୍ତି ।ହେଲେ ବିଜୁ ବାବୁ ଓଡ଼ିଆଙ୍କ ହୃଦୟରେ ରହିଛନ୍ତି ଓ ରହିଥିବେ ବୋଲି ଉଦବୋଧନ ଦେଇଥିଲେ।ଅନୁଷ୍ଠିତ ଏହି ପ୍ରତିବାଦ ସଭାରେ ବିନିକା ବିଜ୍ଞାପିତ ପରିଷଦ ଅଧିନସ୍ଥ ବିଭିନ୍ନ ଗ୍ରାମ ଏବଂ ବ୍ଲକର ସମସ୍ତ ପଞ୍ଚାୟତ ପ୍ରତିନିଧି, ବିଜୁପ୍ରେମି ଉପସ୍ଥିତ ଥିଲେ ।