04-Mar-2025

ବରୀ ବ୍ଲକ ଅଧୀନ ନଂପଡ଼ା ନିମ୍ନମୌଳିକ ବିଦ୍ୟାଳୟର ପ୍ରଧାନଶିକ୍ଷକ ବିଭୁତି ଭୂଷଣ ଜେନାଙ୍କୁ ସ୍କୁଲ ପରିସରରେ ଅବସରକାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି। କାର୍ଯ୍ୟକ୍ରମରେ ମୁଖ୍ୟବକ୍ତାଭାବେ ଡ. ଭାଗ୍ୟଧର ସାହୁ ଯୋଗଦେଇ ପ୍ରଧାନଶିକ୍ଷକ ଜେନାଙ୍କ ପରି ଜଣେ ଛାତ୍ରବତ୍ସଳ ଶିକ୍ଷକ ଅଧୁନା ସାମାଜିକ ବ୍ୟବସ୍ଥା ଭିତରେ ବିରଳ ବୋଲି ବର୍ଣ୍ଣନା କରିଥିଲେ। ବରୀ ବ୍ଲକ୍ ଶିକ୍ଷା ଅଧିକାରୀ ଭିକାରି ଚରଣ କବି - ମୁଖ୍ୟଅତିଥି ଭାବେ ଯୋଗଦେଇ ବିଦାୟୀ ଶିକ୍ଷକ ଜେନାଙ୍କୁ ତାଙ୍କ ପେନସନ ପତ୍ର ପ୍ରଦାନ କରିଥିଲେ। ସାମାଜିକ କର୍ମୀ ପର୍ଶୁରାମ ଦାସ ସଭାରେ ସଭାପତିତ୍ଵ କରିଥିବାବେଳେ ଶିକ୍ଷାବିତ ରବୀନ୍ଦ୍ର ନାୟକ ସଭା ସଞ୍ଚାଳନ କରିଥିଲେ ଲେ। ବରେଣ୍ୟ ଅତିଥ୍ ଭାବେ ଶିକ୍ଷକ ନେତା ତଥା ମାଜିକ କର୍ମୀ ଗଗନ ବିହାରୀ ଜେନା, କପିଳ ଚରଣ ସାମଲ, କର୍ଣ୍ଣଚନ୍ଦ୍ର ଚନ୍ଦ୍ର ଘଡ଼ାଇ, ମକର ଚରଣ ଘଡ଼ାଇ, ଡ. ପ୍ରଭଞ୍ଜନ
ପତି,  ହରିଶ ଚନ୍ଦ୍ର ମହାରଣା, ସିଆରସିସି ନର୍ମଦା ପ୍ରଧାନ, ସ୍ବାଇଁଖଣ୍ଡ ସରପଞ୍ଚ ଶଙ୍କର୍ଷଣ ସ୍ବାଇଁ, ପୂର୍ବତନ ପ୍ରଶାସକ ଈଶ୍ବର ଚନ୍ଦ୍ର ଜେନା ପ୍ରମୁଖ ବିଶିଷ୍ଟ ଅତିଥ୍ ଭାବେ ଯୋଗଦେଇ ବିଦାୟୀ ଶିକ୍ଷକଙ୍କ ଆବଶ୍ୟକ‌ତା ଉପରେ ଉପରେ ଗୁରୁତ୍ବଆରୋପ କରିଥିଲେ। ବିଦଗ୍ଧାର ନିର୍ଦ୍ଦେଶକ ଶରତ କୁମାର ଜେନା ବିଦଗ୍ଧା ଅନୁଷ୍ଠାନ ତରଫରୁ ବିଦଗ୍ଧ କବିଙ୍କ ତୈଳଚିତ୍ର ଓ ଉପଢୌକନ ଦେଇ ଶିକ୍ଷକଙ୍କୁ ସମ୍ବନ୍ଧିତ କରିଥିଲେ। ଅନ୍ୟମାନଙ୍କ ମଧ୍ୟରେ ଅବସରପ୍ରାପ୍ତ ଶିକ୍ଷକ ତଥା ଗାୟକ ଗୁନଚରଣ ନାୟକ, ଶିକ୍ଷକ ହରିଶ୍ଚନ୍ଦ୍ର ଦାସ, ପୁରାତନ ଛାତ୍ର ସୁନିଲ ପଣ୍ଡା, ସୁବାଶିଷ ସାମଲ, ମାନସ କୁମାର ଜେନା, ବାପି ନାୟକ, ଅଭିନ୍ନ ସୁନ୍ଦର ଲେଙ୍କା, ଉପେନ୍ଦ୍ର କୁମାର ଦାଶ ପ୍ରମୁଖ ଯୋଗଦାନ କରି ଶିକ୍ଷକ ଜେନାଙ୍କୁ ନିଜର ଶ୍ରଦ୍ଧାର୍ଘ୍ୟ ପ୍ରଦାନ କରିଥିଲେ। ପୂର୍ବତନ ସରପଞ୍ଚ ବିଜୟ କୁମାର ନାୟକ ଗୁରୁବନ୍ଦନା ଗାନ କରିବା ସହିତ ନିଜର ବକ୍ତବ୍ୟ ରଖୁଥିଲେ। ସ୍କୁଲ ଛାତ୍ରୀଛାତ୍ରମାନଙ୍କ ଦ୍ବାରା ସ୍ବାଗତ ନୃତ୍ୟ ପରିବେଷଣ କରାଯାଇଥିଲା।

(ରଞ୍ଜିତ ମହାନ୍ତିଙ୍କ ରିପୋର୍ଟ)