04-Mar-2025

କୁଚିଣ୍ଡା(ସିଲୁ ସୁନାନୀ): ଭାରତ ସରଙ୍କାରଙ୍କ ଖେଳ ଓ ଯୁବାବ୍ୟାପାର ମନ୍ତ୍ରାଳୟଙ୍କ ଦ୍ୱାରା ଆୟୋଜିତ ରାଷ୍ଟ୍ରୀୟ ଏକତା ଶିବିର ରେ କୁଚିଣ୍ଡା ମହାବିଦ୍ୟାଳୟର ତିନିଜଣ ଛାତ୍ରୀ ଅଂଶଗ୍ରହଣ କରି କୁଚିଣ୍ଡା ମହାବିଦ୍ୟାଳୟ ପାଇଁ କୃତଜ୍ଞତା ଲାଭ କରିଛନ୍ତି।ମହାବିଦ୍ୟାଳୟ ର ଦୁଇଜଣ ଛାତ୍ରୀ ରାକ୍ଷୀ ଅର୍କ ଏବଂ ସୀମା କିସାନ କନ୍ୟାକୁମାରୀ ରେ ହୋଇଥିବା ଶିବିର ରେ ଅଂଶଗ୍ରହଣ କରିଥିଲେ। ଏବଂ ସେହି ଶିବିର ରେ ସମୂହ ଲୋକନୃତ୍ୟ ରେ ଅଂଶଗ୍ରହଣ କରି ଦ୍ୱିତୀୟ ଏବଂ ଚିତ୍ରାଙ୍କନ ରେ ପ୍ରଥମ ସ୍ଥାନ ରେ ଉତୀର୍ଣ୍ଣ ହୋଇଥିଲେ। ସେହି ଶିବିରରେ  ବିଭିନ୍ନ ସ୍ଥାନ ଦର୍ଶନ କରିଥିଲେ ଏବଂ ବଡବଡ ବ୍ୟକ୍ତିବିଶେଷ ଙ୍କ ସହିତ ତାଙ୍କର ସାକ୍ଷାତ ହୋଇଥିଲା। ଠିକ ସେହିପରି

ଭାବରେ ମହାବିଦ୍ୟାଳୟ ର ଅନ୍ୟ ଏକ ସ୍ବେଛାସେବୀ କନିକା ପଟେଲ ଓଡିଶା ରେ ଆୟୋଜିତ ହୋଇଥିବା ଶିକ୍ଷା ଓ ଅନୁସନ୍ଧାନ ମହାବିଦ୍ୟାଳୟ ଙ୍କ  ଦ୍ୱାରା ପରିଚାଳିତ ହୋଇଥିବା ରାଷ୍ଟ୍ରୀୟ ଏକତା ଶିବିରରେ ଯୋଗଦାନ ଦେଇଥିଲେ। ଏହି ଶିବିର ରେ ଓଡିଶା ର ସମ୍ବଲପୁର ବିଶ୍ୱବିଦ୍ୟାଳୟ ର ୧୨ ଜଣ ସ୍ବେଛାସେବୀ ବିଭିର୍ଣ୍ଣ ସଂସ୍କୃତିକ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ଏବଂ ଓଡିଶାର ବିଭିନ୍ନ ଦର୍ଶନୀୟ ସ୍ଥଳୀ ଭ୍ରମଣ କରିଥିଲେ । ତିନିଜଣ ସ୍ବେଛାସେବୀ ମହାବିଦ୍ୟାଳୟ ଫେରିବା ପରେ ତାଙ୍କୁ ଅଧକ୍ଷା ସୁଶ୍ରୀ ସୁଚିତ୍ରା ମିଶ୍ର ଓ ଏନ.ଏସ.ଏସ ପ୍ରୋଗ୍ରାମ ଅଫିସର ସୁଶ୍ରୀ ବେଲମତୀ କୁମୁରା ଶୁଭେଚ୍ଛା ଜ୍ଞାପନ କରିଥିଲେ। ଜିଲ୍ଲା କାର୍ଯ୍ୟକ୍ରମ ଅଧିକାରୀ ଶାନ୍ତନୁ ପଧାନ ଏବଂ ମହାବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ଏବଂ ଛାତ୍ରଛାତ୍ରୀ ତାଙ୍କ ଆଗତ ଭବିଷ୍ୟତ ପାଇଁ ତାଙ୍କୁ ଶୁଭେଚ୍ଛା ଜଣାଇଛନ୍ତି।