28-Feb-2025

 ବଲାଙ୍ଗୀର,  ବଲାଙ୍ଗୀର ଜିଲ୍ଲା ଲେଖକ ପରିଷଦ ପକ୍ଷରୁ ଆୟୋଜିତ ୧୭ତମ ବଲାଙ୍ଗୀର ବହି ହାଟ ର ପଞ୍ଚମ ସନ୍ଧ୍ୟାରେ କୋଶଳୀ ସାହିତ୍ୟ ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା l 'ପାହା ତଲ ର ମାଏଟ୍ ଆରୁ ମୁଡ ଉପରର୍ ଆକାଶ' ଶୀର୍ଷକ ବିଷୟ ଉପରେ ଏକ ସାରଗର୍ଭକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା l ଜିଲ୍ଲା ଲେଖକ ପରିଷଦର ସମ୍ପାଦକ କପିଳେଶ୍ଵର ଖମାରୀଙ୍କ ସଭାପତିତ୍ବରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବରେ କେନ୍ଦ୍ର ବାଲ୍ ସାହିତ୍ୟ ପୁରସ୍କାରପ୍ରାପ୍ତ ଶିଶୁ ସାହିତ୍ୟିକ ଯୁଗଳ କିଶୋର ଷଡଙ୍ଗୀ ଯୋଗ ଦେଇଥିଲେ l ପରିଷଦର ସଭାପତି ମଳୟ ମିଶ୍ର ପ୍ରାରମ୍ଭିକ ସୂଚନା ଦେଇଥିଲେ l ଆଲୋଚକ ଭାବେ ପଣ୍ଡିତ ନାମଯଜ୍ଞ ମିଶ୍ର ବରିଷ୍ଠ ଆଇନଜୀବୀ ତଥା କୋଶଳ ସାହିତ୍ୟ ଏକାଡେମୀର ସଭାପତି ଗୋରେଖନାଥ ସାହୁ, ଜିଲ୍ଲା ଲେଖକ ପରିଷଦର ପୂର୍ବତନ ସମ୍ପାଦକ କୃଷ୍ଣ ଚନ୍ଦ୍ର ବାରିକ, ପ୍ରାଧ୍ୟାପିକା ମୀନା ମହାରଣା, ଦିଲୀପ ପାତ୍ର ଯୋଗ ଦେଇ ଆମେ ଯେତେ ଉନ୍ନତର ଶିଖର କୁ ଗଲେ ବି  ନିଜ ମାଟିର ଆହ୍ବାନ କୁ ଭୁଲିବା ଉଚିତ ନୁହଁ ବୋଲି କହିଥିଲେ l ନଜିର ମାଟିର ଉନ୍ନତି ପାଇଁ ନିଜ ଭାଷାର ଉନ୍ନତି ଓ  ପ୍ରଚାର ପ୍ରସାର ହେବା ଜରୁରୀ ଅଟେ l କୋଶଲୀ ଭାଷା ର ଉନ୍ନତି ପାଇଁ ଆମକୁ ସମ୍ମିଳିତ ଉଦ୍ୟମ

ଆବଶ୍ୟକ ବୋଲି ମଞ୍ଚାସୀନ ବକ୍ତାମାନେ କହିଥିଲେ l ନିଜର ଅଭିଭାଷଣ ରଖିଥିଲେ l ସଭାକୁ  ତରଭାର ଡ. ଦେବେନ୍ଦ୍ର ନାଏକ ସଂଯୋଜନା କରିଥିଲେ l ଏହି ଅବସରରେ ଶିଶୁ ସାହିତ୍ୟିକ ଯୁଗଳ କିଶୋର ଷଡଙ୍ଗୀଙ୍କୁ ଜିଲ୍ଲା ଲେଖକ ପରିଷଦ ପକ୍ଷରୁ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା l  ପୂର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତା ର କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା l ଶେଷରେ ଜିଲ୍ଲା ଲେଖକ ପରିଷଦର ଉପସଭାପତି ମୁରଲୀ ଧାରୀ ପତି ଧନ୍ୟବାଦ ଅର୍ପଣ କରିଥିଲେ l