28-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ଟି.ଗଣ୍ଡପାଲି ଉଚ୍ଚ ପ୍ରାଥମିକ ବିଦ୍ୟାଳୟରେ ଜାତୀୟ ବିଜ୍ଞାନ ଦିବସ ପାଳିତ ହୋଇଯାଇଛି, ପ୍ରଧାନ ଶିକ୍ଷକ ଶ୍ରୀ ଯୁକ୍ତ ଶଶୀଭୂଷଣ ସାହୁଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ବଜରଙ୍ଗ ବଳୀ ସେବା ସଦନର ସଭାପତି ଶ୍ରୀ ଯୁକ୍ତ ରୋହିତ ସାହୁ ମୁଖ୍ୟ ଅତିଥି, ଶିକ୍ଷାବିତ ଶ୍ରୀ ଯୁକ୍ତ ଭରତ୍ ସା ସମ୍ମାନିତ ଅତିଥି ଏବଂ ସି.ଆର୍. ସି.ସି. ଶ୍ରୀ ଯୁକ୍ତ ପ୍ରଭାତ ରଞ୍ଜନ ସାହୁ ମୁଖ୍ୟ ବକ୍ତା ଭାବେ ଯୋଗ ଦେଇ ଚନ୍ଦ୍ରଶେଖର ଭେଙ୍କଟ ରମଣଙ୍କର ବିଜ୍ଞାନ ଜଗତକୁ ଅବଦାନ ସମ୍ପର୍କରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମରେ ବିଜ୍ଞାନ ଓ ଗଣିତ କୁଇଜ୍ ରେ ପ୍ରଥମ, ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀମାନଙ୍କୁ ପୁରସ୍କାର କରାଯାଇଥିଲା ।

ପୂର୍ବ ନିର୍ଦ୍ଧାରିତ କାର୍ଯ୍ୟକ୍ରମ ଅନୁସାରେ ବିଦ୍ୟାଳୟର ୪ଟି ଦଳ ଯଥା ମେଘନାଦ ଶାହା ଦଳ, ଭେଙ୍କଟ ରମଣ ଦଳ,ହୋମି ଜାହାଙ୍ଗୀର ଭାବାଦଳ ,ଅବଦୁଲ କଲାମ ଦଳ ଯଥାକ୍ରମେ ବୃକ୍ଷ, ପକ୍ଷୀ,ସରିସୃପ ଓ ଅଣୁଜୀବ ର ଶ୍ରେଣୀ ବିଭାଗ ଶରୀର ଗଠନ ଏବଂ ଅନ୍ୟାନ୍ୟ ବିଶେଷତ୍ଵ ଉପରେ ସବିଶେଷ ତଥ୍ୟ ଉପସ୍ଥାପନ କରିଥିଲେ । ବାସ୍ତବରେ ଏହି ବିଜ୍ଞାନ ଭିତ୍ତିକ କାର୍ଯ୍ୟକ୍ରମଟି ଛାତ୍ରଛାତ୍ରୀଙ୍କ ଶିକ୍ଷତା ଅଭିବୃଦ୍ଧିରେ ସହାୟକ ହେବା ସଙ୍ଗେ ସଙ୍ଗେ ଛାତ୍ରଛାତ୍ରୀଙ୍କ ମଧ୍ୟରେ ବୈଜ୍ଞାନିକ କୌଶଳ ର ବିକାଶ ହେବ ବୋଲି ଆଶା କରାଯାଉଛି । ପରିବେଶରେ ଅବଦୁଲ କାଲାମ ଦଳକୁ ସର୍ବଶ୍ରେଷ୍ଠ ଦଳ ହିସାବରେ ସମ୍ବର୍ଦ୍ଧିତ କରାଯାଇଛି । ବିଜ୍ଞାନ ଶିକ୍ଷକ ଶ୍ରୀ ଯୁକ୍ତ ସୁଶୀଳ କୁମାର ସୁନା ଏହି କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ଶ୍ରୀ ଉମେଶ ଚନ୍ଦ୍ର ପଧାନ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମ ପରିଚାଳନାରେ ଶ୍ରୀ ସୁରେଶ କୁମାର ସାହୁ, କୁଳମଣି ସାହୁ, ନିରୁପମା ବାରିକ,ମନୋଜ କୁମାର ସାହୁ ଏବଂ ରାଜେଶ ସେଠ୍, ରାଜ କୁମର ସାହୁ,ଭାଗ୍ୟବତୀ ସାହୁ ସହଯୋଗ କରିଥିଲେ  ।