28-Feb-2025

ବଲାଙ୍ଗୀର, ଆଜି ବଲାଙ୍ଗୀର ସ୍ଥିତ କଦମପଡାର ସରସ୍ବତୀ ଶିଶୁ ବିଦ୍ୟା ଜ୍ଞାନ ମନ୍ଦିରରେ ‘ଜାତୀୟ ବିଜ୍ଞାନ ଦିବସ’ ପାଳନ କରାଯାଇଛି । ଏଥିରେ ମୁଖ୍ୟ ଅତିଥି ରୂପେ ବଲାଙ୍ଗୀର ଜିଲ୍ଲାର ଜିଲ୍ଲା ବିଜ୍ଞାନ ନିରୀକ୍ଷକ ନବଘନ ସାହୁ ଯୋଗ ଦେଇଥିଲେ ।ଛାତ୍ରଛାତ୍ରୀଙ୍କ ଦ୍ବାରା ସମବେତ ସଙ୍ଗୀତ ଗାନ ସହ ଛାତ୍ରୀ ଅମିଷା ସାହୁଙ୍କ ନୃତ୍ୟ ପରିବେଷଣ କରାଯାଇଥିଲା। ପ୍ରଧାନ ଆଚାର୍ଯ୍ଯ ସୁବ୍ରତ କୁମାର ଵେହେରା ମଞ୍ଚାସୀନ ଅତିଥିଙ୍କ ପରିଚୟ କରିଥିଲେ। ଶିଶୁ ବକ୍ତା ରୂପେ ସ୍ବୀକୃତି ରାଣୀ କର୍ମୀ, ଆରୋହି ନେଗୀ, ପ୍ରଗତି ଦାଶ, ଲୋପାମୁଦ୍ରା ସାହୁ, ସଂସ୍କୃତି ସାହୁ ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ। ଗୁରୁଜୀ ବକ୍ତା ପଞ୍ଚାନନ ସା ମଧ୍ୟ ସାର ସି.ଭି. ରମଣଙ୍କ ଜୀବନୀ ତଥା ରମଣ ପ୍ରଭାବ ଉପରେ ଆଲୋକପାତ କରିଥିଲେ। ସଂଯୋଜନା ଛାତ୍ର ଅବିନାଶ ପଣ୍ଡା ଓ ଛାତ୍ରୀ ଅପର୍ଣ୍ଣା ସାଏ କରିଥିଲେ । ଏହାପରେ ଗୁରୁମା ମମତା ଭୋଇଙ୍କ ନିର୍ଦ୍ଦେଶନାରେ ଅଷ୍ଟମ ଶ୍ରେଣୀର ଛାତ୍ରଛାତ୍ରୀ ମାନଙ୍କ ଦ୍ୱାରା କ୍ଷୁଦ୍ରନାଟକ “ପରିବେଶ ସୁରକ୍ଷା ଜୀବନ ରକ୍ଷା” ପରିବେଷଣ ହୋଇଥିଲା । ମୁଖ୍ୟ ଅତିଥି ନିଜ ଭାଷଣରେ କହିଲେ ଯେ ବିଜ୍ଞାନ ନୂଆ ନୁହଁ, ମାତ୍ର ନୂତନତା ସୃଷ୍ଟି କରେ । ପରେ ସଭାପତି ନିଜର ଅଭିଭାଷଣ ପ୍ରଦାନ କରିଥିଲେ । ଏହି ଉପଲକ୍ଷେ ଅନୁଷ୍ଠିତ ବିଜ୍ଞାନ ପ୍ରଶ୍ନମଞ୍ଚ ପ୍ରତିଯୋଗିତାରେ ୩ୟ ଶ୍ରେଣୀର ଅଶୁଂମାନ ପଣ୍ଡା, ପ୍ରତୀକ ପ୍ରଧାନ, ବ୍ୟୋମକେଶ ବାରିକ, ୪ର୍ଥ ଶ୍ରେଣୀର ହର୍ଷିତା ସିଂ, ଦେବାଶିଷ ମିଶ୍ର, ଶ୍ରୀପତି ପ୍ରଧାନ, ୫ମ ଶ୍ରେଣୀର ପ୍ରତ୍ୟୁଷ କୁମାର ତ୍ରିପାଠୀ, ସୋହାନୀ ପାତ୍ର, ଖୁସି ପ୍ରିୟା ବାଗ୍, ୬ଷ୍ଠ ଶ୍ରେଣୀର ଅର୍ଣ୍ଣବ ପାଣିଗ୍ରାହୀ, ଆଶୁତୋଷ ତ୍ରିପାଠୀ, ଶୁଭମ କୁମାର ଦୋରା, ୭ମ ଶ୍ରେଣୀର ଅବିନାଶ ପଣ୍ଡା, ଅର୍ପିତା ସାହୁ, ଆୟୁଷ କୁମାର ସାହୁ, ୮ମ ଶ୍ରେଣୀର ବିଶାଳ ନନ୍ଦ,ଅର୍ପିତା ପ୍ରିୟଦର୍ଶିନୀ ମିଶ୍ର, ପ୍ରଗତି ଦାଶ, ୯ମ ଶ୍ରେଣୀର ସ୍ମରଣିକା ଦାଶ, ସ୍ମୃତି ବୀଣାପାଣି ପଣ୍ଡା, ଶୁଭଶ୍ରୀ କଲେତ ଯଥାକ୍ରମେ ୧ମ, ୨ୟ, ୩ୟ ସ୍ଥାନ ପାଇ ବିଜେତା ହୋଇଥିଲେ । ସେହିପରି ବିଜ୍ଞାନ ପ୍ରୟୋଗ ପ୍ରତିଯୋଗିତାରେ ୬ଷ୍ଠ ଶ୍ରେଣୀର ପ୍ରତୀକ୍ଷା ପ୍ରଧାନ, ଆଦ୍ୟାଶା ପଟ୍ଟନାୟକ, ଅର୍ଣ୍ଣବ ପାଣିଗ୍ରାହୀ, ୭ମ ଶ୍ରେଣୀର ନମ୍ରତା ମହାରଣା, ଅନ୍ବେଷା ସାହୁ,ଅବିନାଶ ପଣ୍ଡା, ତଥା ୮ମ ଶ୍ରେଣୀର ପ୍ରଗତି ଦାଶ, ବିଶାଖା ମେହେର, ଶ୍ରାବଣୀ ବାରିକ ଯଥାକ୍ରମେ ୧ମ,୨ୟ,୩ୟ ରୂପେ ବିଜେତା ହୋଇ ପୁରସ୍କୃତ ହୋଇଥିଲେ । ସେହିପରି ବିଜ୍ଞାନ ଉପକରଣ ପ୍ରଦର୍ଶନୀରେ ୬ଜଣ,ବିଜ୍ଞାନ ପ୍ରାଚୀର ପତ୍ରିକାରେ ୯ଜଣ, ନାଟକର ସହଭାଗୀ, ଶିଶୁ ବକ୍ତା ସମସ୍ତଙ୍କୁ ସାନ୍ତ୍ବନାମୂଳକ ପୁରସ୍କାର ଦିଆଯାଇଥିଲା । ଶେଷରେ ସମସ୍ତଙ୍କ ଉଦ୍ଦେଶ୍ୟରେ ବିଦ୍ୟାଳୟର ସଂପାଦକ ଧନ୍ୟବାଦ ଦେଇଥିଲେ । ମଞ୍ଚାସୀନ ଅତିଥିଙ୍କ ମଧ୍ୟରେ ସଭାପତି ଡ. ଭବାନୀ ଶଙ୍କର ପଟେଲ, ସଂପାଦକ ତରଣୀସେନ ପଟେଲ, ଗୁରୁଜୀ ପଞ୍ଚାନନ ସା ଉପସ୍ଥିତ ଥିଲେ । ଏହିପରି ବିଦ୍ୟାଳୟର ବିଜ୍ଞାନ ପ୍ରମୁଖ ଗୁରୁଜୀ ସରୋଜ କୁମାର ମିଶ୍ରଙ୍କ ସଂଚାଳନରେ ସମ୍ପୂର୍ଣ୍ଣ ହୋଇଥିଲା ।