24-Feb-2025

ପାଟଣାଗଡ(ପ୍ରେରଣା ଖବର): ପାଟଣାଗଡ ସ୍ଥିତ ଗଡଭିତର ପ୍ରାଙ୍ଗଣରେ ବିଶ୍ୱାବସୁ ଶବର ସମାଜର ଜ଼ିଲ୍ଲାସ୍ତରୀୟ ମହାସଭା ଅନୁଷ୍ଠିତ ହୋଇଯାଇଛି l ଚନ୍ଦ୍ର ଶବରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଶବର ସମାଜର ପ୍ରଥା ପରମ୍ପରା, ରୀତିନୀତି, କଳା ସଂସ୍କୃତି, ଐତିହ୍ୟ ସୁରକ୍ଷା,ଶିକ୍ଷା,ସାମାଜିକ ଏବଂ ଅର୍ଥନୈତିକ ବିକାଶ ଉପରେ ଆଲୋଚନା ହୋଇଥିଲା l ଜ଼ିଲ୍ଲାର ସମସ୍ତ ଆଞ୍ଚଳିକ କେନ୍ଦ୍ର, ବ୍ଲକସ୍ତରୀୟ କର୍ମକର୍ତ୍ତା , ଉପଖଣ୍ଡସ୍ତରୀୟ କର୍ମକର୍ତ୍ତା, ସମାଜର ଛାତ୍ର ଯୁବକ କର୍ମଚାରୀ ବୁଦ୍ଧିଜୀବୀ ଉକ୍ତ କାର୍ଯ୍ୟକ୍ରମରେ ଯୋଗ ଦେଇଥିଲେ l ସମାଜର ଜ଼ିଲ୍ଲାସ୍ତରୀୟ ନୂତନ କର୍ମକର୍ତ୍ତା ଚୟନ କରାଯାଇଥିଲା l ଏଥିରେ ସର୍ବସମ୍ମତିକ୍ରମେ ୫ ବର୍ଷ ପାଇଁ ଜ଼ିଲ୍ଲା ସଭାପତି ଭାବରେ ସାରଥୀ ବାଗ, ଉପସଭାପତି ଭାବରେ ଅଲେଖ ବେଣ୍ଟକlର (ପାଟଣାଗଡ ଉପଖଣ୍ଡ), ଜଗନ୍ନାଥ ମାଝୀ (ବଲାଙ୍ଗିର ଉପଖଣ୍ଡ) ଦିବାକର ଭୋଇ (ଟିଟିଲାଗଡ଼ ଉପଖଣ୍ଡ) ସାଧାରଣ ସମ୍ପାଦକ ନାରାୟଣ ଭୋଇ, ସହ ସମ୍ପାଦକ ଗୋପାଳ ଜୁଏଡ଼, କୋଷାଧ୍ୟକ୍ଷ ମଧୁ ବିଶ୍ୱାଳ, ସଙ୍ଗଠନ ସମ୍ପାଦକ ମଗଶିର ବିଶ୍ୱାଳ ମନୋନୀତ ହୋଇଥିଲେ l ରାଜ୍ୟସଭା ସାଂସଦ ନିରଞ୍ଜନ ବିଶି, ପାଟଣାଗଡ ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷା ଶ୍ରୀମତୀ ମାନସୀ ବିଶ୍ୱାଳ, ଶ୍ରୀମତୀ ଗୌରୀ ରାଉତ, ରାଜକିଶୋର ବିଶି, ବସନ୍ତ ନାଗ, ସହଦେଵ ଭୋଇ, ଲମ୍ବୋଦର ଗୁରୁ ପ୍ରମୁଖ ଉପଦେଷ୍ଟା ଭାବରେ ମନୋନୀତ ହୋଇଥଲେ l