24-Feb-2025

ଆଗଲପୁର, (ବିନୋଦ ଦୀପ) ଚଳିତ ଫେବୃଆରୀ ମାସ ୨୨ଓ ୨୩ ତାରିଖ ଦୁଇଦିନ ଧରି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ବଡ଼ଟିକା ଗ୍ରାମ ର ଶିବ ମନ୍ଦିର ପ୍ରାଙ୍ଗଣ ରେ ୨୦୮କୁଣ୍ଡିୟ ବିଶ୍ଵଶାନ୍ତି ମହାଯଜ୍ଞ ମହା ସମାରୋହ ରେ ଅନୁଷ୍ଠିତ ହୋଇଯାଇଛି l ଏହି ମହାଯଜ୍ଞ ରେ ୨୨ତାରିଖ ଦିନ ସଂକଳ୍ପିତ ଯଜ୍ଞ ହୋଇଥିଲା, ଏଥିରେ ଯଜ୍ଞ ବ୍ରହ୍ମା ଭାବେ ସ୍ୱାମୀ ବିଶୁଦ୍ଧା ନନ୍ଦ ସରସ୍ବତୀ, ଯଜ୍ଞ ସଂଚାଳକ ଭାବେ ସ୍ୱାମୀ ବୃହସ୍ପତି ଶାସ୍ତ୍ରୀ ଗୁରୁକୁଳ ନବପ୍ରଭାତ ଆଶ୍ରମ, ନୂଆପାଲି ଓ ସ୍ୱାମୀ ବ୍ରତାନନ୍ଦ ସରସ୍ବତୀ ଗୁରୁକୁଳ ଆମସେନା କାର୍ଯ୍ୟ ତୁଲାଇ ଥିଲେ। ଏହି ଦିନ ଯଜ୍ଞ ରେ ପୂର୍ବରୁ ସଂକଳ୍ପ କରିଥିବା ୨୫ଯୋଡ଼ା ଦମ୍ପତି ନିଜର ସଂକଳ୍ପ ପୂରଣ କରିଥିଲେ। ଏହି ମହାନ ଯଜ୍ଞ ର ଦିତ୍ୱୀୟ ଦିନ ଗତ 23 ତାରିଖ ଦିନ ସାହସ୍ରାଧିକ ଜନସମାଗମ ରେ ଗୁରୁକୁଳ ହରିପୁର, ନୂଆପଡା ର ସଂଚାଳକ ବିଶିଷ୍ଟ ବୈଦିକ ବିଦ୍ୱାନ ଆଚାର୍ଯ୍ୟ ସୁଦର୍ଶନ ଦେବ ଙ୍କ ବ୍ରହ୍ମତ୍ୱ ରେ ୨୦୮ କୁଣ୍ଡିୟ ବୈଦିକ ବିଶ୍ଵଶାନ୍ତି ମହାଯଜ୍ଞାନୁଷ୍ଠାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଦୁଇ ଦିନିଆ ଯଜ୍ଞ ର ମୂଳରେ ସାମାଜିକ କୁସଂସ୍କାରମୁକ୍ତ , ପ୍ରଦୂଷଣ ମୁକ୍ତ ବାତାବରଣ ନିର୍ମାଣ ରେ ଘରେ ଘରେ ପୁରେ ପୁରେ ଯଜ୍ଞ ର ପ୍ରଚାର ପ୍ରସାର ପାଇଁ ଏବଂ ଦୈନିକ ଅଗ୍ନିହୋତ୍ର ନିର୍ମାଣ ର ଏକ ସୁଦୂର ପ୍ରସାରୀ ପ୍ରୟାସ ଥିଲା।

ଏହି ଦ୍ବିଦିବସୀୟ ମହା ଅନୁଷ୍ଠାନ ର ସଫଳ ଆୟୋଜନ ପାଇଁ ବଡ଼ଟିକା ଆର୍ଯ୍ୟ ସମାଜ ର ଶ୍ରୀ ମୋହନ ପଧାନ, ଶ୍ରୀମତୀ ଆଲ୍ଲାଦିନୀ ଭୋଇ, ଶ୍ରୀ ରସାନନ୍ଦ ସାହୁ, ଶ୍ରୀ ସଭାପତି ପଧାନ, ଶ୍ରୀ ଶୁକ୍ରୁ ବିଶ୍ୱାଳ, ଶ୍ରୀ ମନରଞ୍ଜନ ବିଶ୍ୱାଳ, ଶ୍ରୀ ଅନିରୁଦ୍ଧ ଭୋଇ, ଶ୍ରୀ ଜୟକୃଷ୍ଣ ପଧାନ, ଶ୍ରୀ ଅମୀୟରଞ୍ଜନ ପଧାନ, ଶ୍ରୀ ଶିବବ୍ରତ ପଧାନ ଏବଂ  କରି ମୁଣ୍ଡା ର ଆର୍ଯ୍ୟଶ୍ରୀ ସାହେବ ଭୋଇ ଓ ହରିପୁର ଆଶ୍ରମ ର ଶ୍ରୀ ରାଜେନ୍ଦ୍ର ବର୍ଣ୍ଣି, ଶ୍ରୀ ଗଣନାଥ ଜୀ ପ୍ରମୁଖ ସମଗ୍ର କାର୍ଯ୍ୟକ୍ରମ ର ସଂଚାଳନା, ସମନ୍ୱୟ,ବନ୍ଦୋବସ୍ତ,ଯୋଗାଯୋଗ ତଥା ସାଙ୍ଗଠନିକ ଆନୁସାଙ୍ଗିକ କାର୍ଯ୍ୟ ତୁଲାଇ ଥିବା ବେଳେ ବଡ଼ଟିକା ଗ୍ରାମବାସୀବୃନ୍ଦ, ଗ୍ରାମ ର ଯୁବ ଗୋଷ୍ଠି ସକ୍ରିୟ ସହଯୋଗ କରିଥିଲେ l