24-Feb-2025

ବରଗଡ (ନିରଞ୍ଜନ ତ୍ରିପାଠୀ )
ଖେଳ ଏକ ଅଙ୍ଗ ଭାବେ ପ୍ରତ୍ୟେକ ମଣିଷ ଗ୍ରହଣ କରିବା ଉଚିତ:-ବିନୋଦ ବିହାରୀ ବିଶ୍ବାଳ 
ବରଗଡ଼ ଜିଲ୍ଲା ପାଇକମାଳ ବ୍ଲକ ଅନ୍ତର୍ଗତ ଭେଙ୍ଗରାଜପୁର ଗ୍ରାମପଞ୍ଚାୟତ ଅନ୍ତର୍ଭୁକ୍ତ ସଦାନନ୍ଦପୁର ରେ ୭ମ ବୁଢ଼ାରଜା କ୍ରିକେଟ ଆସୋସିଏସନ୍ ସଦାନନ୍ଦପୁର ଆନୁକୁଲ୍ୟରେ ଦିର୍ଘ ୫ ଦିନ ବ୍ୟାପି କ୍ରିକେଟ୍ ଟୁର୍ଣ୍ଣାମେଣ୍ଟ ଆୟୋଜିତ ହୋଇ ଉଦଯାପିତ ହୋଇଯାଇଛି। ପ୍ରଥମ ଦିବସରେ ଅପନିଙ୍ଗ ମ୍ୟାଚ ମଲଦା ଓ ମାଝିପାଲି ମଧ୍ୟରେ ଅନୁଷ୍ଠିତ ହୋଇଥିଲା। ଏହି ଓପନିଙ୍ଗ ମ୍ୟାଚରେ ମାଝିପାଲି ଦଳ ବିଜୟ ଲାଭ କରିଥିଲେ। ଉଦଘାଟନୀ ସମାରୋହରେ ପାଇକମାଳ ବ୍ଲକ କଂଗ୍ରେସ ଦଳର ପୂର୍ବତନ ସଭାପତି ଶ୍ରୀମାନ ବିନୋଦ ବିହାରୀ ବିଶ୍ବାଳ ଏବଂ ଭେଙ୍ଗରାଜପୁର ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ଶ୍ରୀମାନ  ଭିଷ୍ମଦେବ ସାହୁ ଯୋଗଦାନ କରି ଖେଳାଳି ମାନଙ୍କ ମନୋବଳ ବଢ଼ାଇବା ସହ ଆୟୋଜନ କାଳୀଙ୍କୁ ଉତ୍ସାହିତ କରିଥିଲେ।

ଶେଷରେ ୨୩.୦୨.୨୦୨୫ ତାରିଖରେ ଉଦଯାପନୀ ଉତ୍ସବରେ ମୁଖ୍ୟଅତିଥି ଅତିଥି ଭାବେ ଯୁବନେତା ତଥା ସମାଜସେବୀ ଶ୍ରୀମାନ ମହେନ୍ଦ୍ର ଖୁଣ୍ଟିଆ , ବିନୋଦ ବିହାରୀ ବିଶ୍ବାଳ, ବିଜୟାନନ୍ଦ ପଟ୍ଟନାୟକ, ଅଶ୍ୱିନୀ ପଟେଲ ଭିଷ୍ମଦେବ ସାହୁ, ଭେଙ୍ଗରାଜପୁର ଗ୍ରାମପଞ୍ଚାୟତ ସରପଞ୍ଚ ଶ୍ରୀମାନ ସୁଦାମ ଚରଣ ସେଠୀ,ପାଇକମାଳ ବ୍ଲକ ଉପାଧ୍ୟକ୍ଷ ଶ୍ରୀମାନ ସଞ୍ଜିବ ବରିହା ଯୋଗଦାନ କରି ବିଜୟୀ ଦଳକୁ ଟ୍ରଫି ପ୍ରଦାନ କରିଥିଲେ। ଫାଇନାଲ ଗେମ ନାଗଡିହି ସହ ଜର୍ଜଗଡ ମଧ୍ୟରେ ଘମାଘୋଟ ସଂଘର୍ଷ ପୂର୍ଣ୍ଣ ମ୍ୟାଚ ଅନୁଷ୍ଠିତ ହୋଇଥିଲା। 
ଜର୍ଜଗଡ ଦଳ ୮୨ରନରେ ବିଜୟୀ ହୋଇଥିଲେ।ନାଗଡିହି ଦଳ ୮୧ ରନ ଟାର୍ଗେଟ ଦେଇଥିଲା।