05-Feb-2025

ସରକାରୀ ଉଚ୍ଚପ୍ରାଥମିକ ବିଦ୍ୟାଳୟ, କାଶିପାଲିରେ ବାର୍ଷିକ କ୍ରୀଡା ଉତ୍ସବ ପାଳିତ ହୋଇଯାଇଛି। ଉକ୍ତ କାର୍ଯ୍ୟକ୍ରମକୁ ବିଦ୍ୟାଳୟ ପରିଚାଳନା କମିଟି ସଭାପତି ପବିତ୍ର ମହାପାତ୍ର ଫିତା କାଟି ଉଦଘାଟନ କରିଥିଲେ। କ୍ରୀଡା କ୍ଷେତ୍ରରେ ଛାତ୍ରଛାତ୍ରୀ ମାନେ ଗ୍ରାମସ୍ତରରୁ ଆରମ୍ଭ କରି ଜିଲ୍ଲା, ରାଜ୍ୟ ତଥା ଜାତୀୟସ୍ତରରେ କିପରି ନିଜର ପାରଦର୍ଶିତା ହାସଲ କରି ସୁନାମ ଅର୍ଜନ କରିବେ, ସେଥିପ୍ରତି ସର୍ବଦା ଧ୍ୟାନ ଦେବାକୁ କହିଥିଲେ। ବିଦ୍ୟାଳୟର ପ୍ରଧାନଶିକ୍ଷକ  ସୁଦାମ ସେଟ ତାଙ୍କ ଅଭିଭାଷଣରେ ଶାରୀରିକ ସୁସ୍ଥତା, ଶୃଙ୍ଖଳା ବିକାଶରେ କ୍ରୀଡାର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ। "କ୍ରୀଡା ଆମକୁ ଦୃଢ଼ତା, ଦଳଗତ କାର୍ଯ୍ୟ ଏବଂ ସ୍ଥିରତାର ମୂଲ୍ୟ ଶିଖାଏ,"  ବୋଲି ସେ କହିଥିଲେ । ଛାତ୍ରଛାତ୍ରୀ ମାନଙ୍କୁ ସର୍ବଦା କ୍ରୀଡ଼ା କ୍ଷେତ୍ର ଭିତରେ ଏବଂ ବାହାରେ ଉତ୍କର୍ଷତା ପାଇଁ ଚେଷ୍ଟା କରିବାକୁ ଉତ୍ସାହିତ କରିଥିଲେ। ଗ୍ରାମର ଶିକ୍ଷାପ୍ରେମୀ ସରୋଜ ମହାପାତ୍ର ଛାତ୍ରଛାତ୍ରୀ ମାନଙ୍କ ପାଇଁ ଏକ ଖେଳ ପଡିଆର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ l

ଅଭିଭାବକ ସଦାନନ୍ଦ ମହାପାତ୍ର ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ ଏବଂ ଏ ଅବସର ରେ ସମ୍ମାନିତ ଅତିଥି  ରାମକୃଷ୍ଣ ଦାଶଙ୍କୁ ଉପଢୌକନ ଦେଇ ସମ୍ମାନିତ କରାଯାଇଥିଲା।
 ସୀମାନ୍ତ ଉଚ୍ଚ  ବିଦ୍ୟାଳୟର ଖେଳ ଶିକ୍ଷକ ସରୋଜ କୁମାର ପଧାନ ବିଭିନ୍ନ ପ୍ରତିଯୋଗିତା ପରିଚାଳନା କରିଥିଲେ। ଶିକ୍ଷକ ନେହେରୁ ପାଇକ, ଗୋବିନ୍ଦ ବାଗ, ଦେବ ପ୍ରସାଦ ବାଗ, ଦୟାନିଧି ମହାପାତ୍ର, ଶିକ୍ଷୟିତ୍ରୀ ସୁନୀତା ମହାପାତ୍ର ସହଯୋଗ କରିଥିଲେ। ପରିଶେଷରେ ସହକାରୀ ଶିକ୍ଷକ ପ୍ରଦୀପ କୁମାର ପଧାନ ଧନ୍ୟବାଦ୍ ଦେଇଥିଲେ।