05-Feb-2025

ସିନାପାଲି  (ଚିନ୍ତାମଣି ନେତାମ )
ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ  ନୀଳଜି ସରକାରୀ ଉଚ୍ଚପ୍ରାଥମିକ ବିଦ୍ୟାଳୟର ବାର୍ଷିକ କ୍ରୀଡା ପ୍ରତିଯୋଗିତା  ବୁଧବାର ଦିନ  ନିଜସ୍ୱ ଖେଳପଡିଆ ଠାରେ  ମହାସମାରୋହରେ ଅନୁଷ୍ଠିତ ହୋଇଯାଇଛି ।   ବିଦ୍ୟାଳୟର ପ୍ରଧାନ ଶିକ୍ଷକ  ଶ୍ରୀଯୁକ୍ତ ସତ୍ୟବ୍ରତଗହୀରଙ୍କ ସଭାପତିତ୍ୱରେ ଅନୁଷ୍ଠିତ ଉଦଘାଟନୀ  ସଭାରେ ମୁଖ୍ୟ ଅତିଥି ଭାବରେ  ନୀଳଜି ଗ୍ରାମ ପଂଚାୟତର ସରପଞ୍ଚ  ଶ୍ରୀଯୁକ୍ତ ଲକ୍ଷ୍ମଣ ପ୍ରଧାନ, ମୁଖ୍ୟ ବକ୍ତା ଭାବରେ  ନୀଳଜି ସି ଆର ସି ସି ଶ୍ରୀଯୁକ୍ତ ରାକେଶ କୁମାର ମିଶ୍ର  ଓ  ସମ୍ମାନୀତ ଅତିଥିଭାବରେ  ବିଦ୍ୟାଳୟ ପରିଚାଳନା କମିଟିର  ସଭାପତି ଶ୍ରୀଯୁକ୍ତ  ଶଙ୍କର ନିଆଲ  ଓ ବରିଷ୍ଠ ଶିକ୍ଷକ ଶ୍ରୀଯୁକ୍ତ  ସେବକରାମ ପାତ୍ର ଯୋଗଦେଇ କ୍ରୀଡା ଉତ୍ସବର ପତାକା ଉତ୍ତୋଳନ ଏବଂ ଦେବପୁଜନ ପୂର୍ବକ ପ୍ରତିଯୋଗୀତାର ଶୁଭ ଉଦଘାଟନ  କରିଥିଲେ । ସୁସ୍ଥ ସମାଜ  ଗଠନ ଓ ସୁନାଗରିକ ତିଆରି ପାଇଁ କ୍ରୀଡାର ନିତାନ୍ତ ଆବଶ୍ୟକତା ରହିଛି ବୋଲି ଅତିଥିଗଣ ସଭାରେ ମତପ୍ରକାଶ କରିଥିଲେ । ବିଜ୍ଞାନ ଶିକ୍ଷକ ଶ୍ରୀଯୁକ୍ତ ଧୀରେନ୍ଦ୍ର କୁମାର ସା  ସଭାକାର୍ଯ୍ୟ ସଂଯୋଜନା କରିଥିବା ବେଳେ ସଭା ଶେଷରେ  ସହକାରୀ ଶିକ୍ଷକ ଶ୍ରୀଯୁକ୍ତ ଜଗନ୍ନାଥ ସୁନାନୀ ଅତିଥି ଗଣଙ୍କୁ  ଧନ୍ୟବାଦ ଦେଇ ଥିଲେ।ବିଦ୍ୟାଳୟରପ୍ରାୟ ୧୪୦ ଜଣ ଛାତ୍ରଛାତ୍ରୀ ବରିଷ୍ଠ ଓ କନିଷ୍ଠ ବର୍ଗ ରେ  ଦୌଡ଼, ଲମ୍ବଡିଆ, ଉଚ୍ଚ ଡିଆ, ସଟଫୁଟ ଓ ଡିଷ୍କସ ଥ୍ରୋ, ରଶି ଡିଆଁ, ଆଦିପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ। ଖେଳ ଶିକ୍ଷା  ଦାୟିତ୍ୱରେ ଥିବା ଶିକ୍ଷକ ଶ୍ରୀଯୁକ୍ତ ପରମାନନ୍ଦ ମାଝୀ  ପ୍ରତିଯୋଗୀତାର ଉତ୍ତମ  ପରିଚାଳନା କରିଥିଲେ। ସମସ୍ତ ଶିକ୍ଷକ ଓ ଛାତ୍ର ଛାତ୍ରୀ ସହଯୋଗ କରିଥିଲେ। ଆଗାମୀ ବାର୍ଷିକଉତ୍ସବରେ କୃତି ଛାତ୍ର ଛାତ୍ରୀ ମାନଂକୁ  ପୁରସ୍କୃତ କରାଯିବ ବୋଲି  ପ୍ରଧାନ ଶିଷକ ଉଜ୍ଜାପନୀ ସଭାରେ ଘୋଷଣା କରିଥିଲେ  ।