05-Feb-2025

ବରଗଡ଼:  ଆସନ୍ତା ୧୮ ଫେବୃଆରୀ ରେ ସ୍ବର୍ଗତ ଭଗବାନ ମିଶ୍ର ଙ୍କ ୮୯ତମ ଜୟନ୍ତୀ ପାଳନ ଉପଲକ୍ଷେ ଆଜି ଭଗବାନ ମିଶ୍ର ସ୍ମୃତି ସମିତି ର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ସର୍ଦ୍ଦାର ପ୍ରୀତମ ସିଂ ଙ୍କ ସଭାପତିତ୍ୱ ରେ ହୋଇଥିବା ଏହି ବୈଠକ ରେ ଆସନ୍ତା ୧୮ ତାରିଖ ରେ ସ୍ତାନୀୟ ବିଜୁ ପଟ୍ଟନାୟକ ଟାଉନ ହଲ ଠାରେ ସନ୍ଧ୍ୟା ୬ ଟା ସମୟରେ ଜୟନ୍ତୀ ପାଳନ କରାଯିବା ନେଇ ନିଷ୍ପତ୍ତି ନିଆଗଲା।ଏହି ଅବସରରେ ବରଗଡ଼ ଜିଲ୍ଲା ର ଜଣେ ବହୁମୁଖୀ ପ୍ରତିଭା ସମ୍ପର୍ଣ୍ଣ ବରିଷ୍ଠ ଶିକ୍ଷକ ଙ୍କୁ "ଭଗବାନ ମିଶ୍ର ଶିକ୍ଷକ ଗୌରବ ସମ୍ମାନ "ରେ ସମ୍ମାନିତ କରାଯିବା ସହ ଗତ ଓଡିଶା ଦଶମ ବୋର୍ଡ଼ -୨୦୨୩ ପରୀକ୍ଷା ରେ ଜିଲ୍ଲା ରେ ସର୍ବାଧିକ ନମ୍ବର ରଖିଥିବା ଓ ପ୍ରତ୍ୟେକ ବିଷୟରେ ସର୍ବୋଚ୍ଚ ନମ୍ବର ରଖିଥିବା ଛାତ୍ର /ଛାତ୍ରୀ ମାନଙ୍କୁ ସମ୍ବର୍ଦ୍ଧିତ କରାଯିବା ପାଇଁ ପ୍ରସ୍ତାବ ଗ୍ରହଣ କରାଯାଇଥିଲା। ଜୟନ୍ତୀ ସମାରୋହରେ ମୁଖ୍ୟ ଅତିଥି ଭାବେ ମାନ୍ୟବର ଲୋକସଭା ସାଂସଦ ଶ୍ରୀ ପ୍ରଦୀପ ପୁରୋହିତ ଓ ମୁଖ୍ୟ ବକ୍ତା ରୂପେ ବିଶିଷ୍ଟ ସମାଜସେବୀ ତଥା ଶିକ୍ଷାବିତ ବିଦ୍ୟା ଭୂଷଣ ଶତପଥି, ସରାଇପାଲି, ଛତିଶଗଡ ସମ୍ମତି ପ୍ରଦାନ କରିଛନ୍ତି ବୋଲି ସଭାପତି ଶ୍ରୀ ସିଂ ସୁଚନା ଦେଇଥିଲେ। ଏହି ବୈଠକ ରେ ସମିତି ର ଅଧ୍ୟକ୍ଷ ପ୍ରଫେସର ଅମରେନ୍ଦ୍ର ନାରାୟଣ ଯାଦବ, ଉପଦେଷ୍ଟା ପ୍ର. ସନ୍ତୋଷ କୁମାର ପଣ୍ଡା, ଉପସଭାପତି ଶ୍ରୀମତୀ ମନୋରମା ଷଡ଼ଙ୍ଗୀ,ଶ୍ରୀ କମଳ ଯୋଶୀ,ସହ ସମ୍ପାଦକ ବିନୋଦ ସାହୁ,ଶ୍ରୀମତୀ ମିନାକ୍ଷୀ ଦାଶ, ଶ୍ରୀମତୀ ଖୁସୁବୁ ଶର୍ମା,ଶ୍ରୀ ଵାଳକୃଷ୍ଣ ମିଶ୍ର ଓ ନବକୃଷ୍ଣ ମିଶ୍ର ପ୍ରମୁଖ ଆଲୋଚନା ରେ ଅଂଶ ଗ୍ରହଣ କରିଥିଲେ।ପରିଶେଷରେ ଶ୍ରୀମତୀ ଖୁସୁବୁ ଶର୍ମା ଧନ୍ୟବାଦ ଅର୍ପଣ କରିଥିଲେ।